قصة لبشير و مها 1

1. #لبشير_و_مها

ماشي صعيب تكون دكر ولكين صعيب تكون راجل ، إلا بغيت نعاود ليكم وتفهمو خاصني نرجع بيكم لمني كانت عندي 15 عام لواليد و لواليدة مطلقين من شحال ديك ساعة متنعقلش على راسي مني تطلقو حياتي دوزتها غير غادي جاي بيناتهم وصداع سباب هاد صداع هو أن لواليدة من واحد لعائلة ضاربة يدها فجيب لمغرب مرفحين د بصح و تزوجات بلواليد لي منقولش فقير ولكين تيجيبها بعرق كتافو وعايش بيخير تزوجو متفاهموش لواليدة معجباتهاش لوضعية رجعات لدارهم وبقاو هكدا و أنا بيناتهم عند لواليد تنطيب تنجمع دار تنجفف بحالا والد بنت حيت مجاتش تيضل خدام و منعاونوش حتى فشغل دار تمارة د بصح معاه تنمشي لدا عند لواليدة فصيف عالم أخر تاني كاس متنغسلوش غير فيناهو حبيبي لبشير واش واكل واش مرتاح سيدي لبشير كرهوني هاد لإسم تيبيني شاااارف ولا شي فلاااح غير لواليد لله يهديه دبح عليه مبغيتش نبدلو ههه لمهم صابر ما أنا من طبقة لي لباس عليهم وعايشين بيخير ما أنا من طبقة لي منها لواليد حيت ولاد درب تيشوفوني ديما حطات تتصيفطهم ليا لواليدة تيليفونات لواليدة مهليا فيا وخا هكداك وبعيد عليها صابر و تنقول لحمد لله حسن من شي وكرف من شي إمتى غادي تبدل حياتي ديال بصح هيا ملي كملت 18 عام و كان عندي لباك داك لعام واحد ليلة يلاه تنجمع فلكوزينة و تنطيب لعشا حتى دخل لواليد برك حدايا فلكوزينة قاليا لبشير ولدي أجي نقولك مشيت عندو شكين ألواليد قاليا والو أولدي غير معجبنيش لحال نتا عندك حفاظة وعندك لباك ومزال مقابل دار كاملا وتتطيب وكلشي قلت ليه من لخر الواليد شنو واقع قاليا بلي تلاقا بشي وحدا وعجباتو وكدا وباغي يتزوج بيها و تسكن معانا مقديتش نقول ليه لا أصلا شكون أنا باش نحبسو حقو هداك قلت ليه خود راحتك الواليد نقدر نمشي عند لواليدة كاع ونخلي ليكم دار خاوية قاليا لا ها مناش خايف مبغيتكش تمشي عند ماماك بلاصتك هنا منقدرش نعيش و ولدي بعيد عليا درت ليه خاطرو قلت ليه وخا صافي غنبقى وهادشي لي وقع تزوج بديك خيتي وجات سكنات معانا شغادي نقوليكم عندها سوابق ف دعارة و ت*حبين معمري شفت بحالها حتى فالأفلام من نهار دخلات لدار محملتهاش ديك لخدمة ديال دار لي كنت تنديرها عاد تزادت نهار ومطال مدابزين سيدة بحالا عايشة غير بوحديتها فدار متتلبس والو وشيطان حاضر و انا تنحشم غير على وجه لواليد لي عارف إلا قلتها ليه غادي يمرض و أصلا فيه لعصاب ومني تيتقلق متيعقل على حتى واحد انا براسي مغاديش يعقل عليا ، صابر ومبغيتش نقولها لواليدة حيت عارفها تقدر تشعل وغادي تبغي تديني عندها و حتى هيا عايشة غير مع عائلتها لمهم خاصني ننجح وهادشي لي درت نجحنا بزز جبت ديك 10،5 صيفطاتلي لواليدة كادو عائلتها كاملين منساونيش لواليد مقصرش ديك ليلة حتى هو مخلاش شي حاجة مجابهاش لغد ليه نهار لول فلعطلة لواليد خدام مراتو كينا فدار لمهم سيدة صافي وصلات بيها لدرجة تدور عريانة د بصح والو صافي تلميحات ديريكة أجي كولني شفت حتى عيت تيباليا غير غادي نولي مدابز معاها ولا شيطان يغلبني دخلت لبيتي عيطت على لواليدة قلت ليها لواليدة بغيت نجي قالت ليا دبا بلاش اولدي ولاد خالتك و خوالك كاملين هنا غير بقى عند باك و أنا غادي نجي نشوفك شي سيمانة انا أصلا متنحملش دوك خوالي و ولادهم مرفحيين د بصح ودافعين كبيير قلت ليها صافي فهمتك فهمتك وقطعت لواليدة لي كنت باغي نهرب لعندها هايا قالت ليا لا حتى تنسمع دقان فباب لبيت حليتو ختنى مزال عريانة قالت ليا واش عندك شي مشكل واش ماشي راجل علاش باغي تهرب عمد ماماك فحين تقدر تعيش هنا مع باباك ومعايا بيخير وهيا تحط يدها عليا ولكين لقاتني من داك نوع لي عارف شنو تيدير ومنقدرش ندير شي حاجة بحال هادي ومعامن مع حرمة لواليد قلت ليها سمحيلي سديت لباب هزيت صاك درت فيه شي حوايج هزيت واحد 4 لاف درهم هيا راس مالي ضربتو فكتفي غادي خارج معارفش فين غادي صافي صبر تسالا قالت ليا فين غادي قلت ليها حسن ليا وليك أنا غادي نخوي ليك دار وهيا تشدني من يدي صافي وصلات بيا لحد ديال صبر حطيت صاك و أنا نحط ليها واحد تصرفيقة فوجهها شادها من يدها علاش تتديري هكدا شنو دار لواليد باش تديري ليه هكدا بقات غير تتشوف فيا حتى تيدخل لواليد ناري أنا تمنيت لأرض تحل ونتدفن فيها قلت ليه لواليد ؟ بقا مصدوم ...(يتبع)
#دعشوش