#لبشير_و_مها
الجزء 13
بقيت بارك شويا تنفكر حتى داني نعاس لغد ليه فايق مقرر أنني نترجل مع خونا باش دوز هاد لفترة بزربا نزلت فطرنا خرجت معاه بحال ديما كروصة بقيت جارو واحد لمساااافة بعيدة عاد ورجعتو و فلعشيا لبرميل تاني بقيت كل نهار نفس لحاجة وليت بحال خونا فتصرفاتو ولكين لاحضتها فراسي لجسم ديالي بدا تيتبدل و ولا داك لبرد عندي عاادي بدا كل نهار تيزيد شي حاجة أنا مصبرني غير لكونط لي ولا زاهي دبصح رقم خيالي هادشي غير مزال مبداتش لخدمة لمهم دوزت واحد 6 شهر وشي حاجة مدويتش فيها مع دارنا ولا شي واحد من لمغرب صافي تنوقف قدام لمرايا أنا متنعرفش راسي و ولات عندي لحية ديال بصح وليت تنشد شويا مع داك خونا فلعصى ماشي بحال لول وخا هكداك معمري نوصل ليه هو تبارك لله باقي تيعاملني كيفما لول دبا 8 شهر باش جيت لهنا بديت تنتعلم معاهم روسية وتنفهم خونا شتيقول وتنجاوبو خونا قاليا بلي صافي سالا تدريب وغيديرليا شي حاجة بحال لمتحان لغد ليه قلت ليه صافي طلعت لبيت بقى ضارني راسي أشنو غيديرو ليا هاد خوتنا لغد ليه فقت تيبانو ليا واحد 18 واحد واقفين ف جردة فتلج خوتنا لابسين لبسة ديال لعسكر قاليا خونا نصل حوايجك حيدتهم بقيت فشورط قاليا خاصك تصبر على 15 دقيقة ديال ضرب قدام لفرقة لولا فضومين طبعا إلا وافقتي مقديتيش تقدر تهز صاك لي جبتيه ورجع منين جيتي تنشوف فيهم أخويا غير لمقودين منهم شينوا و لي روسين و عزاوا خلعوني ولكين أنا صابر 8 شهر ماشي نجي دبا ونتراجع قلت ليه وخا صافي موافق وهو يشوف فيهم قاليهم بداو خوتنا بحالا عرض عليهم ياكلو جاين تيجريو خطفوني من لأرض مبقيتش عارف رجلمن لوفوقانية شي عصى كليتها مكالهاش شي مخلوق و عندهم دوك صبابط ديال لعسكر تيضربو وتيعيرو بقيت تنغوت و مدابز باغي نهرب حتى قاليا روسي بقات 2 دقايق وهوما يبداو يديرو ليا لعصى ديال بصح ومزال تيعايرو حتى تنسمع هاك أولد لق^بة وضفاك شكون قاليا تنشوف فيه واحد منهم لوين شويا وهو يدخل روسي قاليهم صافي بغيت نتبع خونا نسولو واش مغربي مقديتش صافي مضروب وشاك فيدي ليسرى مهرسة وهو يقوليا روسي مبروك دزتي من لإختبار لول وساهل قلت ليه وضفاك هدا غير ساهل قاليا دبا خاصك تطيحنس لأرض وهو يهز ديلمي حتال سما وردخني دموع سالو ألله يا سيدي ربي شنو جابني لهنا وقفت بدينا معابزين والو سيد بحال شي شجرة متيتزعزعش و تيضرب مني تيضربني تيجيني بلي بحالا كان غير تيضحك معايا هاد 8 شهر لي دازت وهو يgراطيني من رجلي غادي يهرسها و أنا نجمع ليه واحد مولاتي حزقة وطلقتها وهو يطلقني وشد من نيفو ضربتو برجلي لوجهو رعفتو باش وقف شاد من نيفو جمعتو بشمال طاح بقيت تندخل ليه تندخل ليه تنشوف فدوك 18 ديال رجال تصدمو خونا مقود فريو داك خونا لي مغربي شاد من كرشو و تيضحك حتى تنسمع شيباني روسي تيصف ومعاه ديك ختنى قاليا صافي حبس حبس وقفت من فوق خونا (هاشتاغ #حزقة_آنقضت_حياتي) خونا لي كان تيدربني ناض معصب بدا تيسب قاليا غشاش قلت ليه وشغنديرلك نخلي سم فكرشي أنا وهو يدخل شيباني قاليه صافي خدمتك هنا مع هاد لولد سالات سار ستراح مشى خونا و محاملنيش قاليا داك شيباني مبروك عليك دبا رسميا وليتي من رجالي تنشوف فيهم دارو ليا تحية عسكرية ناري دموع سالو و كامل مضروب طحت ليهم تما حتى تنفيق ف سريري لقيت داك خونا لي شاك فيه مغربي بدا تيدوي بروسية قلت ليه وا لهلاوي واش نتا مغربي قاليا ويييع متقولش ليا حتى نتا مغربي قلت ليه وااه أصاحبي مغربي وسميتي لبشير وكازاوي كاع قاليا مرحبا أنا مراكشي سميتني خالد بقينا داوين شويا خونا عندو 27 عام وخدام معاهم هنا شي 7 سنين قلت ليه واش تترجع لمغرب قاليا لا متيخليوناش نرجعو منيني جينا حتى نكبرو قلت ليه وايلي وشحال تيكون عندك باش تيخليوك تخرج قاليا 37 عام قلت ليه أنا راه قاليا شيباني بلي غنقدر نمشي وقتما بغيت قاليا راه كاع قالينا هكداك فلول وضفاك شنو أنا دبا خوروني قاليا معندك مدير صبر حتى توصل 37 وتكون جمعتي لعاقة ديال بصح قلت ليه وا خونا راه عندي لواليدة تتسنى فيا قاليا منعرف صبر بعدا نبداو لخدمة و دخل شويا د لعاقة مع راسك و دوي معاه إلا بغى سمعت بلي عتقتيه راه يقدر يعاملك قلت ليه وخا أجي توحشنا كسكسو قاليا متفكرنيش أصاحبي كسكسو طنجية داكشي كامل تحرمنا منو هنا بقينا داوين شويا دخلات ديك لبنت قالت ليه خرج خليه يستراح راه غدا عندكم خدمة خرج خونا بقيت أنا وياها بقات تتضحك قلت ليها مالك قالت ليا تنتفكر داكشي لي درتيه قبيلا ههههه شيطان ومطيحش عليه ديك لفكرة قلت ليها راه خرجات بلاما نحس بيها حركة لا إرادية بقينا داوين شويا قلباتلي يدي قالت ليا ممهرسش غير مضروب جابتلي بانضة دارتهالي تنشوف فلحمي كامل مضروب ديال بصح منعرف شكون هدا فيهم لي تيلبس 45 فرجلو صباطو بقى مطراسيلي فكرسي بقات ختنى معايا واحد ساعتين وهيا تتديرلي واحد لبوماضا شرباتني واحد سيرو بحال رحمة ربي مبقيت حاس بوالو مجانيش نعاس ديك ليلة لحمي كاع تيضرني و تنفكر فخونا واش غيخليني نمشي دخلني شك أصلا خونا خاسر علينا فلوس ديال بصح خاصني ندير شي حل ولكين نجمع مصيريف لي يعيشني انا ولواليدة بعدا نعست شويا حتال لغد ليه مفيقني داك لمراكشي قاليا نوض نوض لقيت واحد خونا تيطيب لمسمن فروسيا قلت ليه من نيتك قاليا داوي معاك ولله نوض نشوفو لبست حوايجي وغادين بزوج تنقلبو باش تلقا لمسمن ف روسيا راه خاصك داكشي ديال ذهب مشينا لديك لبلاصة لقينا واحد لمحال و حاط لمسمن ناري أنا مع شميت ريحة لمسمن بديت تنبكي لمراكشي حتى هو تيبكي وتيصبر فيا تنقوليه واش دبصح غناكلو لمسمن 8 شهر مشفتو أخويا قاليا هنينا انا راه 7 سنين دخلنا عند خونا لقيناه حتى هو مغربي بركنا فلكراسا قلت ليه جيبلنا لمسمن قالينا مغاربة ولا غير معلمين دارجة قلت ليه مغاربة مغاربة أعمي قالينا مرحبا أتاي ولا قهوى قلتلو اتاي جاب لينا لمسمن و لحريرة بقينا تنضربو تنضربو حتى وصلنا للحد باركين تنضحكو مع مول لمحال حتى تيصوني تيليفون ديال لمراكشي جاوب بزربا قطع قاليا كينا خدمة دبا خاصنا نمشيو قال لخونا شحال عندنا قاليه ولله ما نتخلص من عندكم لمرة لماجية إنشاء لله قلت ليه إنشاء لله مزال نرجعو عندك خرجنا طيارة لقصر تاني هاد لمرة غنمشي معاهم دخلت لواحد لبلاصة معمري مشيت ليها فلقصر عطاوني واحد لبسة بحال ديال لعسكر أعمي و ديك لعيبة لمضادة لرصاص ضربتها تحت حوايجي لموس فرجل سلاحات وداكشي بحال ف لأفلام خارجين تنحس براسي فشي فيلم طلعنا لواحد لهليكوبتر مقاودة و واسعة فيها ديك خيتي قالت لينا بلي غينزلونا فشي غابة و خاصنا نقلبو على شي قصر فيه شي رجال خاصنا نحيوهم وصلنا لديك لغابة نزلونا ومعانا داك خونا لي دربني عينو غير عليا تمينا غادين تنجريو فديك لغابة لمراكشي حدايا قربنا لداك لقصر كبير وقفنا بعيد كلشي تيشوف فلمراكشي وهو يجبد صاكو بدا تيركب فداك سلاح بزربا حتى كملو واحد لبندقية تنشوفها غير فالأفلام حطها فالأرض تكى حداها قاليا تفرج تفرج نوريك لبهجاوي علاش قاد تنشوف فلقصر تيباليا بنادم غير تيطيح خونا مقود دبصح عندو فيديه وهو يقولينا خونا لي دربني يلاه دبا نوبتنا تمو غادين تيجريو شي حاجة صداع دراري مقودين دبصح ف 3 دقايق كنا كملنا داكشي علاش جينا جاو هزونا رجعونا تاني لقصر بقينا كل نهار بلاصة مبقيتش حامل راسي تنحلم بشي حوايج خيبين فليل وليت غير خايف يقتلني شي واحد متنحيدش موس من حدا راسي ودازت وقيتة تبارك لله عام وصرف باش جيت لهنا لواليدة تلقاها حماقة قررت نوقف على خونا شيباني لي جابني نشوفو واش قد كلمتو و غيخليني نمشي قلتها ليه قاليا سمع البشير نتا عتقتي ليا حياتي و صاحبي ولكين لخدمة مفيهاش صاحبي خسرنا عليك فلوس وخاصك تصبر حتى نرجع فلوسي كاملة وديك ساعة تقدر تمشي و ولله ما يدوي معاك شي واحد ديك ساعة قلت ليه وخا هاني صابر رجعت لبيتي ديك ليلة كاملة تنفكر فلواليدة و لمعطي لحاجة و مها كون مدارتش هكداك كون كنت مزال معاها موحال واش كنت نوافق نجي لهنا سهران حتى تنسمع تخرشيش جمعت راسي هزيت سلاح غادي خارج فلقصر تنقلب تيباليا داك خونا لي كان دربني و شي وحدين من دوك لي معانا شادين شيباني لي جايبنا وحتى ديك لبنت روسية بحالا غيقتوهم مفاهم والو أنا مال هادو علاش حتى تنسمع روسي تيعيط عليا باش نعتقو قاليه خونا راه ناعس مكينش لي غيفكك مني تنضرب على سلاح فيدي خرجت ليهم داكشي بزربا مكانوش ضاربيلي حسابي قرطاسة لكل واحد بزربا سلاح خويتو بقا خونا لي تيدربنا و واحد خونا بغا يزرب عليا معرفتش لمراكشي منين خرج خطف ليا خونا بداو مدابزين بقيت مع داك خونا لي دربني ومقااود لاح سلاح جبد موس حتى انا شديت موس بدينا مدابزين خونا مقود مكين غير قطع خفيف وصحيح و لمشكلة مفياش حتى لحزقة ههههه ولكين ماشي ساعتي هادي مزال غنشوف لواليدة مع لاحني فالأرض ضربتها ليه بواحد مولاتي عضت لرجلو بدا تيغوت حطيت ليه لموس فعنقو هزيتو ولحتو فوق لميدة صافي خونا مات كان واحل ليا فعنقي عرفت راسي وليت مقود تنشوف فلمراكشي مزال مدابز ليا مع خونا عاونتو نحيناه تنشوف فشيباني قلت ليه شنو وقع قاليا بغاو ياخدو كلشي ولكين مزيان مني كينين نتوما وهو يعيط على لخدامين ينقيو دنيا قاليهم حرقو هاد زبل عليا تيشوف فيا قاليا نتا أولدي سير تداوي يدك مضروبة وهيا تشدني ديك خيتي داتني لواحد لبلاصة تتداوي ليا يدي دارت ليا لفاصمة وهيا تعنقني قلت ليها مالك قالت ليا كنت تنحتارمك ودبا زدت حتارمتك نتا عتقتيلي حياتي قلت ليها هانية هانية وهيا تبدا تبوس فيا قلت ليها بلاتي بلاتي منقدرش قالت ليا شي وحدة ؟ قلت ليها لا غير مبغيتش شي وحدا فحياتي دبا قالت ليا وخا خرجات خارج انا لبيتي وهو يعيط ليا شيباني بارك هو و لمراكشي بركنا قاليا شيباني لبشير تقدر تولي نتا لي تتدرب رجال وتخلص بثمن لي معمرك حلمتي بيه و تقدر تمشي لبلادك عزل لي بغيتي هاد لمرة قررت منطمعش لله يجعل لبركة جمعنا شويا د لفلوس قلت ليه بغيت نمشي قاليا وخا تقدر تمشي وقتما بغيتي ومتنسانيش بقى تسول عليا غنبقى مدين ليك بحياتي زوج د مرات تنشوف فلمراكشي قاليا مبروك عليك اخويا قلت لخونا بغيت حتى هاد ولد يمشي معايا قاليا لا و راه خاصيني رجال نخسرك نتا و هو قت ليه شوف ياك نتا مدين ليا إوا صافي قبل عاد طلب ديالي ونتعادلو قاليا صافي واخا واخا سيرو بزوج ونهار تبغيو ترجعو لخدمة مرحبا غدا توصلكم طيارة ديالي لمغرب كونطات ديال لبنكة فيهم كاع فلوسكم قلت ليه شكرا قاليا نتا لي شكرا مشى بقيت مع لمراكشي وهو يعنقني قاليا معمري ننسالك خيرك قلت ليه وصافي أصاحبي رجال لرجال يلاه حيد دبا حتال غدا قاليا ممتيقش غدا غنمشيو لبلاد تاني طلعت لبيتي ناري يمكن غدا نشوف لواليدة غير مجرد تفكير فديك لحضات تيخليوني نبكي بالفرحة و أخيرا الله على راحة و أخيرا أنشوف ميمتي داني نعاس لغد ليه فايق ناشط فرحان تنجمع حوايجي دخل لمراكشي جامع حوايجو وتيتسنى فيا عاوني خارجين تلاقينا مع شيباني قالينا بركو غير فطرو قلنا ليه لا خاصنا نفطرو فلمغرب وخا منفطرو حتال 12 ديال ليل توادعنا معاه ومع ديك لبنت قلت ليها سمحيلي أصلا أنا مغتجيش معايا هيا زوينة أنا وجهي بحال شي كسيدة خرجنا وصلونا بطوموبيل لداك لمطار راجعين فطيارة ديال خونا طالقين بلال وتنشطحو واااع معمري كان يحسابلي غيجي شي نهار نفرح حيت غادي نرجع لمغرب غنرجعو لبلادنا أخيرا غنشوف لواليدة أخيرا وصلنا نزلنا فرباط يمكن غنتفارق مع خونا لمراكشي معانقين وتنبكيو مدوزناش لقليل قاليا دوز لمراكش خدينا تيليفونات و نماري تما خدينا نماري بعضياتنا شد هو طريق تران مشيت حتى انا لواحد لكار غيوصلني لكازا غادين تنتفكر نمرة ديال لواليدة بزز تنصوني عليها تيليفونها طافي وصلنا لكازا فين غنمشي عند لمعطي أول واحد مشيت لعندو لخدمة داخل كلشي تيشوف فيا معرفونيش مبدل فشكلي بزاف طلعت عندو تندق تنسمع ديك دخل حليت لباب بقى غير تيشوف قاليا واش نتا هو لي تيحساب ليا قلت ليه معيطي عطعوط نسيتي كاع دوك طلعات وهو يدفع لكرسي جا تيجري عنقني قاليا غبرتي قلنا معمرنا غنبقاو نشوفوك لحاجة و مها كل نهار تيسولو عليك قلت ليه صافي أصاحبي هاني رجعت قاليا برك برك بركنا قاليا عاود ليا فين مشيتي قلت ليه معنديش لوقت بغيت نشوف لواليدة مصابرش لمهم داكشي بختصار كنت فروسيا شي خدمة تقريبا بحال لي كنت تندير معاك ولكين باحتراف يلاه قدرت نرجع ياك نتا بيخير بعدا تزوجتي ؟ قاليا أه ولكين ماشي ب مها أصاحبي قلت ليه علاش ؟ قاليا لبشير عاوداتلي لحاجة كلشي وبلي كنتي معاها و خليتيها غير على وجهي وكون غير قلتيها ليا حنا رجال متفارقناش درية قلت ليه فيها خير أصاحبي حتى هيا متستاهلكش قاليا ودبا شنو ناوي دير قلت ليه أول نشوف لميمة قاليا دبا نمشيو نزلنا مزال عندو ديك رونج غادين وتيقوليا فين تنعتها ليه دبك دار عائلتها وصلنا لتما قاليا تمشي بوحدك ولا نمشي معاك قلت ليه نمشي بوحدي صافي غير سير نتا هادشي لي درتو هزيت صاكي ومشيت لتما تندق فلباب تتخرج جدة تتجري عنقاتني عرفاتني بزربا دخلاتني قالت ليا فين كنتي قلت ليها مشاكيل أمي بغيت نشوف لواليدة فيناهيا قالت ليا راه فلخدمة دبا صبر نعيط ليها قلت ليها لا لا غاتي تم جايا مخلوعة راك عارفاها تولي واقعة ليها شي حاجة انا غنمشي ياك غير فلمحال ديال ديما دجدي قالت ليا أه عنقتها تاني قالت ليا متعاودش تغبر و رجع تغدا قلت ليها ولا عليك حتى انا بغيت ناكل من يديك قالت ليا وعنداك ودير فبالك راني ساخطة عليك إلا مجيتيش خرجت من تما خليت صاكي تما شديت طاكسي حطني قدام شركة ديال جدي دويت مع سيكيريتي وريتو لكارط خلاني ندخل غادي عند لواليدة ناري تنوقف عليها فلبيرو محنيا على خدمتها و لوراق ضيرين بيها تبدلات بزاااف فهاد لعام كبرات و ولات تتدير نظارات تندق فلباب وهيا تشوف فيا بقات تتشوف واحد شويا خوكم مبدل دبصح فهاد لعام ولكين معمرني نتبدل على لي ولداتني كانت غادي تلاح من فوق لبيرو كونما مشيت تنجري لعندها عنقتها وهازها من لأرض سيدة لون ديال وجهها تبدل مبقاتش قادرة تدوي غير تدير أم أم وهيا تجمع سوفل وقالت ليا وا ولد لخانزة وتا طلقني راك غتقتلني عاد حسيت براسي راه مزير عليها نزلتها وهيا تعنقني بدات تتبكي قلت ليها مالك قالت ليا ولد لحرام غبرتي قلت معمري بقيت نشوفك قلت ليها لواليدة راه قلت ليك غنرجع وخا منعرف شنو يوقع ولدك راجل قد كلمتو قالت ليا برك برك بركنا ف كراسي شاد ليها من يديها تنبوسهم قالت ليا مبدل بزاااف شنو كنتي خدام قلت ليها بلاما تسولي ألواليدة لمهم رجعت ودبا غتحبسي لخدمة وغنعيشو بحال أي أم و ولدها وعزلي دار ولا لفيلا لمخيرا ناخدها ليك دبا قالت ليا باراكة عليا غير جيتي أولدي مشات ديك لمرى لي كانت باغا كلشي غالي نعيش مع ولدي غير فبراكة قلت ليها علاش أنا صابر على فراقك الواليدة هاد لعام وصرف غير باش نعيشك مزيان دبا خلينا من هادشي خاصنا نمشيو نتغداو فدار راه جدة حلفاتني قالت ليا واخا أولدي دبا هزات صاكها شداتلي فيدي وغادين قالت ليا ها طوموبيلتي قلت ليها لا نتمشاو حسن باش ندويو قالت ليا واخا غادين شادالي فيدي وتنتمشاو قالت ليا فاشمن بلاد كنتي قلت ليها روسيا الواليدة قالت ليا زعما عام تما مدرتي لا مرى لا وليدات قلت ليها يهديك لله الواليدة مشيت نخدم و أنا منديرش شي حاجة بلا خبارك قالت ليا لله يرضي عليك قلت ليها لواليد شنو تيدير دبا مزال مسولتش عليه وهيا تقوليا ولدي باك محتاجك وديما تيسول عليك راه مزال خدام و تيعيط ليا تيسول عليك قلت ليها مزال مزوج بديك خيتي قالت ليا لا راه لقاوها فشي دار ماشي حتال لهيه غير خليها على لله كان غادي يحماق فيها تشوه د بصح خاصك تمشي تشوفو قلت ليها من بعد خاصنا نتغداو ونمشيو لواحد لبلاصة موجد ليك فيها كادو قالت ليا فين قلت ليها وصافي دبا تعرفي معندنا لاش نزربو وصلنا لدار دخلنا لقيت جدي بقيت معنقو حتى هو سيد كبر تيتحرك غير بزز هزيتو بركنا تنتغداو جدة مطيبة واحد لقصرية د كسكسو ناري عام وصرف مكليتو دخلت فلقصرية طول وعرض أعمي قالت ليا جدة فيك جوع أولدي كول و إلا خصك نوض دبا نسgي لولدي قلت ليها ماشي جوع غير موحش لماكلا من يديك كملنا بركنا تنعاود ليهم لمغامرات ديالي فروسيا هههه بحال شي وتائقي واحد ساعة وصرف قلت ليهم جدي جدة أنا و لواليدة خاصنا نمشيو لابدة عندي ليها شي مفاجئة ونتوما غتشوفوها من بعد قالت ليا جدة لله يسمعنا خبار لخير ويخليك لماماك أولدي خرجنا شدينا طاكسي لطوموبيل ديالها مشينا بعدا لبنكة هيا لولا قاديت لكونط ديالي شيباني روسي مهلي ليا فلكونط لمهم قاديناه خديت لكارط و دفتر ديال شيكات خرجت عند لواليدة ركبنا قلت ليها وصليني لحلاق قادلي شعري و لحية وغسلي راسي من تما مشينا تقدينا شي حوايج لبسهم حوايج روسيا ممناسبينش لجو لمغرب رجعنا لطوموبيل بقيت تنعت ليها حتى وقفنا قدام لمشروع لي كنت خدام فيه فداك صيف لمشؤوم لي بدلي حياتي تبدل لمشروع بزاااف صافي كملو لفيلات باقين غير شي دراري قلال من لي خدمو معايا تيديرو نيطواياج و تيصلو شي بلايص داخلين قلت ليها لواليدة فخبارك راني كنت خدام هنا فداك صيف لي خرجني لواليد قالت ليا مزيان أولدي حمد لله شوف كيفاش وليتي دبا راجل وعلاش جينا هنا قلت ليها هنا غنشريو قالت ليا أويلي لا شوف لفيلات قداش وكيف دايرين غيكونو غالين قلت ليها لواليدة نتي مغتعطيش درهم نتي غير تعزلي قالت ليا يلاه نمشيو لبيرو ديالهم مشينا وقفنا عند لباب دقينا سمعنا ديك دخل حليت لباب للواليدة دخلات داخل انا تيباليا لواليد بغيت نعنقو فديك لحظة ولكين تفكرتو شنو دار معايا وقف لعندي باغي يعنقني و أنا نمد ليه يدي قاليا سلام سلام غبرتي قلت ليه غير لخدمة لمهم جيت مع لواليدة باغين نشريو شي فيلا من عندكم قاليا راه لمسؤول مكينش دبا أنا لي مقابل نقدر نوريكم قلت ليه وخا بدينا تندورو لواليدة محيداتش عينيها على وحدا فشوكة كبيرة مبغاتش تقولها ليا أنا فهمتها قلت ليه وخا نشوفو هاديك قالينا مرحبا خدا سوارتها من عند سيكيريتي دخلنا متيسعا ديكور ديال لأفلام قلت للواليدة مزيانة ؟ قالت ليا آلله أويلي حسن منها مكينش ولكين غتكون غالية علينا وهو يدوي لواليد قاليها أه غالية شويا ملياد و 100 تنشوف فلواليدة خلعها رقم تنشوف فيه قلت ليه نقدر نخلص ليوم ولا حتى يجي لمسؤول تصدم لواليدة شداتني من يدي قالت ليا ولدي واش تتدير هادشي باش تفوح على باباك ولا غير على ودي راه غالية بزاااف قلت ليها وا لواليدة يهديك لله راه هادشي والو ولدك دوز تمارة فهاد لعام وجمع مصيريف تحتو ديال بصح و بغيت نعيشو فبلاصة زوين شوفي مناش وحنا صابرين مجاتش ناخدو شي حاجة عيانة قالت ليا وخا وخا لله يزرقك أولدي ويخليك ليا قلت ليه شنو غنخلص دبا ولا شنو قاليا واخا نعيط على لمسؤول دبا يجي عيط لينا على خونا جاي تيجري ضربة صحيحة هادي تيقوليا غير سيدي سيدي تيحستبليه واش شي شخصية كبيرة قاليا نتشرفو بمعرفتك قلت ليه أنا ولد خدم فهاد لفيلات واحد نهار ب 75 درهم لنهار ودبا بغيت ناخد ديك لفيلا بدا تيحر ليا فلساني باغي يعرفني كيف ردتلها قلت ليه دبا واش نكتب شيك ولا نمشيو لبنكة قاليا لي بغيتي بدينا تنسينيو لوراق لعيبات لواليدة فرحانة قاليا داك خونا سير جيب شي ضورة ف ديك لفيلا حتى توصل لكاتبة باش نقادو ليك لوراق وتخلص غتلحق عليكم لفيلا فأقرب وقت قلت ليه صافي ها حنا ف لفيلا لمعلومة دخلنا تندورو فيها انا ولواليدة وتنضحكو تنلعبو جري ههههه راه لواليدة توحشتها حتى تتسمعو دقان صوت بنت هدا مشات لواليدة تحل لباب حتى تتدخل ومعاها لكاتبة ناري مغتيقوش لكاتبة شكون هيا مها ناري صدمة أنا عرفتها لكاتبة لي تيدويو عليها غير من لبستها شافتني بقات تتشوف قالت ليا ل بشير ؟ تنشوف فلواليدة تتعرفيها ؟ قالت ليا لا قلت ليها حتى أنا لمهم ختي أنا لي باغي ياخد هاد لفيلا بقات تتمتم قالت ليا واخا ولكين نقدرو ندويو شويا بعدا قلت للواليدة تقدري تخلينا شويا قالت ليا واخا خرجات مع خرجات وهيا تقوليا واش عارف هاد لفيلا شحال ساويا واش تتدير هادشي بلعاني على ودي باش تعقدني و فين غبرتي تنشوف فختنى ولات بحال شي ميمة قصيرة و بحال لبوطة غير لوجه مزال كيف كان زوين قلت ليها لفلوس ماشي مشكل تتمشي وتجي حنا رجال تنجيبو لفلوس ماشي تتجيبنا و تندير هادشي على ود لواليدة أنا مفخباريش كاع بلي نتي وليتي خدامة هنا و دبا نقدرو نكملو لوراق بغيت نبداو نفرشو دار غدا ...(يتبع)
#دعشوش
الجزء 13
بقيت بارك شويا تنفكر حتى داني نعاس لغد ليه فايق مقرر أنني نترجل مع خونا باش دوز هاد لفترة بزربا نزلت فطرنا خرجت معاه بحال ديما كروصة بقيت جارو واحد لمساااافة بعيدة عاد ورجعتو و فلعشيا لبرميل تاني بقيت كل نهار نفس لحاجة وليت بحال خونا فتصرفاتو ولكين لاحضتها فراسي لجسم ديالي بدا تيتبدل و ولا داك لبرد عندي عاادي بدا كل نهار تيزيد شي حاجة أنا مصبرني غير لكونط لي ولا زاهي دبصح رقم خيالي هادشي غير مزال مبداتش لخدمة لمهم دوزت واحد 6 شهر وشي حاجة مدويتش فيها مع دارنا ولا شي واحد من لمغرب صافي تنوقف قدام لمرايا أنا متنعرفش راسي و ولات عندي لحية ديال بصح وليت تنشد شويا مع داك خونا فلعصى ماشي بحال لول وخا هكداك معمري نوصل ليه هو تبارك لله باقي تيعاملني كيفما لول دبا 8 شهر باش جيت لهنا بديت تنتعلم معاهم روسية وتنفهم خونا شتيقول وتنجاوبو خونا قاليا بلي صافي سالا تدريب وغيديرليا شي حاجة بحال لمتحان لغد ليه قلت ليه صافي طلعت لبيت بقى ضارني راسي أشنو غيديرو ليا هاد خوتنا لغد ليه فقت تيبانو ليا واحد 18 واحد واقفين ف جردة فتلج خوتنا لابسين لبسة ديال لعسكر قاليا خونا نصل حوايجك حيدتهم بقيت فشورط قاليا خاصك تصبر على 15 دقيقة ديال ضرب قدام لفرقة لولا فضومين طبعا إلا وافقتي مقديتيش تقدر تهز صاك لي جبتيه ورجع منين جيتي تنشوف فيهم أخويا غير لمقودين منهم شينوا و لي روسين و عزاوا خلعوني ولكين أنا صابر 8 شهر ماشي نجي دبا ونتراجع قلت ليه وخا صافي موافق وهو يشوف فيهم قاليهم بداو خوتنا بحالا عرض عليهم ياكلو جاين تيجريو خطفوني من لأرض مبقيتش عارف رجلمن لوفوقانية شي عصى كليتها مكالهاش شي مخلوق و عندهم دوك صبابط ديال لعسكر تيضربو وتيعيرو بقيت تنغوت و مدابز باغي نهرب حتى قاليا روسي بقات 2 دقايق وهوما يبداو يديرو ليا لعصى ديال بصح ومزال تيعايرو حتى تنسمع هاك أولد لق^بة وضفاك شكون قاليا تنشوف فيه واحد منهم لوين شويا وهو يدخل روسي قاليهم صافي بغيت نتبع خونا نسولو واش مغربي مقديتش صافي مضروب وشاك فيدي ليسرى مهرسة وهو يقوليا روسي مبروك دزتي من لإختبار لول وساهل قلت ليه وضفاك هدا غير ساهل قاليا دبا خاصك تطيحنس لأرض وهو يهز ديلمي حتال سما وردخني دموع سالو ألله يا سيدي ربي شنو جابني لهنا وقفت بدينا معابزين والو سيد بحال شي شجرة متيتزعزعش و تيضرب مني تيضربني تيجيني بلي بحالا كان غير تيضحك معايا هاد 8 شهر لي دازت وهو يgراطيني من رجلي غادي يهرسها و أنا نجمع ليه واحد مولاتي حزقة وطلقتها وهو يطلقني وشد من نيفو ضربتو برجلي لوجهو رعفتو باش وقف شاد من نيفو جمعتو بشمال طاح بقيت تندخل ليه تندخل ليه تنشوف فدوك 18 ديال رجال تصدمو خونا مقود فريو داك خونا لي مغربي شاد من كرشو و تيضحك حتى تنسمع شيباني روسي تيصف ومعاه ديك ختنى قاليا صافي حبس حبس وقفت من فوق خونا (هاشتاغ #حزقة_آنقضت_حياتي) خونا لي كان تيدربني ناض معصب بدا تيسب قاليا غشاش قلت ليه وشغنديرلك نخلي سم فكرشي أنا وهو يدخل شيباني قاليه صافي خدمتك هنا مع هاد لولد سالات سار ستراح مشى خونا و محاملنيش قاليا داك شيباني مبروك عليك دبا رسميا وليتي من رجالي تنشوف فيهم دارو ليا تحية عسكرية ناري دموع سالو و كامل مضروب طحت ليهم تما حتى تنفيق ف سريري لقيت داك خونا لي شاك فيه مغربي بدا تيدوي بروسية قلت ليه وا لهلاوي واش نتا مغربي قاليا ويييع متقولش ليا حتى نتا مغربي قلت ليه وااه أصاحبي مغربي وسميتي لبشير وكازاوي كاع قاليا مرحبا أنا مراكشي سميتني خالد بقينا داوين شويا خونا عندو 27 عام وخدام معاهم هنا شي 7 سنين قلت ليه واش تترجع لمغرب قاليا لا متيخليوناش نرجعو منيني جينا حتى نكبرو قلت ليه وايلي وشحال تيكون عندك باش تيخليوك تخرج قاليا 37 عام قلت ليه أنا راه قاليا شيباني بلي غنقدر نمشي وقتما بغيت قاليا راه كاع قالينا هكداك فلول وضفاك شنو أنا دبا خوروني قاليا معندك مدير صبر حتى توصل 37 وتكون جمعتي لعاقة ديال بصح قلت ليه وا خونا راه عندي لواليدة تتسنى فيا قاليا منعرف صبر بعدا نبداو لخدمة و دخل شويا د لعاقة مع راسك و دوي معاه إلا بغى سمعت بلي عتقتيه راه يقدر يعاملك قلت ليه وخا أجي توحشنا كسكسو قاليا متفكرنيش أصاحبي كسكسو طنجية داكشي كامل تحرمنا منو هنا بقينا داوين شويا دخلات ديك لبنت قالت ليه خرج خليه يستراح راه غدا عندكم خدمة خرج خونا بقيت أنا وياها بقات تتضحك قلت ليها مالك قالت ليا تنتفكر داكشي لي درتيه قبيلا ههههه شيطان ومطيحش عليه ديك لفكرة قلت ليها راه خرجات بلاما نحس بيها حركة لا إرادية بقينا داوين شويا قلباتلي يدي قالت ليا ممهرسش غير مضروب جابتلي بانضة دارتهالي تنشوف فلحمي كامل مضروب ديال بصح منعرف شكون هدا فيهم لي تيلبس 45 فرجلو صباطو بقى مطراسيلي فكرسي بقات ختنى معايا واحد ساعتين وهيا تتديرلي واحد لبوماضا شرباتني واحد سيرو بحال رحمة ربي مبقيت حاس بوالو مجانيش نعاس ديك ليلة لحمي كاع تيضرني و تنفكر فخونا واش غيخليني نمشي دخلني شك أصلا خونا خاسر علينا فلوس ديال بصح خاصني ندير شي حل ولكين نجمع مصيريف لي يعيشني انا ولواليدة بعدا نعست شويا حتال لغد ليه مفيقني داك لمراكشي قاليا نوض نوض لقيت واحد خونا تيطيب لمسمن فروسيا قلت ليه من نيتك قاليا داوي معاك ولله نوض نشوفو لبست حوايجي وغادين بزوج تنقلبو باش تلقا لمسمن ف روسيا راه خاصك داكشي ديال ذهب مشينا لديك لبلاصة لقينا واحد لمحال و حاط لمسمن ناري أنا مع شميت ريحة لمسمن بديت تنبكي لمراكشي حتى هو تيبكي وتيصبر فيا تنقوليه واش دبصح غناكلو لمسمن 8 شهر مشفتو أخويا قاليا هنينا انا راه 7 سنين دخلنا عند خونا لقيناه حتى هو مغربي بركنا فلكراسا قلت ليه جيبلنا لمسمن قالينا مغاربة ولا غير معلمين دارجة قلت ليه مغاربة مغاربة أعمي قالينا مرحبا أتاي ولا قهوى قلتلو اتاي جاب لينا لمسمن و لحريرة بقينا تنضربو تنضربو حتى وصلنا للحد باركين تنضحكو مع مول لمحال حتى تيصوني تيليفون ديال لمراكشي جاوب بزربا قطع قاليا كينا خدمة دبا خاصنا نمشيو قال لخونا شحال عندنا قاليه ولله ما نتخلص من عندكم لمرة لماجية إنشاء لله قلت ليه إنشاء لله مزال نرجعو عندك خرجنا طيارة لقصر تاني هاد لمرة غنمشي معاهم دخلت لواحد لبلاصة معمري مشيت ليها فلقصر عطاوني واحد لبسة بحال ديال لعسكر أعمي و ديك لعيبة لمضادة لرصاص ضربتها تحت حوايجي لموس فرجل سلاحات وداكشي بحال ف لأفلام خارجين تنحس براسي فشي فيلم طلعنا لواحد لهليكوبتر مقاودة و واسعة فيها ديك خيتي قالت لينا بلي غينزلونا فشي غابة و خاصنا نقلبو على شي قصر فيه شي رجال خاصنا نحيوهم وصلنا لديك لغابة نزلونا ومعانا داك خونا لي دربني عينو غير عليا تمينا غادين تنجريو فديك لغابة لمراكشي حدايا قربنا لداك لقصر كبير وقفنا بعيد كلشي تيشوف فلمراكشي وهو يجبد صاكو بدا تيركب فداك سلاح بزربا حتى كملو واحد لبندقية تنشوفها غير فالأفلام حطها فالأرض تكى حداها قاليا تفرج تفرج نوريك لبهجاوي علاش قاد تنشوف فلقصر تيباليا بنادم غير تيطيح خونا مقود دبصح عندو فيديه وهو يقولينا خونا لي دربني يلاه دبا نوبتنا تمو غادين تيجريو شي حاجة صداع دراري مقودين دبصح ف 3 دقايق كنا كملنا داكشي علاش جينا جاو هزونا رجعونا تاني لقصر بقينا كل نهار بلاصة مبقيتش حامل راسي تنحلم بشي حوايج خيبين فليل وليت غير خايف يقتلني شي واحد متنحيدش موس من حدا راسي ودازت وقيتة تبارك لله عام وصرف باش جيت لهنا لواليدة تلقاها حماقة قررت نوقف على خونا شيباني لي جابني نشوفو واش قد كلمتو و غيخليني نمشي قلتها ليه قاليا سمع البشير نتا عتقتي ليا حياتي و صاحبي ولكين لخدمة مفيهاش صاحبي خسرنا عليك فلوس وخاصك تصبر حتى نرجع فلوسي كاملة وديك ساعة تقدر تمشي و ولله ما يدوي معاك شي واحد ديك ساعة قلت ليه وخا هاني صابر رجعت لبيتي ديك ليلة كاملة تنفكر فلواليدة و لمعطي لحاجة و مها كون مدارتش هكداك كون كنت مزال معاها موحال واش كنت نوافق نجي لهنا سهران حتى تنسمع تخرشيش جمعت راسي هزيت سلاح غادي خارج فلقصر تنقلب تيباليا داك خونا لي كان دربني و شي وحدين من دوك لي معانا شادين شيباني لي جايبنا وحتى ديك لبنت روسية بحالا غيقتوهم مفاهم والو أنا مال هادو علاش حتى تنسمع روسي تيعيط عليا باش نعتقو قاليه خونا راه ناعس مكينش لي غيفكك مني تنضرب على سلاح فيدي خرجت ليهم داكشي بزربا مكانوش ضاربيلي حسابي قرطاسة لكل واحد بزربا سلاح خويتو بقا خونا لي تيدربنا و واحد خونا بغا يزرب عليا معرفتش لمراكشي منين خرج خطف ليا خونا بداو مدابزين بقيت مع داك خونا لي دربني ومقااود لاح سلاح جبد موس حتى انا شديت موس بدينا مدابزين خونا مقود مكين غير قطع خفيف وصحيح و لمشكلة مفياش حتى لحزقة ههههه ولكين ماشي ساعتي هادي مزال غنشوف لواليدة مع لاحني فالأرض ضربتها ليه بواحد مولاتي عضت لرجلو بدا تيغوت حطيت ليه لموس فعنقو هزيتو ولحتو فوق لميدة صافي خونا مات كان واحل ليا فعنقي عرفت راسي وليت مقود تنشوف فلمراكشي مزال مدابز ليا مع خونا عاونتو نحيناه تنشوف فشيباني قلت ليه شنو وقع قاليا بغاو ياخدو كلشي ولكين مزيان مني كينين نتوما وهو يعيط على لخدامين ينقيو دنيا قاليهم حرقو هاد زبل عليا تيشوف فيا قاليا نتا أولدي سير تداوي يدك مضروبة وهيا تشدني ديك خيتي داتني لواحد لبلاصة تتداوي ليا يدي دارت ليا لفاصمة وهيا تعنقني قلت ليها مالك قالت ليا كنت تنحتارمك ودبا زدت حتارمتك نتا عتقتيلي حياتي قلت ليها هانية هانية وهيا تبدا تبوس فيا قلت ليها بلاتي بلاتي منقدرش قالت ليا شي وحدة ؟ قلت ليها لا غير مبغيتش شي وحدا فحياتي دبا قالت ليا وخا خرجات خارج انا لبيتي وهو يعيط ليا شيباني بارك هو و لمراكشي بركنا قاليا شيباني لبشير تقدر تولي نتا لي تتدرب رجال وتخلص بثمن لي معمرك حلمتي بيه و تقدر تمشي لبلادك عزل لي بغيتي هاد لمرة قررت منطمعش لله يجعل لبركة جمعنا شويا د لفلوس قلت ليه بغيت نمشي قاليا وخا تقدر تمشي وقتما بغيتي ومتنسانيش بقى تسول عليا غنبقى مدين ليك بحياتي زوج د مرات تنشوف فلمراكشي قاليا مبروك عليك اخويا قلت لخونا بغيت حتى هاد ولد يمشي معايا قاليا لا و راه خاصيني رجال نخسرك نتا و هو قت ليه شوف ياك نتا مدين ليا إوا صافي قبل عاد طلب ديالي ونتعادلو قاليا صافي واخا واخا سيرو بزوج ونهار تبغيو ترجعو لخدمة مرحبا غدا توصلكم طيارة ديالي لمغرب كونطات ديال لبنكة فيهم كاع فلوسكم قلت ليه شكرا قاليا نتا لي شكرا مشى بقيت مع لمراكشي وهو يعنقني قاليا معمري ننسالك خيرك قلت ليه وصافي أصاحبي رجال لرجال يلاه حيد دبا حتال غدا قاليا ممتيقش غدا غنمشيو لبلاد تاني طلعت لبيتي ناري يمكن غدا نشوف لواليدة غير مجرد تفكير فديك لحضات تيخليوني نبكي بالفرحة و أخيرا الله على راحة و أخيرا أنشوف ميمتي داني نعاس لغد ليه فايق ناشط فرحان تنجمع حوايجي دخل لمراكشي جامع حوايجو وتيتسنى فيا عاوني خارجين تلاقينا مع شيباني قالينا بركو غير فطرو قلنا ليه لا خاصنا نفطرو فلمغرب وخا منفطرو حتال 12 ديال ليل توادعنا معاه ومع ديك لبنت قلت ليها سمحيلي أصلا أنا مغتجيش معايا هيا زوينة أنا وجهي بحال شي كسيدة خرجنا وصلونا بطوموبيل لداك لمطار راجعين فطيارة ديال خونا طالقين بلال وتنشطحو واااع معمري كان يحسابلي غيجي شي نهار نفرح حيت غادي نرجع لمغرب غنرجعو لبلادنا أخيرا غنشوف لواليدة أخيرا وصلنا نزلنا فرباط يمكن غنتفارق مع خونا لمراكشي معانقين وتنبكيو مدوزناش لقليل قاليا دوز لمراكش خدينا تيليفونات و نماري تما خدينا نماري بعضياتنا شد هو طريق تران مشيت حتى انا لواحد لكار غيوصلني لكازا غادين تنتفكر نمرة ديال لواليدة بزز تنصوني عليها تيليفونها طافي وصلنا لكازا فين غنمشي عند لمعطي أول واحد مشيت لعندو لخدمة داخل كلشي تيشوف فيا معرفونيش مبدل فشكلي بزاف طلعت عندو تندق تنسمع ديك دخل حليت لباب بقى غير تيشوف قاليا واش نتا هو لي تيحساب ليا قلت ليه معيطي عطعوط نسيتي كاع دوك طلعات وهو يدفع لكرسي جا تيجري عنقني قاليا غبرتي قلنا معمرنا غنبقاو نشوفوك لحاجة و مها كل نهار تيسولو عليك قلت ليه صافي أصاحبي هاني رجعت قاليا برك برك بركنا قاليا عاود ليا فين مشيتي قلت ليه معنديش لوقت بغيت نشوف لواليدة مصابرش لمهم داكشي بختصار كنت فروسيا شي خدمة تقريبا بحال لي كنت تندير معاك ولكين باحتراف يلاه قدرت نرجع ياك نتا بيخير بعدا تزوجتي ؟ قاليا أه ولكين ماشي ب مها أصاحبي قلت ليه علاش ؟ قاليا لبشير عاوداتلي لحاجة كلشي وبلي كنتي معاها و خليتيها غير على وجهي وكون غير قلتيها ليا حنا رجال متفارقناش درية قلت ليه فيها خير أصاحبي حتى هيا متستاهلكش قاليا ودبا شنو ناوي دير قلت ليه أول نشوف لميمة قاليا دبا نمشيو نزلنا مزال عندو ديك رونج غادين وتيقوليا فين تنعتها ليه دبك دار عائلتها وصلنا لتما قاليا تمشي بوحدك ولا نمشي معاك قلت ليه نمشي بوحدي صافي غير سير نتا هادشي لي درتو هزيت صاكي ومشيت لتما تندق فلباب تتخرج جدة تتجري عنقاتني عرفاتني بزربا دخلاتني قالت ليا فين كنتي قلت ليها مشاكيل أمي بغيت نشوف لواليدة فيناهيا قالت ليا راه فلخدمة دبا صبر نعيط ليها قلت ليها لا لا غاتي تم جايا مخلوعة راك عارفاها تولي واقعة ليها شي حاجة انا غنمشي ياك غير فلمحال ديال ديما دجدي قالت ليا أه عنقتها تاني قالت ليا متعاودش تغبر و رجع تغدا قلت ليها ولا عليك حتى انا بغيت ناكل من يديك قالت ليا وعنداك ودير فبالك راني ساخطة عليك إلا مجيتيش خرجت من تما خليت صاكي تما شديت طاكسي حطني قدام شركة ديال جدي دويت مع سيكيريتي وريتو لكارط خلاني ندخل غادي عند لواليدة ناري تنوقف عليها فلبيرو محنيا على خدمتها و لوراق ضيرين بيها تبدلات بزاااف فهاد لعام كبرات و ولات تتدير نظارات تندق فلباب وهيا تشوف فيا بقات تتشوف واحد شويا خوكم مبدل دبصح فهاد لعام ولكين معمرني نتبدل على لي ولداتني كانت غادي تلاح من فوق لبيرو كونما مشيت تنجري لعندها عنقتها وهازها من لأرض سيدة لون ديال وجهها تبدل مبقاتش قادرة تدوي غير تدير أم أم وهيا تجمع سوفل وقالت ليا وا ولد لخانزة وتا طلقني راك غتقتلني عاد حسيت براسي راه مزير عليها نزلتها وهيا تعنقني بدات تتبكي قلت ليها مالك قالت ليا ولد لحرام غبرتي قلت معمري بقيت نشوفك قلت ليها لواليدة راه قلت ليك غنرجع وخا منعرف شنو يوقع ولدك راجل قد كلمتو قالت ليا برك برك بركنا ف كراسي شاد ليها من يديها تنبوسهم قالت ليا مبدل بزاااف شنو كنتي خدام قلت ليها بلاما تسولي ألواليدة لمهم رجعت ودبا غتحبسي لخدمة وغنعيشو بحال أي أم و ولدها وعزلي دار ولا لفيلا لمخيرا ناخدها ليك دبا قالت ليا باراكة عليا غير جيتي أولدي مشات ديك لمرى لي كانت باغا كلشي غالي نعيش مع ولدي غير فبراكة قلت ليها علاش أنا صابر على فراقك الواليدة هاد لعام وصرف غير باش نعيشك مزيان دبا خلينا من هادشي خاصنا نمشيو نتغداو فدار راه جدة حلفاتني قالت ليا واخا أولدي دبا هزات صاكها شداتلي فيدي وغادين قالت ليا ها طوموبيلتي قلت ليها لا نتمشاو حسن باش ندويو قالت ليا واخا غادين شادالي فيدي وتنتمشاو قالت ليا فاشمن بلاد كنتي قلت ليها روسيا الواليدة قالت ليا زعما عام تما مدرتي لا مرى لا وليدات قلت ليها يهديك لله الواليدة مشيت نخدم و أنا منديرش شي حاجة بلا خبارك قالت ليا لله يرضي عليك قلت ليها لواليد شنو تيدير دبا مزال مسولتش عليه وهيا تقوليا ولدي باك محتاجك وديما تيسول عليك راه مزال خدام و تيعيط ليا تيسول عليك قلت ليها مزال مزوج بديك خيتي قالت ليا لا راه لقاوها فشي دار ماشي حتال لهيه غير خليها على لله كان غادي يحماق فيها تشوه د بصح خاصك تمشي تشوفو قلت ليها من بعد خاصنا نتغداو ونمشيو لواحد لبلاصة موجد ليك فيها كادو قالت ليا فين قلت ليها وصافي دبا تعرفي معندنا لاش نزربو وصلنا لدار دخلنا لقيت جدي بقيت معنقو حتى هو سيد كبر تيتحرك غير بزز هزيتو بركنا تنتغداو جدة مطيبة واحد لقصرية د كسكسو ناري عام وصرف مكليتو دخلت فلقصرية طول وعرض أعمي قالت ليا جدة فيك جوع أولدي كول و إلا خصك نوض دبا نسgي لولدي قلت ليها ماشي جوع غير موحش لماكلا من يديك كملنا بركنا تنعاود ليهم لمغامرات ديالي فروسيا هههه بحال شي وتائقي واحد ساعة وصرف قلت ليهم جدي جدة أنا و لواليدة خاصنا نمشيو لابدة عندي ليها شي مفاجئة ونتوما غتشوفوها من بعد قالت ليا جدة لله يسمعنا خبار لخير ويخليك لماماك أولدي خرجنا شدينا طاكسي لطوموبيل ديالها مشينا بعدا لبنكة هيا لولا قاديت لكونط ديالي شيباني روسي مهلي ليا فلكونط لمهم قاديناه خديت لكارط و دفتر ديال شيكات خرجت عند لواليدة ركبنا قلت ليها وصليني لحلاق قادلي شعري و لحية وغسلي راسي من تما مشينا تقدينا شي حوايج لبسهم حوايج روسيا ممناسبينش لجو لمغرب رجعنا لطوموبيل بقيت تنعت ليها حتى وقفنا قدام لمشروع لي كنت خدام فيه فداك صيف لمشؤوم لي بدلي حياتي تبدل لمشروع بزاااف صافي كملو لفيلات باقين غير شي دراري قلال من لي خدمو معايا تيديرو نيطواياج و تيصلو شي بلايص داخلين قلت ليها لواليدة فخبارك راني كنت خدام هنا فداك صيف لي خرجني لواليد قالت ليا مزيان أولدي حمد لله شوف كيفاش وليتي دبا راجل وعلاش جينا هنا قلت ليها هنا غنشريو قالت ليا أويلي لا شوف لفيلات قداش وكيف دايرين غيكونو غالين قلت ليها لواليدة نتي مغتعطيش درهم نتي غير تعزلي قالت ليا يلاه نمشيو لبيرو ديالهم مشينا وقفنا عند لباب دقينا سمعنا ديك دخل حليت لباب للواليدة دخلات داخل انا تيباليا لواليد بغيت نعنقو فديك لحظة ولكين تفكرتو شنو دار معايا وقف لعندي باغي يعنقني و أنا نمد ليه يدي قاليا سلام سلام غبرتي قلت ليه غير لخدمة لمهم جيت مع لواليدة باغين نشريو شي فيلا من عندكم قاليا راه لمسؤول مكينش دبا أنا لي مقابل نقدر نوريكم قلت ليه وخا بدينا تندورو لواليدة محيداتش عينيها على وحدا فشوكة كبيرة مبغاتش تقولها ليا أنا فهمتها قلت ليه وخا نشوفو هاديك قالينا مرحبا خدا سوارتها من عند سيكيريتي دخلنا متيسعا ديكور ديال لأفلام قلت للواليدة مزيانة ؟ قالت ليا آلله أويلي حسن منها مكينش ولكين غتكون غالية علينا وهو يدوي لواليد قاليها أه غالية شويا ملياد و 100 تنشوف فلواليدة خلعها رقم تنشوف فيه قلت ليه نقدر نخلص ليوم ولا حتى يجي لمسؤول تصدم لواليدة شداتني من يدي قالت ليا ولدي واش تتدير هادشي باش تفوح على باباك ولا غير على ودي راه غالية بزاااف قلت ليها وا لواليدة يهديك لله راه هادشي والو ولدك دوز تمارة فهاد لعام وجمع مصيريف تحتو ديال بصح و بغيت نعيشو فبلاصة زوين شوفي مناش وحنا صابرين مجاتش ناخدو شي حاجة عيانة قالت ليا وخا وخا لله يزرقك أولدي ويخليك ليا قلت ليه شنو غنخلص دبا ولا شنو قاليا واخا نعيط على لمسؤول دبا يجي عيط لينا على خونا جاي تيجري ضربة صحيحة هادي تيقوليا غير سيدي سيدي تيحستبليه واش شي شخصية كبيرة قاليا نتشرفو بمعرفتك قلت ليه أنا ولد خدم فهاد لفيلات واحد نهار ب 75 درهم لنهار ودبا بغيت ناخد ديك لفيلا بدا تيحر ليا فلساني باغي يعرفني كيف ردتلها قلت ليه دبا واش نكتب شيك ولا نمشيو لبنكة قاليا لي بغيتي بدينا تنسينيو لوراق لعيبات لواليدة فرحانة قاليا داك خونا سير جيب شي ضورة ف ديك لفيلا حتى توصل لكاتبة باش نقادو ليك لوراق وتخلص غتلحق عليكم لفيلا فأقرب وقت قلت ليه صافي ها حنا ف لفيلا لمعلومة دخلنا تندورو فيها انا ولواليدة وتنضحكو تنلعبو جري ههههه راه لواليدة توحشتها حتى تتسمعو دقان صوت بنت هدا مشات لواليدة تحل لباب حتى تتدخل ومعاها لكاتبة ناري مغتيقوش لكاتبة شكون هيا مها ناري صدمة أنا عرفتها لكاتبة لي تيدويو عليها غير من لبستها شافتني بقات تتشوف قالت ليا ل بشير ؟ تنشوف فلواليدة تتعرفيها ؟ قالت ليا لا قلت ليها حتى أنا لمهم ختي أنا لي باغي ياخد هاد لفيلا بقات تتمتم قالت ليا واخا ولكين نقدرو ندويو شويا بعدا قلت للواليدة تقدري تخلينا شويا قالت ليا واخا خرجات مع خرجات وهيا تقوليا واش عارف هاد لفيلا شحال ساويا واش تتدير هادشي بلعاني على ودي باش تعقدني و فين غبرتي تنشوف فختنى ولات بحال شي ميمة قصيرة و بحال لبوطة غير لوجه مزال كيف كان زوين قلت ليها لفلوس ماشي مشكل تتمشي وتجي حنا رجال تنجيبو لفلوس ماشي تتجيبنا و تندير هادشي على ود لواليدة أنا مفخباريش كاع بلي نتي وليتي خدامة هنا و دبا نقدرو نكملو لوراق بغيت نبداو نفرشو دار غدا ...(يتبع)
#دعشوش
ليست هناك تعليقات:
إرسال تعليق