الجزء 6
بقينا تنشربو حتى صافي وليت غير تنخرج وندخل فلهضرى خونا غير تيضحك عليا هو مزال شاد فراسو شويا مولف شويا خرجنا باش نفيقو ونصحاو قاليا خلي لموطور هنا طلعت معاه ولد لعبد عندو رونج غادين سيد تيسوق بحالا مشاربش بقينا تنضورو حتى عقلت على راسي مزيان قلت ليه ساط شنو سميتك قاليا لمعطي بقيت تنضحك تنضحك قلت ليه وقف طوموبيل أزبل وقف فجنب نزلت تكيت فوق لأرض وبقيت تنضحك ديلمو رونج ولفلوس وسميتو لمعطي قاليا ونتا قلت ليه لبشير قاليا وهنينا حتى وحدا فيهم متحمر لوجه طلع طلع تمينا غادين راجعين قاليا تهلا فلحاجة راه مكينش بحالها قلت ليه متخافش لحاجة راه بحال لواليدة قاليا عطيني نمرتك عطيتهالو صونالي طلعاتلي نمرتو بغيت نقيدها و أنا نتفكر سميتو لمعطي تنقيد وتنضحك من نيتك سميتك المعطي قاليا مالك غتعقدني ههههه وصلني قادينا لوراق وتنقوليه وا لمعطي وا لمعيطي وييييع ناري شديت فيه دبصح خرجت لموطور غادي ومع كنت شارب وتنتفكر سميتو لمعطي هههع لموطور تيلعب مشيت لفاك غسلت وجهي وراسي بقيت تنتسنى ف مها حتى خرجات تمينا غادين راجعين لدار قالت ليا وقف وقف فشي بلاصة راه من لفاك لدار لفاك لدار راه مرضنا وريني مدينتك قلت ليها و خا علاش لا سركلتها شويا تما مشينا تغدينا فواحد لقهوى ختنى علااام تتحس بيها حمقة وتضحك معاك عادي كلشي ولكين عارفة شنو تتدير رجعنا لدار مبغيناش نتغداو قلنالها بلي مغدين بركنا معاها تتغدا طلعت لبيتي يلاه حطيت راسي نستراح شويا ضرني راسي بداك شراب حتى تيصوني تيليفون تنشوف لمعطي هدا ههههع ناري على سمية جاوبتو لمعطي وييييع متأكد سميتك لمعطي قاليا ندمتي ديلمي علاش تنسول فيك قلت ليه لا لا غي تنضحك معاك شفتينس مطفرو سميتي لبشير هههه لبشير ولمعطي سمياتنا ديال شي فلاحا قاليا دوز دوز عندي غدا لبركة معاك علام و لكين تعاود تعيط ليا لمعطي نتفاهم معاك هههه قلت ليه صافي غنولي نقولك لمعيطي بقى تيضحك قاليا هنينا هنينا قولي غير عشيري وصافي قلت ليه صافي أعشيري غدا ندوز عندك ولكين راه نقولها ليك من هنا مبغيتش نشرب بغيت نحيد لبلية أخويا عندي عائلة ومستقبل نبنيه و غنبقى نخسر ف فلوسي قاليا راه كاع تنقولو هكداك حيد حيد دبا عندي خدمة حتال غدا وندويو قطع هو وصلني مساج من عند مها سلام سلام قالت ليا صيفطلي تصاور ديال لبارح ألبعر مالك نسيتيني قلت ليها واش حمقة ساكنين فنفس دار وتتدوي معايا فتيلي علاش مقلتيهاش قبيلا نلوحهم ليك بلوتوت ولا فشريط قالت ليا وصافي صيفطلي لحتهم ليها كاملين قلت ليا لعز لعز إوا عاود ليا شويا على راسك قلت ليها مرحبا بديت معاها من لول و لمشاكيل مع لواليد و مراتو وشنو وقع قالت ليا واش بصح هادشي كامل واقع ليك وصابر وعايش معانا تحت سقف واحد بازليك قلت ليها مشفتي والو مزال لمشاكيل بالكيلو عندي بقينا داوين ليلة كاملة وختنى ضحوكية دبصح بزااف حتال ديك 12 ديال ليل عاد نعسنا لغد ليه فقت قبل منها وجدت لفطور مني دخلات لكوزينة قالت ليا تبارك لله عليك ليوم راك فايق قبل مني بركات فكرسي بدينا تنفطرو جات لحاجة فطرنا خرجنا باش نمشيو لفاك غادين وتنتفكرو لهضرة ديال لبارح وتنضحكو وصلتها دخلات حطيت لموطور عند لعساس تقديت واحد طريف وبركت فواحد لكوان قاديت واحد جوان يلاه شعلتو حطيتو ف فمي حتى وقفات عليا شنو تتدير قلت ليها واش عميتي راك تتشوفي وهيا تحيدو ليا من فمي تنقوليها بنت لعبد داك جوان راه مقومتو غير بزز وهيا تلوحو فالأرض و عفطات عليه قالت ليا لا لا ماشي ديالك هادشي قلت ليها نتي عارفة لمشاكيل لي عندي بلاما نبدا نعاود ليك تاني يلاه تنسي شويا قالت ليا لا راه تتخرج على صحتك قلت ليها راه غير كلام هداك أنا مبلي ب بزاف ديال لبليات وها صحتي قدامك لي دوى يتكال وهيا تقوليا واش من نيتك أنا تندوي على من بعد بعد واحد 10 سنين سنانك مغيبقاوش و صحتك ضيقة وزيد وزيد قالت ليا برك برك ندويو بركنا فداك لكرسي بقات تتنصح فيا بحالا لواليدة باركة معايا وتتبان صغييرة حدايا بحال شي نملة باركة مع فيل هههه لمهم قالت ليا غير لإرادة من عندك و أنا معاك نعاونك قلت ليها راه ماشي غير تنكمي شحااال من بلية قالت ليا وحدا بوحدا غادي تحيدهم ونبداو ب جوانات غادي تحيدهم فمرة وحدا فينما تبغي تكمي صيفطلي مساج ولا دوي معايا قلت ليها هكدا غنتبلا بيك نتي فبلاصة هاد لبلية قالت ليا مزيان ختنى بدات تتقرب مني غير بشويا بشويا قالت ليا صافي دوينا دبا يلاه انا غاديا نقرى مشات هيا تقرى هزيت انا لموطور وغادي لعند لمعيطي ههههه تنتفكر سميتو تنبقى غير نضحك ، ولكين زعما نكون تنعجب هاد لبنت شنو بغات تعني بديك بدل لبليت بيا هههه شي سيناريوهات طلعولي فدماغي شيطان وميطيحوش عليه ههه باغا تفسدلي أخلاقي وصلت لمحال ديال خونا حطيت لوموطور سورتو وغادي طالع عندو لبيرو ...(يتبع)
#دعشوش
ليست هناك تعليقات:
إرسال تعليق