#لبشير_و_مها
الجزء 11
وقفاتني لحاجة وتيليفون تيصوني لواليدة تتعيط جاوبتها سلام سلام فينك قلت ليها راه بيخير قالت ليا ولدي دوي متخبي عليا والو واش مشيتي قلت ليها أه ومتخافيش راه موقع والو و انا دبا غادي عند واحد عشيري غنبقى معاه قطعت عليها تنشوف فلحاجة قالت ليا ماماك ؟؟ قلت ليها أه الواليدة يلاه نخليك الحاجة قالت ليا فين غتمشي صافي بقى معانا بحال ديما غير دير عقلك قلت ليها لحاجة دري لي خطب مها راه بحال خويا ومننساش خيرو صافي نتي متديريش فبالك بحالا موقع والو مننساش خيرك خليتها ومشيت لوطيل دخلت حيدت حوايجي وبقيت بارك قدام تلفازا شويا دومونضيت على شي قرعة كبيرة جابوهالي للبيت باردة غيكون فيها شي 4 لتر وكيسان مشيت فوق سرير بقيت تنشرب حتى قلت غادي نقطع مي لغالب لله ينسينا شويا داني نعاس شاد لقرعة فيدي لغد فايق خاسر دخلت دوشت نزلت تنفطر حتى عيط ليا لمعطي قاليا لعشير كينا خدمة وبغيتك تمشي نتا لكلي فيها شي لعيبات غتوصلها لواحد خونا ورجع بزربا قلت ليه ونتا قاليا خارج مع مها يشريلها شي حاجة قلت ليه صافي عطيني لبلاصة فين غنتلاقا بخونا قاليا حدا واحد لمعمل مهجور نعتو ليا وقاليا بلي لكلي فبيسي ديالو فلخدمة قلت ليه صافي كون هاني لبست حوايجي ضربت واحد سلاح فسروال مشيت لبيرو ديالو خديت داك لكلي مشيت لداك لمعمل دنيا خاااوية دبصح بارك شويا فوق لموطور حتى تيوقفو شي زوج طوموبيلات جى واحد خونا غتكون عندو ديك 50 عام كبير شويا و بيض بيض بحال لحليب تيدوي بالونغلي ومن ديك لهضرى ديالو باينا روسي فهمتو بلي باغي لأمانة يلاه غنعطيه داك لكلي متنعرفو بنادم منين تيضربنا تنسمع غير صوت سلاحات خونا تضرب فرجلو رجالو طيحين جبدت حتى انا سلاح متنعرفش ليه غير تنشير شديت خونا بيدي جارو معايا لداخل ديال لمعمل سديت لباب خوتنا تنسمعهم تابعينا مع مخلوع طلقتو وباغي نهرب حتى تنسمعو تيقوليا شحال تيعطيوك هاد لي خدام معاهم وقفت قلت ليه شنو قاليا نعطيك ضوبل ولا ثريبل ولا لي بغيتي غير عاوني نخرج من هنا قلت ليه راك بزز باش تتمشى غنوليو ميتين بزوج قاليا و إلا ممتناش غادي تعيش لحياة لي معمرك تخايلتيها مني سمعتو شنو قال تنتفكر لواليدة و مشاكيلي ضربتو فوق كتفي وغادي تنجري بيه حتال واحد شرجم لور ضربتو تحل تنسمع خوتنا دخلو لداك لمعمل تيقلبو خرجت انا لول جريتو خرج سديت شرجم هازو معاونو وهو تينقز وغادين هاربين فواحد لخلا مكينش حتى فاش نتخباو خوتنا لي تابعينا شافونا ناري تتباليا لموت أنا بحالا داخل لشي فيلم و دم حتى تتوقف علينا واحد لبرادو حل شيفور لباب قالينا طلعو عرفتو شيفور ديال خونا طلعنا معاه طيارة بعدنا وشاد لخونا من رجلو سخف وصلنا لواحد لبلاصة بعيدة وهو يوقف شيفور قاليا نزل نزل هادشي لي درتو نزلت واااع خوروني كنت غنموت على والو شديت كاكسي بزز عامر دم بقينا تنضورو شويا عاد داني فين خليت لموكور مكين حد عطيتو 100 درهم طلعت فوق موطوري مشيت لوطيل طلعت تنبدل حوايجي عيط ليا لمعطي قاليا شنو وقع موصلونيش لفلوس قلت ليه راه تربكات علينا و منعرف شكون كانو باغين ينحيو خونا ولكين فلتنا ولكلي مزال عندي قاليا صافي خليه عندك نوقفو لخدمة حتى نعرفو شنو واقع ونتا ستراح اعشيري باينا من صوتك عيان قلت ليه واخا متخافش قطعت بقيت بارك شويا مشيت نتغدا حتى تيصوني عليا تاني قاليا فين نتا قلت ليه فلوطيل قاليا هرب من تما دبا شي خوتنا تيقلبو عليك ومنعرف كيفاش عرفوك تما قلت ليه لا حتى واحد معارفني هنا قاليا لبشير خويا خرج دبا داوي معاك راك فخطر سير لور ديال لوطيل وتسناني انا جاي قلت ليه وخا دبا غادي نخرج طيارة ضربت تيليفون فجيبي هزيت صاك لي فيه لفلوس ولحوايج درتو ف كتافي باغي ننزل تيبانو ليا شي رجال باغين يطلعو تيتسناو ف لمصعد طيارة انا ل دروج نازل تنجري خرجت من لور ديال لوطيل حتى تيزربو عليا واحد زوج ب واحد لخنشة د توب داروهالي فراسي لمينوط بزربا باقي مفهمت والو خطفوني من لأرض طلعوني لطوموبيل يمكن تنقول غير شكون نتوما شنو درت حتى تنسمع صوت واحد فيهم قاليا هنينا راه غير غنوصلوك عند واحد سيد حنا مغنديرو ليك والو غير سكتنا بقيت ساكت حتى وصلو لشي بلاصة بقيت غادي معاهم ومتنشوفش فين غادين غير غادي وصافي قلت ليه صاكي قاليا هاوا جايبينو معانا دخلوني لشي بلاصة عاد حيدولي لمينوط وحيدولي داك توب على وجهي تيباليا شيباني لي عاونتو و طبيبة حداه تتقاد ليه فاصمة على رجلو قاليا ماي فريند لبشير بلونغلي وديك لهجة روسية لبشير خارجة من فمو بحال لعسل قلت ليه أنا عاونتك علاش مصيفطلي رجالك يبهدلوني ؟ قاليا متخافش أنا واعدتك غادي نكافئك إلا خرجتيني وكون خليتيني كون راه مت هادشي علاش جبتك وسمحلي على طريقة راه سنين ديال لخدمة مبقيناش تنعرفو نتعاملو زوين مع رجالنا قلت ليه اه شكرا قاليا لا شكرا نتا أنا محتاج رجال بحالك قلت ليه إلا كانو لفلوس أنا معاك قاليا غتاخد لفلوس معمرك غتاخدها فشي خدمة ولا بلاصة أخرى قلت ليه هيا صافي معاك انا قاليا صافي مني نتا موافق نوجدو طيارة باش غنمشيو قلت ليه لا طيارة كيفاش قاليا راه خدمتنا فروسيا ماشي هنا قلت ليه لا كيفاش راه منقدرش عندي عائلة قاليا أشمن عائلة خاصك تمشي معايا لتما عالم أخر وتجمع فلوس لي تعيشك نتا و ولادك و ولاد ولادك قلت ليه صافي وجدو طيارة أنا غنعيط على شي ناس نودعهم قاليا متقولش ليهم إنا دولة غادي ليها جبدت تيليفوني عيطت أولا على لواليدة
- ألو / ألو
-قلت ليها لواليدة بيخير
-قالت ليا غير لخدمة أولدي ونتا
-بيخير بغيت نقولك شي حاجة
-لله يسمعنا خبار لخير حتى انا لقيتيني باغا نعيط ليك نقوليك شي حاجة ولكين دوي نتا لول
-لواليدة لقيت خدمة زوينة وغادي نبدا خدام و غادي نسكن أنا ونتي فدار وحدا ماشي دار ناخدليك قصر
-كيفاش أشمن خدمة فين
-لواليدة منقدرش نقولك فين ماشي فلمغرب ولكين تنواعدك غادي نرجع .
بقات تتقوليا لا و علاش وكيفاش غادي تمشي قلت ليها لواليدة مبقيتش نقدر نقول لا راه غنمشي ليوم لله يجعل لبركة غنبقى غير تنضيع فوقتي فهاد لبلاد و متبقايش تقولي ليا لا و تعكسي حيت انا غادي 100% وبغيت نسمع دعيواتك نمشي مرتاح بقات تتدعي معايا قلت ليها وشنو كنتي باغا تقولي قالت ليا صراحة راه عيطلي باك تيسول عليك أولدي كون غير دويتي معاه قلت ليها لواليدة راه هو سبابي فهادشي كامل خليني بعيد عليه هاد لمدة نفكر شنو غندير قالت ليا لي باليك أولدي تهلا فراسك و قوليا فين غادي راه غنبقى مشطونة عليك قلت ليها لواليدة منقدرش نقول ولله ولكين نواعدك غادي نحاول نجي فأقرب وقت قالت ليا ولدي واش عارف نتا لي عندي من غيرك مكينش عائلتي راه خوتي كل واحد بولادو و جدك وجداك مدايمينش ليا حضي راسك لله يرضي عليك قلت ليها صافي الواليدة متخافيش غير متنساينيش من دعيواتك بدات تتبكي وانا نقطع مبغيتش نسمعها عيطت على لمعطي سلام خويا وي خويا فينك راه ملقيتكش قلت ليه صافي راه دوك ناس مغاديش يأديوني أنا شفت خدمة أخرى و غنخرج من لبلاد منقدر نقولك والو لمهم تهلا فراسك راك عزيز سلملي على لحاجة و مها قاليا مبلغ وقطعت قاليا داك خونا روسي أرا داك تيليفون عطيتو ليه وهو يهرسو قاليا صافي نساهم هاد لمدة نتا دبا بحال شي كارط ميموار خاوية وغادي نعاودو نعمروها قلت ليه معاك بقيت بارك معاه تندويو (طبعا بالإنجليزية) حتى جات واحد خيتي قالت لينا راه طيارة واجدة درناه فكرسي خرجنا عندو جيش ديال رجال برى طلعنا فطيارة بقينا غير غادين حتى داني نعاس فلكرسي حتى تتفيقني واحد خيتي نساتني فكاع لحريم لي شفتهم فلمغرب من شوفتي لأولى مفهمتهاش تتدوي بروسية يمكن وقفت خارج معاها مع خرجت من لباب ضرب فيا واحد لبرد تنحس بجلدتي تلجات تناكت رجليا لصقو فبلاصتهم وهيا تعطيني ديك خيتي قبيتها و بقات فواحد تريكو لبست انا ديك لقبية ختنى والو مجاهاش لبرد سخونة العفريتة طلعنا فواحد طوموبيل تاني وتمينا غادين ناري على جو كيف داير ولبرد لبرد وصلنا لواحد لبلاصة فيها تلج وانا مزال معرفتش أشمن بلاصة فروسيا حنا فيها قالت ليا نزل بلونغلي نزلت وهوما يمشيو وضفاك خلاوني بحدي تما ؟؟ (يتبع)
#دعشوش
الجزء 11
وقفاتني لحاجة وتيليفون تيصوني لواليدة تتعيط جاوبتها سلام سلام فينك قلت ليها راه بيخير قالت ليا ولدي دوي متخبي عليا والو واش مشيتي قلت ليها أه ومتخافيش راه موقع والو و انا دبا غادي عند واحد عشيري غنبقى معاه قطعت عليها تنشوف فلحاجة قالت ليا ماماك ؟؟ قلت ليها أه الواليدة يلاه نخليك الحاجة قالت ليا فين غتمشي صافي بقى معانا بحال ديما غير دير عقلك قلت ليها لحاجة دري لي خطب مها راه بحال خويا ومننساش خيرو صافي نتي متديريش فبالك بحالا موقع والو مننساش خيرك خليتها ومشيت لوطيل دخلت حيدت حوايجي وبقيت بارك قدام تلفازا شويا دومونضيت على شي قرعة كبيرة جابوهالي للبيت باردة غيكون فيها شي 4 لتر وكيسان مشيت فوق سرير بقيت تنشرب حتى قلت غادي نقطع مي لغالب لله ينسينا شويا داني نعاس شاد لقرعة فيدي لغد فايق خاسر دخلت دوشت نزلت تنفطر حتى عيط ليا لمعطي قاليا لعشير كينا خدمة وبغيتك تمشي نتا لكلي فيها شي لعيبات غتوصلها لواحد خونا ورجع بزربا قلت ليه ونتا قاليا خارج مع مها يشريلها شي حاجة قلت ليه صافي عطيني لبلاصة فين غنتلاقا بخونا قاليا حدا واحد لمعمل مهجور نعتو ليا وقاليا بلي لكلي فبيسي ديالو فلخدمة قلت ليه صافي كون هاني لبست حوايجي ضربت واحد سلاح فسروال مشيت لبيرو ديالو خديت داك لكلي مشيت لداك لمعمل دنيا خاااوية دبصح بارك شويا فوق لموطور حتى تيوقفو شي زوج طوموبيلات جى واحد خونا غتكون عندو ديك 50 عام كبير شويا و بيض بيض بحال لحليب تيدوي بالونغلي ومن ديك لهضرى ديالو باينا روسي فهمتو بلي باغي لأمانة يلاه غنعطيه داك لكلي متنعرفو بنادم منين تيضربنا تنسمع غير صوت سلاحات خونا تضرب فرجلو رجالو طيحين جبدت حتى انا سلاح متنعرفش ليه غير تنشير شديت خونا بيدي جارو معايا لداخل ديال لمعمل سديت لباب خوتنا تنسمعهم تابعينا مع مخلوع طلقتو وباغي نهرب حتى تنسمعو تيقوليا شحال تيعطيوك هاد لي خدام معاهم وقفت قلت ليه شنو قاليا نعطيك ضوبل ولا ثريبل ولا لي بغيتي غير عاوني نخرج من هنا قلت ليه راك بزز باش تتمشى غنوليو ميتين بزوج قاليا و إلا ممتناش غادي تعيش لحياة لي معمرك تخايلتيها مني سمعتو شنو قال تنتفكر لواليدة و مشاكيلي ضربتو فوق كتفي وغادي تنجري بيه حتال واحد شرجم لور ضربتو تحل تنسمع خوتنا دخلو لداك لمعمل تيقلبو خرجت انا لول جريتو خرج سديت شرجم هازو معاونو وهو تينقز وغادين هاربين فواحد لخلا مكينش حتى فاش نتخباو خوتنا لي تابعينا شافونا ناري تتباليا لموت أنا بحالا داخل لشي فيلم و دم حتى تتوقف علينا واحد لبرادو حل شيفور لباب قالينا طلعو عرفتو شيفور ديال خونا طلعنا معاه طيارة بعدنا وشاد لخونا من رجلو سخف وصلنا لواحد لبلاصة بعيدة وهو يوقف شيفور قاليا نزل نزل هادشي لي درتو نزلت واااع خوروني كنت غنموت على والو شديت كاكسي بزز عامر دم بقينا تنضورو شويا عاد داني فين خليت لموكور مكين حد عطيتو 100 درهم طلعت فوق موطوري مشيت لوطيل طلعت تنبدل حوايجي عيط ليا لمعطي قاليا شنو وقع موصلونيش لفلوس قلت ليه راه تربكات علينا و منعرف شكون كانو باغين ينحيو خونا ولكين فلتنا ولكلي مزال عندي قاليا صافي خليه عندك نوقفو لخدمة حتى نعرفو شنو واقع ونتا ستراح اعشيري باينا من صوتك عيان قلت ليه واخا متخافش قطعت بقيت بارك شويا مشيت نتغدا حتى تيصوني عليا تاني قاليا فين نتا قلت ليه فلوطيل قاليا هرب من تما دبا شي خوتنا تيقلبو عليك ومنعرف كيفاش عرفوك تما قلت ليه لا حتى واحد معارفني هنا قاليا لبشير خويا خرج دبا داوي معاك راك فخطر سير لور ديال لوطيل وتسناني انا جاي قلت ليه وخا دبا غادي نخرج طيارة ضربت تيليفون فجيبي هزيت صاك لي فيه لفلوس ولحوايج درتو ف كتافي باغي ننزل تيبانو ليا شي رجال باغين يطلعو تيتسناو ف لمصعد طيارة انا ل دروج نازل تنجري خرجت من لور ديال لوطيل حتى تيزربو عليا واحد زوج ب واحد لخنشة د توب داروهالي فراسي لمينوط بزربا باقي مفهمت والو خطفوني من لأرض طلعوني لطوموبيل يمكن تنقول غير شكون نتوما شنو درت حتى تنسمع صوت واحد فيهم قاليا هنينا راه غير غنوصلوك عند واحد سيد حنا مغنديرو ليك والو غير سكتنا بقيت ساكت حتى وصلو لشي بلاصة بقيت غادي معاهم ومتنشوفش فين غادين غير غادي وصافي قلت ليه صاكي قاليا هاوا جايبينو معانا دخلوني لشي بلاصة عاد حيدولي لمينوط وحيدولي داك توب على وجهي تيباليا شيباني لي عاونتو و طبيبة حداه تتقاد ليه فاصمة على رجلو قاليا ماي فريند لبشير بلونغلي وديك لهجة روسية لبشير خارجة من فمو بحال لعسل قلت ليه أنا عاونتك علاش مصيفطلي رجالك يبهدلوني ؟ قاليا متخافش أنا واعدتك غادي نكافئك إلا خرجتيني وكون خليتيني كون راه مت هادشي علاش جبتك وسمحلي على طريقة راه سنين ديال لخدمة مبقيناش تنعرفو نتعاملو زوين مع رجالنا قلت ليه اه شكرا قاليا لا شكرا نتا أنا محتاج رجال بحالك قلت ليه إلا كانو لفلوس أنا معاك قاليا غتاخد لفلوس معمرك غتاخدها فشي خدمة ولا بلاصة أخرى قلت ليه هيا صافي معاك انا قاليا صافي مني نتا موافق نوجدو طيارة باش غنمشيو قلت ليه لا طيارة كيفاش قاليا راه خدمتنا فروسيا ماشي هنا قلت ليه لا كيفاش راه منقدرش عندي عائلة قاليا أشمن عائلة خاصك تمشي معايا لتما عالم أخر وتجمع فلوس لي تعيشك نتا و ولادك و ولاد ولادك قلت ليه صافي وجدو طيارة أنا غنعيط على شي ناس نودعهم قاليا متقولش ليهم إنا دولة غادي ليها جبدت تيليفوني عيطت أولا على لواليدة
- ألو / ألو
-قلت ليها لواليدة بيخير
-قالت ليا غير لخدمة أولدي ونتا
-بيخير بغيت نقولك شي حاجة
-لله يسمعنا خبار لخير حتى انا لقيتيني باغا نعيط ليك نقوليك شي حاجة ولكين دوي نتا لول
-لواليدة لقيت خدمة زوينة وغادي نبدا خدام و غادي نسكن أنا ونتي فدار وحدا ماشي دار ناخدليك قصر
-كيفاش أشمن خدمة فين
-لواليدة منقدرش نقولك فين ماشي فلمغرب ولكين تنواعدك غادي نرجع .
بقات تتقوليا لا و علاش وكيفاش غادي تمشي قلت ليها لواليدة مبقيتش نقدر نقول لا راه غنمشي ليوم لله يجعل لبركة غنبقى غير تنضيع فوقتي فهاد لبلاد و متبقايش تقولي ليا لا و تعكسي حيت انا غادي 100% وبغيت نسمع دعيواتك نمشي مرتاح بقات تتدعي معايا قلت ليها وشنو كنتي باغا تقولي قالت ليا صراحة راه عيطلي باك تيسول عليك أولدي كون غير دويتي معاه قلت ليها لواليدة راه هو سبابي فهادشي كامل خليني بعيد عليه هاد لمدة نفكر شنو غندير قالت ليا لي باليك أولدي تهلا فراسك و قوليا فين غادي راه غنبقى مشطونة عليك قلت ليها لواليدة منقدرش نقول ولله ولكين نواعدك غادي نحاول نجي فأقرب وقت قالت ليا ولدي واش عارف نتا لي عندي من غيرك مكينش عائلتي راه خوتي كل واحد بولادو و جدك وجداك مدايمينش ليا حضي راسك لله يرضي عليك قلت ليها صافي الواليدة متخافيش غير متنساينيش من دعيواتك بدات تتبكي وانا نقطع مبغيتش نسمعها عيطت على لمعطي سلام خويا وي خويا فينك راه ملقيتكش قلت ليه صافي راه دوك ناس مغاديش يأديوني أنا شفت خدمة أخرى و غنخرج من لبلاد منقدر نقولك والو لمهم تهلا فراسك راك عزيز سلملي على لحاجة و مها قاليا مبلغ وقطعت قاليا داك خونا روسي أرا داك تيليفون عطيتو ليه وهو يهرسو قاليا صافي نساهم هاد لمدة نتا دبا بحال شي كارط ميموار خاوية وغادي نعاودو نعمروها قلت ليه معاك بقيت بارك معاه تندويو (طبعا بالإنجليزية) حتى جات واحد خيتي قالت لينا راه طيارة واجدة درناه فكرسي خرجنا عندو جيش ديال رجال برى طلعنا فطيارة بقينا غير غادين حتى داني نعاس فلكرسي حتى تتفيقني واحد خيتي نساتني فكاع لحريم لي شفتهم فلمغرب من شوفتي لأولى مفهمتهاش تتدوي بروسية يمكن وقفت خارج معاها مع خرجت من لباب ضرب فيا واحد لبرد تنحس بجلدتي تلجات تناكت رجليا لصقو فبلاصتهم وهيا تعطيني ديك خيتي قبيتها و بقات فواحد تريكو لبست انا ديك لقبية ختنى والو مجاهاش لبرد سخونة العفريتة طلعنا فواحد طوموبيل تاني وتمينا غادين ناري على جو كيف داير ولبرد لبرد وصلنا لواحد لبلاصة فيها تلج وانا مزال معرفتش أشمن بلاصة فروسيا حنا فيها قالت ليا نزل بلونغلي نزلت وهوما يمشيو وضفاك خلاوني بحدي تما ؟؟ (يتبع)
#دعشوش
ليست هناك تعليقات:
إرسال تعليق