#لبشير_و_مها
الجزء 14
قالت ليا واخا لي بغيتي يلاه لبيرو وكتب شيك مشيت معاها أنا و لواليدة لداك لبيرو بارك فيه لواليد قلت ليا وراقيك مبقالهم واو غير هاد لورقة gاليزيها فطريقك وصافي قلت ليها شكرا عرفتي على بلان دبا فداك لبيرو مع زوج ديال ناس بدلو ليا حياتي لواليد لي جرى عليا و لبنت لي خلاتني على ود لفلوس مقودة جبدت دفتر ديال شيكات كتبتلهم فلوس لفيلا عطيتها شيكة بقات غير تتشوف عيطات على لبنكة باش تأكد واش تقدر تسحب ديك لفلوس من حسابي عيطولي لبنكة قلت ليهم اه أنا لي كاتب شيك صافي واااع ختنى بقات مصدومة خرجات للبنكة بقيت مع لواليد وأنا نجبد ستيلو وكتبت ليه شيك فيه 100 مليون مديتو ليه
-قاليا شنو هدا ؟
-هادو كتر من داكشي لي صرفتيه عليا
-خلي فلوسك عندك راك ولدي
-لا حسب راسك كنتي تتسلفني ودبا خديتيهم
-لبشير ولدي مبغيتيش تنسى وصافي هادشي داز عليه شحال وديك خيتي دبا فلحبس و عارف راسي ضلمتك وكان عليا نتيق فك فولدي ولكين أنا غلطان وتنطلب سماحة قدام ماماك
-قلت ليه شنو أنا أصلا ممقلقش منك نتا غتبقى لواليد و تحتاج شي حاجة نمرتي قيدها عندك غير معمرنا نرجو كيف كنا دازو عليا شي أيام و شهور معمرهم دازو على شي ولد قدي بسبابك و دبا جات نوبة ديال لواليدة نعيش معاها شويا ونتا راه عندك ولد راجل ولا حسبني صاحبك تحتاج شي حاجة عيط عليا .
عطيتو نمرتي فورقة مديت ليه شيك تاني وهو يقطعو قاليا صافي راه دوينا خلي فلوسك عندك دبا تحتاجهم مد ليا سوارتي ديال لفيلا عنقني خرجنا قالت ليا لواليدة علاش تعاملتي مع باك قاصح قلت ليها كون تشوفي لي دوزتو تشوفي لقصوحية ديال بصح راني سامحتو على كلشي الواليدة نتي متديري فبالك والو دبا كلشي يتقاد قالت ليا واخا واخا أجي بعدا أشمن خدمة هادي لي خلاتك غير تتفرق فشيكات قلت ليها وصافي الواليدة منبقاوش كل مرة نقولك منقدرش نقولك يلاه دبا نشوفو شي وحدين يفرشولنا لفيلا قالت ليا واخا عنداك غير تبقى على لحديدة تاني وتقوليا غنغبر شي عام أخر قلت ليها متخافيش غندير شي حاجة نخدم فيها لابدة قات ليا واخا واحد صاحبتي فوسط لمدينة تتدير ديكور وداكشي ديال ديور جداد نمشيو لعندها قلت ليها واخا لي بغيتي نمشيو هادشي لي درنا مشينا عند ديك لمرى واحد لميمة زوييينة عشيرة لواليدة غير تضور وتتقوليها تبارك لله هدا ولدك ناري وليت خايف غير طيح عليا شي حاجة من سقف خرجنا لواحد لقهوى كبييرة حدا لمحال باركين تندويو فلوان و داكشي قالت ليا لواليدة صبر شويا أولدي نمشي لحمام ونرجع خرجات هيا غادا لحمام تندوي مع ديك عشيرتها ضحوكية ديال بصح تنشوف فلواليدة دخلات للحمام وشي براهش باركين فواحد طابلة تيضحكو معرفتهمش علاش واش على لواليدة ولا غير بيناتهم بقيت حاضي معاهم راجعت لواليدة حتى تنسمع ''ميمة حنينة يمشي زين ويبقاو حروفو ...'' وايلي تينgو على لواليدة قلت لديك عشيرتها خالتي بقاي هنا مشيت عند لواليدة شافوني جمعو ضحك رجعتها لطابلة قلت ليها بركي تنحيد لقبية قالت ليا ولدي بلاش لله يحفظك مقادين على مشاكيل قلت ليها بركي هنا مكين لا مشاكيل لا والو غير غندوي معاهم بالعقل قالت ليا غتدوي بالعقل علاش تتحيد حوايجك أولدي ... قلت ليها صافي شدي لبزطام تيليفون غادي عند دوك خوتنا و مع خوكم ديك لونطريما ديال روسيا ولجو وليت بحال شي غول بداو تيقوفو فبعضياتهم هزيت طابلة من وسطهم بقاو باركين فوق لكراسة و أنا نحط لواحد منهم واحد تصرفيقة فوجهو مدواوش قلت ليهم شكون لي راجل ومزغرتا عليه مو يقول أنا بقاو غير ساكتين شي تصرفيقات ملاح وبغيت غير شي واحد فيهم يدوي ولا يرجع ليا شي ضربة ونوريهم حتى دخلات لواليدة وديك عشيرتها وسرباي بيناتنا جروني غير بزز دوك لبراهش خارجين تيجريو وداوين رجعنا بركنا فطابلة تنقول لواليدة علاش تتبقاي ساكتة ليهم يدوي معاك شي واحد شوهي ديلمو و خليني أنا نتكلف بيه مزيان فأخرة يامي يتبسلو ليا على لواليدة غير نقتل راسي أنا وصافي بردوني شويا قلبناها ضحك رجعنا تندويو على دار حتى تيوقف سرباي مخلوع قاليا خرجو من لباب لوراني راه دوك لبراهش جيبين شي عشرانهم تنشوفو من جاج شي 10 ولا 20 واحد جاين لواليدة بدات تتغوت قلت ليها مكين مناش تخافي بقاي هنا قالت ليا فين غادي قلت ليها وا لواليدة متخافيش كون شفتي داكشي لي دوزتو فروسيا كعما تخافي عليا وخا يكونو 100 من هادو بركي ليا مع راسك عزلي لوان ولفراش قلت لسرباي جيبلهم شي حاجة يشربوها خارج عند خوتنا لمشكلة هيا غنضرب واحد غيهربو لأخرين مالنا أولاد لعبيد منخافوش ؟ خارج عندهم خوتنا غير تيشوفو واحد منهم هاز واحد لموس و كاملين باقين صغار ديك 18 حتال 19 عام جاي لعندي داك مول لموس لبرهوش هاز موس هو لي زاعم تنسمع لواليدة تتغوت لداخل لبرهوش مع جاي بكل هدوء هزيتو من رجليه ولحتو فوق طوموبيل ديال لواليدة بقى مجبد تنشوف فدراري تصدمو بداو هاربين و أنا تابعهم و غير أجيو وغير ندويو ولله منضرب شي واحد هههه والو هربو رجعت لقيت دري مزال مجبد نوضتو نوض نوض أحنيني مالك على هاد لحالة جاب لينا سرباي قرعة ديال لما شربتو فاق قاليا سمح ليا أعمي لله يحفظك قلت ليه هانية هانية سير يلاه جري مشى تيجري داخل تنشرب ديك لقرعة بركت حدا لواليدة و ديك عشيرتها قلت ليهم فين كنا تندويو قالت ليا لواليدة ولدي قوليا فاش كنتي خدام ؟؟ قلت ليها من بعد تنشوف فديك عشيرتها قلت ليها أيه أخالتي إمتى تقدرو تبداو قالت ليا ولدي تبارك لله علك بعدا قلت ليها لله يبارك فيك نتمنى تبداو ف أقرب وقت حيت يلاه راجع من روسيا و مبغيتش نبقى ساكن فشي أطيل وهيا تقول ليا لواليدة أطيل من نيتك أولدي علاش دارو دار جدك و جداك غتبقا معايا تما حتى تقاد دارنا ونمشيو ليها قلت ليها وخا وخا ولكين بغيت دار تقاد بزربا لفلوس ماشي مهمين قالت ليا كون هاني أولدي غنحاول نزرب وندير شي حاجة مزيانة بحالا تنقادها ليا أنا قلت ليها ربي يخليك تيصوني عليا لمعطي جاوبتو سلام سلام قاليا أجي لخدمة مغاديش تيق شنو لقيت دبا فلكراج قلت ليه وخا هانا جاي قطعت قالت ليا لواليدة فين غادي ؟ قلت ليها غير لعند دري صاحبي لي كنت خدام معاه نتي دبا راك هنا تفاهمو نتوما تتفهمو فهادشي كتر مني لفلوس راه نمرتي عندكم وهيا تقوليا ديك صاحبتها عطيني نمرتك باش إلا حتاجينا شي حاجة قلت ليها مرحبا قيديها عطيتهاليها خليتهم خرجت شديت طاكسي ومشيت لديك لبلاصة فين كنا خدامين داخل لعند خونا تلاقيتو عند لباب قلت ليه شنو لقيتي قاليا مغتيقش قلت ليه شنو ؟؟ دوي قاليا شنو خاصك شي حاجة مكانتش تتفارقك بقيت واقف تنتفكر لموطور ناري ستانت لكحلا لي كانت عندي فكرتيني أصاحبي منعرف فين خليتها راك عارف داوني على غفلة أجي خليتها ف لوطيل لي كنت فيه منعرف فين غيكونو داوها قاليا شوف وراك تندور وجهي تتباليا واقفة كيفما كانت فلكحل و نقية بحال نهار خرجتها تنجري تنقلب فيها ولله حتى هيا ناري تنشوف فخونا قلت ليه كدرتي ليها قاليا راه لقاوها لوطيل وعيطو لينا وجبتها قلت معمري بقيت نشوفك نتفكرك بيها بقات محطوطة ف لكراج صباح قلت ليهم يغسلوها و يقادوها راه أمارش دبا ديماريتها شعلات بزربا بحالا باقيا جديدة قاليا قلت ليه عرفتي شنو أحسن حاجة درتيها أجي لحاجة أصاحبي فكرتيني يلاه نشوفوها قاليا أه علاش لا دبا نمشيو خلينا لموطور تما مشينا بطوموبيلتو وصلنا قاليا نزل قلت ليه لا سير قوليها واحد لولد باغي يكري و عاد ندخل أنا قاليا وخا دخل هو بقيت واقف عند لباب حتى قاليا دخل دخل أخويا تندخل شافتني صدمة قالت ليا لبشير ولدي بقيت معنقها وتتبكي قلت ليها مالك الحاجة تتبكي واش مبغيتينيش نجي لعندك قالت ليا أولدي غير فرحانة عرفتي كل نهار تنفكر فيك و تنقول منعرف شنو تيدير ولا شنو وقع ليه ونتا متتسولش فينا هاد لمدة كاملا واش سكنتي مع لواليدة ديالك قلت ليها ليها لا مزال مسكنتش معاها تنساينو لفيلا يساليوها صحاب ديكور و يقادوها غنتحولو هاد لأيام و أنا مكنتش فلمغرب كنت برى خدام قالت ليا إوا تزوجتي ولاو عندك شي وليدات ؟ قلت ليها لا مالني شحال باش مشيت راه غير عام وشي حاجة مزال متنفكرش فداكشي قالت ليا ولدي ياك بعدا محاقدش عليا من داك نهار قلت ليها يهديك لله الحاجة معمري نحقد عليك سكنتيني فدارك فابور وتتصرفي عليا شحال من شهر قالت ليا لله يرضي عليك أولدي صبر نعمر أتاي مبغيتهاش تدير شي حاجة حيت يمكن مزال ساكنة معاها ختنى ومبغيتش نعاود نشوفها قلت ليها بلاشة الحاجة عندي شي خدمة خاصني نمشي حتال نهار أخر ونجي أنا ولواليدة عنقتها تاني خرجنا غادين راجعي وهو يقوليا لمعطي لعشير واش مغترجعش مع ختنى مها قلت ليه من نيتك أصاحبي وخا تبقى غير هيا عطى لله لحريم قاليا هادي عندك غير خاصك تعرف فين تحط رجلك هاد لمرة بقينا داوين وصلنا لمحالو هزيت لموطور دار ليا لبلان من لغراج ديالهم تميت غادي لدار جدي ناري شحال هادي مركبتش عليه وتنبان عملاق فوقو (لموطور طبعا😇)... يتبع
#دعشوش
الجزء 14
قالت ليا واخا لي بغيتي يلاه لبيرو وكتب شيك مشيت معاها أنا و لواليدة لداك لبيرو بارك فيه لواليد قلت ليا وراقيك مبقالهم واو غير هاد لورقة gاليزيها فطريقك وصافي قلت ليها شكرا عرفتي على بلان دبا فداك لبيرو مع زوج ديال ناس بدلو ليا حياتي لواليد لي جرى عليا و لبنت لي خلاتني على ود لفلوس مقودة جبدت دفتر ديال شيكات كتبتلهم فلوس لفيلا عطيتها شيكة بقات غير تتشوف عيطات على لبنكة باش تأكد واش تقدر تسحب ديك لفلوس من حسابي عيطولي لبنكة قلت ليهم اه أنا لي كاتب شيك صافي واااع ختنى بقات مصدومة خرجات للبنكة بقيت مع لواليد وأنا نجبد ستيلو وكتبت ليه شيك فيه 100 مليون مديتو ليه
-قاليا شنو هدا ؟
-هادو كتر من داكشي لي صرفتيه عليا
-خلي فلوسك عندك راك ولدي
-لا حسب راسك كنتي تتسلفني ودبا خديتيهم
-لبشير ولدي مبغيتيش تنسى وصافي هادشي داز عليه شحال وديك خيتي دبا فلحبس و عارف راسي ضلمتك وكان عليا نتيق فك فولدي ولكين أنا غلطان وتنطلب سماحة قدام ماماك
-قلت ليه شنو أنا أصلا ممقلقش منك نتا غتبقى لواليد و تحتاج شي حاجة نمرتي قيدها عندك غير معمرنا نرجو كيف كنا دازو عليا شي أيام و شهور معمرهم دازو على شي ولد قدي بسبابك و دبا جات نوبة ديال لواليدة نعيش معاها شويا ونتا راه عندك ولد راجل ولا حسبني صاحبك تحتاج شي حاجة عيط عليا .
عطيتو نمرتي فورقة مديت ليه شيك تاني وهو يقطعو قاليا صافي راه دوينا خلي فلوسك عندك دبا تحتاجهم مد ليا سوارتي ديال لفيلا عنقني خرجنا قالت ليا لواليدة علاش تعاملتي مع باك قاصح قلت ليها كون تشوفي لي دوزتو تشوفي لقصوحية ديال بصح راني سامحتو على كلشي الواليدة نتي متديري فبالك والو دبا كلشي يتقاد قالت ليا واخا واخا أجي بعدا أشمن خدمة هادي لي خلاتك غير تتفرق فشيكات قلت ليها وصافي الواليدة منبقاوش كل مرة نقولك منقدرش نقولك يلاه دبا نشوفو شي وحدين يفرشولنا لفيلا قالت ليا واخا عنداك غير تبقى على لحديدة تاني وتقوليا غنغبر شي عام أخر قلت ليها متخافيش غندير شي حاجة نخدم فيها لابدة قات ليا واخا واحد صاحبتي فوسط لمدينة تتدير ديكور وداكشي ديال ديور جداد نمشيو لعندها قلت ليها واخا لي بغيتي نمشيو هادشي لي درنا مشينا عند ديك لمرى واحد لميمة زوييينة عشيرة لواليدة غير تضور وتتقوليها تبارك لله هدا ولدك ناري وليت خايف غير طيح عليا شي حاجة من سقف خرجنا لواحد لقهوى كبييرة حدا لمحال باركين تندويو فلوان و داكشي قالت ليا لواليدة صبر شويا أولدي نمشي لحمام ونرجع خرجات هيا غادا لحمام تندوي مع ديك عشيرتها ضحوكية ديال بصح تنشوف فلواليدة دخلات للحمام وشي براهش باركين فواحد طابلة تيضحكو معرفتهمش علاش واش على لواليدة ولا غير بيناتهم بقيت حاضي معاهم راجعت لواليدة حتى تنسمع ''ميمة حنينة يمشي زين ويبقاو حروفو ...'' وايلي تينgو على لواليدة قلت لديك عشيرتها خالتي بقاي هنا مشيت عند لواليدة شافوني جمعو ضحك رجعتها لطابلة قلت ليها بركي تنحيد لقبية قالت ليا ولدي بلاش لله يحفظك مقادين على مشاكيل قلت ليها بركي هنا مكين لا مشاكيل لا والو غير غندوي معاهم بالعقل قالت ليا غتدوي بالعقل علاش تتحيد حوايجك أولدي ... قلت ليها صافي شدي لبزطام تيليفون غادي عند دوك خوتنا و مع خوكم ديك لونطريما ديال روسيا ولجو وليت بحال شي غول بداو تيقوفو فبعضياتهم هزيت طابلة من وسطهم بقاو باركين فوق لكراسة و أنا نحط لواحد منهم واحد تصرفيقة فوجهو مدواوش قلت ليهم شكون لي راجل ومزغرتا عليه مو يقول أنا بقاو غير ساكتين شي تصرفيقات ملاح وبغيت غير شي واحد فيهم يدوي ولا يرجع ليا شي ضربة ونوريهم حتى دخلات لواليدة وديك عشيرتها وسرباي بيناتنا جروني غير بزز دوك لبراهش خارجين تيجريو وداوين رجعنا بركنا فطابلة تنقول لواليدة علاش تتبقاي ساكتة ليهم يدوي معاك شي واحد شوهي ديلمو و خليني أنا نتكلف بيه مزيان فأخرة يامي يتبسلو ليا على لواليدة غير نقتل راسي أنا وصافي بردوني شويا قلبناها ضحك رجعنا تندويو على دار حتى تيوقف سرباي مخلوع قاليا خرجو من لباب لوراني راه دوك لبراهش جيبين شي عشرانهم تنشوفو من جاج شي 10 ولا 20 واحد جاين لواليدة بدات تتغوت قلت ليها مكين مناش تخافي بقاي هنا قالت ليا فين غادي قلت ليها وا لواليدة متخافيش كون شفتي داكشي لي دوزتو فروسيا كعما تخافي عليا وخا يكونو 100 من هادو بركي ليا مع راسك عزلي لوان ولفراش قلت لسرباي جيبلهم شي حاجة يشربوها خارج عند خوتنا لمشكلة هيا غنضرب واحد غيهربو لأخرين مالنا أولاد لعبيد منخافوش ؟ خارج عندهم خوتنا غير تيشوفو واحد منهم هاز واحد لموس و كاملين باقين صغار ديك 18 حتال 19 عام جاي لعندي داك مول لموس لبرهوش هاز موس هو لي زاعم تنسمع لواليدة تتغوت لداخل لبرهوش مع جاي بكل هدوء هزيتو من رجليه ولحتو فوق طوموبيل ديال لواليدة بقى مجبد تنشوف فدراري تصدمو بداو هاربين و أنا تابعهم و غير أجيو وغير ندويو ولله منضرب شي واحد هههه والو هربو رجعت لقيت دري مزال مجبد نوضتو نوض نوض أحنيني مالك على هاد لحالة جاب لينا سرباي قرعة ديال لما شربتو فاق قاليا سمح ليا أعمي لله يحفظك قلت ليه هانية هانية سير يلاه جري مشى تيجري داخل تنشرب ديك لقرعة بركت حدا لواليدة و ديك عشيرتها قلت ليهم فين كنا تندويو قالت ليا لواليدة ولدي قوليا فاش كنتي خدام ؟؟ قلت ليها من بعد تنشوف فديك عشيرتها قلت ليها أيه أخالتي إمتى تقدرو تبداو قالت ليا ولدي تبارك لله علك بعدا قلت ليها لله يبارك فيك نتمنى تبداو ف أقرب وقت حيت يلاه راجع من روسيا و مبغيتش نبقى ساكن فشي أطيل وهيا تقول ليا لواليدة أطيل من نيتك أولدي علاش دارو دار جدك و جداك غتبقا معايا تما حتى تقاد دارنا ونمشيو ليها قلت ليها وخا وخا ولكين بغيت دار تقاد بزربا لفلوس ماشي مهمين قالت ليا كون هاني أولدي غنحاول نزرب وندير شي حاجة مزيانة بحالا تنقادها ليا أنا قلت ليها ربي يخليك تيصوني عليا لمعطي جاوبتو سلام سلام قاليا أجي لخدمة مغاديش تيق شنو لقيت دبا فلكراج قلت ليه وخا هانا جاي قطعت قالت ليا لواليدة فين غادي ؟ قلت ليها غير لعند دري صاحبي لي كنت خدام معاه نتي دبا راك هنا تفاهمو نتوما تتفهمو فهادشي كتر مني لفلوس راه نمرتي عندكم وهيا تقوليا ديك صاحبتها عطيني نمرتك باش إلا حتاجينا شي حاجة قلت ليها مرحبا قيديها عطيتهاليها خليتهم خرجت شديت طاكسي ومشيت لديك لبلاصة فين كنا خدامين داخل لعند خونا تلاقيتو عند لباب قلت ليه شنو لقيتي قاليا مغتيقش قلت ليه شنو ؟؟ دوي قاليا شنو خاصك شي حاجة مكانتش تتفارقك بقيت واقف تنتفكر لموطور ناري ستانت لكحلا لي كانت عندي فكرتيني أصاحبي منعرف فين خليتها راك عارف داوني على غفلة أجي خليتها ف لوطيل لي كنت فيه منعرف فين غيكونو داوها قاليا شوف وراك تندور وجهي تتباليا واقفة كيفما كانت فلكحل و نقية بحال نهار خرجتها تنجري تنقلب فيها ولله حتى هيا ناري تنشوف فخونا قلت ليه كدرتي ليها قاليا راه لقاوها لوطيل وعيطو لينا وجبتها قلت معمري بقيت نشوفك نتفكرك بيها بقات محطوطة ف لكراج صباح قلت ليهم يغسلوها و يقادوها راه أمارش دبا ديماريتها شعلات بزربا بحالا باقيا جديدة قاليا قلت ليه عرفتي شنو أحسن حاجة درتيها أجي لحاجة أصاحبي فكرتيني يلاه نشوفوها قاليا أه علاش لا دبا نمشيو خلينا لموطور تما مشينا بطوموبيلتو وصلنا قاليا نزل قلت ليه لا سير قوليها واحد لولد باغي يكري و عاد ندخل أنا قاليا وخا دخل هو بقيت واقف عند لباب حتى قاليا دخل دخل أخويا تندخل شافتني صدمة قالت ليا لبشير ولدي بقيت معنقها وتتبكي قلت ليها مالك الحاجة تتبكي واش مبغيتينيش نجي لعندك قالت ليا أولدي غير فرحانة عرفتي كل نهار تنفكر فيك و تنقول منعرف شنو تيدير ولا شنو وقع ليه ونتا متتسولش فينا هاد لمدة كاملا واش سكنتي مع لواليدة ديالك قلت ليها ليها لا مزال مسكنتش معاها تنساينو لفيلا يساليوها صحاب ديكور و يقادوها غنتحولو هاد لأيام و أنا مكنتش فلمغرب كنت برى خدام قالت ليا إوا تزوجتي ولاو عندك شي وليدات ؟ قلت ليها لا مالني شحال باش مشيت راه غير عام وشي حاجة مزال متنفكرش فداكشي قالت ليا ولدي ياك بعدا محاقدش عليا من داك نهار قلت ليها يهديك لله الحاجة معمري نحقد عليك سكنتيني فدارك فابور وتتصرفي عليا شحال من شهر قالت ليا لله يرضي عليك أولدي صبر نعمر أتاي مبغيتهاش تدير شي حاجة حيت يمكن مزال ساكنة معاها ختنى ومبغيتش نعاود نشوفها قلت ليها بلاشة الحاجة عندي شي خدمة خاصني نمشي حتال نهار أخر ونجي أنا ولواليدة عنقتها تاني خرجنا غادين راجعي وهو يقوليا لمعطي لعشير واش مغترجعش مع ختنى مها قلت ليه من نيتك أصاحبي وخا تبقى غير هيا عطى لله لحريم قاليا هادي عندك غير خاصك تعرف فين تحط رجلك هاد لمرة بقينا داوين وصلنا لمحالو هزيت لموطور دار ليا لبلان من لغراج ديالهم تميت غادي لدار جدي ناري شحال هادي مركبتش عليه وتنبان عملاق فوقو (لموطور طبعا😇)... يتبع
#دعشوش
ليست هناك تعليقات:
إرسال تعليق