قصة لبشير و مها لأخير

الجزء لأخير
قلت ليه علاش قاليا معندي لا سنسلا لا والو راه غير إشاعات ولله تنشوف فلمعطي وهوا يمشي لخونا طاعر قاليه تمالك طغيتي علينا تنبانو لك دراري صغار غادي تضحك علينا وهو يحط ليه واحد تصرفيقة بيدو خونا بدا تيتنخصص قلت ليه بقى حداهم انا غنمشي نجيب شي حاجة نزلت لكوزينة جمعت لماس خيط ديال ضو لملح تلج هزيت معايا كرسي وطلعتهم لبيت مع داخل تصدمو قلت ليه ها حنا غنشوفو واش إشاعة ولا بصح أصلا حنا مخاسرين والو ن ضتو ربطناه فلكرسي حيدنا ليه حوايجو قلت ليه راسك قاصح ولكين طحتي ف عزرائيل وخوه مغنتفرقوش علك قاليا راه دوينا قلت ليكم معنديش ديرو لي بغيتو قلت ليه واش سنسلا غلى من حياتك قاليا ونتا واش سنسلا غلى من بنادم عندك قلت ليه انا تندير هادشي على ود بنتي إلا مديتش ديك سنسلا لشي ناس غادي تموت قاليا إوا سير قلب على بنتك انا معندي والو وانا نشد واحد زيف ربطناه ليه على وجهو درنا ليه لملح وتلج وبديت تندخل ليه يديا ضروني مع تلج حيد ليه داكشي من راسو وجهو تبدل ودم لمعطي قلبو هشيش قاليا لبشير صافي شوف سيد كيف ولات حالتو كون كان عارف شي حاجة كون قالها قلت ليه سكتنا نتا ترجل راه بنتك هاديك تنشوف فخونا واش عجبك لحال دبا مزال هادشي غير لبدية مغنخرجو حتى تقولينا فين هيا ديك سنسلا وهو يقوليا إلا عطيتها ليك غيموتلي ولدي قلت ليه كيفاش قاليا انا عندي ديك سنسلا وتنقلب ليها على شاري باش ندير لولدي عملية قلت ليه فيناهو هاد ولدك ؟ قاليا ولدي راه فالمستعجلات ومزال تيقلبولو على قلب وعملة غالية بزااف وخا نرهن دار وكلشي لي عندي مغنوصلش لديك لفلوس قلت للمعطي حل لسيد يديه حلهم جبت كرسي قدامو قلت ليه سمعني سمحلي بعدا على هادشي لي درناه ليك شوف نتا صبرتي على ود ولدك إوا غتكون حاس بينا لبنت راه بنت صاحبي و أنا عمها و راه كتر من بنتي نقدرو نلقاو حل مزيان لينا بزوج قاليا أشمن حل قلت ليه عطيني سنسلا و أنا غنعطيك فلوس لعملية وهو يضحك قاليا راه عملية شبه مستحيلة و رقم خيالي قلت ليه وصافي دوينا قلت ليك ضرب فلوس لعملية على حسابي قاليا واخا تبعوني نزلنا لغراج مد لينا زوج فيسان قالينا ضربو هنا راه دفنتها هنا بدينا تنضربو ولد لعبد دافنها وداير ليها لكاياص تنضرب تيباليا ضو شعل شي ساعة وحنا تنضربو عاد بان واحد صندوق صغير جبدتو نشوف هاد سنسلا لي نايض عليها هاد صداع مع حليتها ناري كيف دايرا وتقيلة ومدهبا بقيت مصدوم تنشوف فيها وهو يسد صندوقة قاليا متبقاش تشوف فيها راه هادشي علاش ساويا لي تيشوف فيها متيقدرش يحيد عينيه صوبها شي واحد فعهد الموحدين شديتهت فيدي قلت ليه دوينا باشما كان غادي نعلمك ومتخافش ولدك غيخرج صحة وسلام إنشاء لله قاليا نعول عليكم خويا خرجنا نيشان لعند خونا لي غنعطيوها ليه غادين ولمعطي تيقوليا ساط شنو غنديرو دبا إلا عطيناها ليه خونا ولدو غيموت و إلا معطيناهاش ليه بنتي راك عارف قلت ليه عنينا خليني نفكر تنتفكر لمراكشي نهار تيرا ليا فخوتنا فروسيا كان هو لمقود فسلاحات دبانة متيزكلهاش جبدت تيليفون عيطتلو
-سلام سلام
-معاك لبشير
-أهلا خويا كيف بقيتي
-لحمد لله غير لمشاكيل
-اشمن مشاكيل ؟
-بغيتك هنا فكازا محتاجك نتا لي غادي تحل يا هاد لمشاكيل
-مرحبا عطيني 3 سوايع انا تم عندي خدمة تما
-خويا عرف علاش بعدا راه بغيتك تضرب شي خوتنا بسلاح بحال يامات روسيا ؟
-قاليا مرحبا أصاحبي ولكين راه شحااال هادي مشديتش سلاح معرفتش واش مزال يديا كيف كانو
-خويا هانية غير أجي راه نتا لي كين عندي تنعرفو صافي نعول عليك لقدية فيها رواح دراري صغار ولد مريض و بنتي
-صافي أنا جاي غنجمع لعب ديالي دبا ونشد طريق عطيني 3 سوايع ولا قل
قطعنا مشينا لدار دخل لمعطي لدارو مشيت انا لداري مع داخل وقفو عليا عبد لحق يوسف مريم شنو وقع فين هيا شيماء قلت ليه مزال غنمشي ليها دبا جيت غير نستراح شويا غيجي عندي داك صاحبي لي من مراكش مني يجي دخلوه وفيقوني قالت ليا مريم واخا دخلت لدوش مدخل سنسلا معايا دوشت حويجي بدلتهم شديت ديك صندوق فيديا ومتكي حتى داني نعاس تتفيقني مريم قالت ليا لمراكشي جا راه بارك مع دراري فصالون واش نعلم صاحبك لمعطي قلت ليها لا خليه فدارو هو معندو خبرة فهادشي غتولي واقعا ليه شي حاجة إلا سول عليا قولي ليه بلي مشيت نجيب شيماء ومتخليوهش يتبعني قالت ليا واخا لي باليك غير حضي راسك وهيا تعنقني فكراتني فأحلام كانت ديما تتعنقني وتتوصيني على راسي قلت ليها مريم سمحيلي على هاد صداع كامل إنشاء الله يسالي ونعوضك بشي تسافيرا راس فراس تكون دايزا لكلام قالت ليا غير رجع لينا هادشي لي بغيتو خرجت عند خونا عنقتو بركنا قلت لدراري خرجو خليوني ندوي مع عمكم يلاه خرجو قاليا دوي اصاحبي شنو بغيتينا نديرو توحشنا يامات لمقاتيلا وبالأخصية معاك قلت ليه وهادشي علاش معيطليك حنا كبرنا وخوتنا راه كتار سيد عندو بزاف درجال وبغيتهم يبعدو عليه يعني خاصني نكون انا وهو راس فراس باش هوما يتيقو بلي مغندير والو ديك ساعة بغيت نشوف لأصابع سحرية ديال بدا بخونا ولي ضربتيه فيهم ونقصتيه عليا مزيان قاليا عفط أعزي هادشي زوين خرجنا طلعنا فطوموبيلتو غادين معولين عليها وصلنا لدرب خونا واحد دار خاويا مشى طلع فوقها خونا بقيت تنتسناه حتى عيط ليا قاليا صافي قاديت لمسائل ديالي غير خرجهم مشت قدام لباب تندق وديك ساعة كان ضلام بدا تيطيح خرجو شي رجالو قاو ليا دخل قلت ليه دخلو نتوما قولو ليه بلي سيد جاب سنسلا وبارك قدام لباب يخرج عندي إلا بغاها بقيت واقف مع واحد فيهم ولأخر دخل شويا خارج هو وخونا و شي زوج أخرين رجعت لور أنا فشارع خرجو لعندي قاليا بصح جبتي ليا سنسلا قلت ليه اه ولكين بغيت لبنت قاليا دبا شاف فواحد من رجالو قاليه نزل لغراج جيب لبنت لي كانت خدامة معانا دخل خونا واحد شويا تيخرجها مضروبة واحد ضربة فوجهها تحت عينها جات ورايا قاليا يلاه أرا سنسلا قلت ليه كينا حاجة أخرى بغيت فلوس قاليا شحال قلت ليه دير بحالا غتشري من عندي هاد سنسلا شحال غتعطيني قاليا غنعطك ل**** ياك تافقنا غتجيبلي سنسلا وغنعطك لبنت قلت ليه حتى نتا نسيتي بلي قلت ليك إلا مسيتي منها شعرة غيكون أخر نهار فحياتك تنضور وجهي لعند جيهة لمراكشي باش يفهمني تنشوف فخونا لي عندنا لمشكل معاه واقف حتى تيباليا راسو تقب رجالو طاحو بحال دبان واحد ورا واحد بزربا أحححح عليك المراكشي تنشوف فلبنت طيري لداركم يلاه جري قالت ليا ونتا أعمي قلت ليها أنا مزال عندي خدمة هنا سيري نتي لدار تجمعو عندي فدار انا جاي وهيا تعنقني قالت ليا سمح لينا قلت ليها سيري يلاه ماشي وقت هادشي حياتي كاملا وبنادم تيطلب مني لمسامحة كون عطاوني شي درهم لواحد كون دبا عندي وزين ديال طون 😂 ، هزيت موس ديال واحد من رجالو و سلاح فليد لأخرى جا لمراكشي تيجري غادين داخلين بحالا تنتفرج فشي فيلم تيباليك غير بنادم تيغوت طالعين لبيرو كاع رجالو لي مزال فدار هربو وصلنا لمكتب بديت تنقلب على شي فلوس نعاونو بيها دري لي مريض حتى لمراكشي تيقلب ملقينا والو غادين خارجين رجلي تنعرج بيها ضراتني تنهزها ونحطها بشويا حطيتها تنسمع صوت لأرض حنين وحسيت بيها تتحرك قلت ليه صبر صبر تنحيدو واحد زربية لقينا باب فيه قفل صغير هرسناه حلينا ناري غير زرقات مستفين تنشوف فلمراكشي عشيري جيب ديك زربيا حطيناها بدينا تنلوحو فوقها لحنا كلشي مخليناش درهم هزيناها بزوج بيناتنا خرجناها لبرى حل لكوفر دخلناها بزز طلعنا قلت ليه طيارة قبل ميجيو لبوليس قاليا متخافش راه بعاد على هنا يلاه خارجين حنا من درب هوما داخلين مشكوش فينا طيارة لدار خونا لي ولدو مريض وقفنا قدام دار نزلت لعندو خرج معايا قلت ليه حل لكوفر حو بقى مصدوم قلت ليه بزربا دخلهم لدارك عيط على ديك لخدامة دخلو داكشي وقفت انا وهو قدام لباب قلت يه سمحلي تاني على داكشي لي درتو وهاك سنسلتك تعدبتي على ودها قاليا لا نتا لي تعدبتي على ودها انا كنت مخليها عندي غير على ود ولدي دبا حلال عليك بحالا شريتيها من عندي قلت ليه هانية طلعنا فطوموبيل رجعنا لدار لقيناهم كاملين واقفين قدام دار وموجدين غيلحقو علينا وحتى شيماء رجعات معاهم قلت ليهم دخلو دخلو دخلنا وانا نريح فوق لفوطاي نستراح شويا كاع تيشوفو فيا مالكم صافي كلشي سالا دبا بقات حاجة وحدا قاليا لمعطي شنو هيا تاني قلت ليه نزوجو دراري أغويا نتهناو أغويا شبابك قاليا صافي غير تبرد دنيا شويا نزوجوهم قلت ليه مكيم لا تبرد لا والو سيمانة جايا نديروه هايا دارنا كبيرة وزيد جردة قاليا لي باليك أخويا كلشي تقاد حلفنا على لمراكشي حتى يدوز معانا لعرس هادشي لي دارو بقى معانا ديك سيمانة دوزناها غير ضحك سنسلا مخبيها تحت ناموسية حتى واحد معارفها مزال عندي حتال نهار لعرس واحد عبد لحق غير تيضور وتيبوسني وليت شاك فيه قزحي ولكين مزيان مني فهم راسو وبلي أنا مضحي ب بزاف ديال لحوايج على ودو نهار لعرس تنجبد ديك سنسلا وعقلتها لشيماء تستاهلها شحال وهيا صارا معاه لواليد و لواليدة لحمد لله لي طول فعمرهم داكشي لي تفرقتو عليهم فصغري عوضتو فكبري طبعا كنت مواعد مريم بتسافيرا وهادشي لي درناه غير فات لعرس بشي زوج سيمانات مشاو دراري لروسيا جمعنا حوايجنا قادينا وراقنا و طيارة لحقنا عليهم لروسيا يوسف بقى مع لواليد ولواليدة ههههه عيد لحق ومريم وشيماء كان غيقتلهم لبرد ولكين انا لخبرة تنضور عليهم فسليب و شورط موتو أولاد لعبيد اه كنت غنسى مشيت عند شيباني خورخي كبر دبصح ولا غير تيشوف بعينيه متيحرك والو فلوسو كاملا مبرعا بيها ديك خيتي روسية حيت تزوج بيها طلعت فوق لقصر ديالو نهار مشيت لعندو تنشوف من لفوق حتى حاجة متبدلات نفس شجر لبرميل لي كان تيحبسني فيه بات عبد لحق مزال حتى هو تم كلشي مزال كيف هو غير حنا لي تبدلنا وكبرنا لي مات مات ولي تزوج تزوج تنجي نشوف تنلقا حياتي دوزتها طوووب وخا كاع دوك لمشاكيل و صداع ولكين بحلاوتو وهيا تجي مريم فديك لحظات حيت ديتها معايا وقفات حدايا لفوق وشداتلي فيدي قلت ليها شباليك نديرو حياتي فيلم ونمتلو فيه حنا نقدرو ناخدو عليه لأسكار بقينا تنضحو شويا توادعنا معاهم رجعنا لعند دراري بعد يوماين خليناهم تما ورجعنا لمغرب كملت ديك تسركيلتي مع أحلام ولكين هاد لمرة مع مريم ومخلينا فين مشينا ولكين أنا بقى ضارني راسي من حاجة وحدا هيا مها معرفناهاش فين مشات غبرات مبقينا سمعنا عليها والو شحال من عام هدا كون مدارتش معايا داك لبلان مني كنا صغار كون دبا تلقاني خدام فشي شركة ومقاتل مع زمان وعايشين مع بعضياتنا منعرف كيفاش كنا غنكونو دبا ولكين ممكتابش {قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ} ...(النهاية)
لخوت مرحبا هادي اول قصة غنحطها هنا لمهم لباج فيسبوك قصص بدارجة مغربية
#دعشوش

قصة لبشير و مها 25

الجزء 25
دخلنا لواحد درب ف واحد لبلاصة ديلمها فكراتني فيامات زلط وقف طاكسي وهيا توريني دارهم بقينا باركين شويا تيبالينا خارج هو وياها بقينا تابعينهم شويا طلعو فطاكسي مشاو لواحد لبلاصة دخلو لواحد سويقة حاضينهم من بعيد لبرهوش ولا قد لمسؤولية قلت لمريم يلاه نرجعو قالت ليا تيحساب ليا بلي غنرجعوه معانا قلت ليها خليه يتحك شويا مزيان ليه رجعنا لدار صافي مبقيتش تنسول عليه وقلت ليهم منعاودش نسمع عبد لحق فدار على لأقل هاد لمدة وهادشي لي وقع يوسف تيكمل قرايتو لواليد و لواليدة جاو من لحج رجعاتلنا حياتنا لعادية غير رجلي لي مبغاتش ترجع كيف كانت ولكين بشويا بشويا تتعافى داز شهر لول تاني تالت لمعطي مبقيناش تندويو كاع بزوج بسباب دراري وداكشي لي دارو كانت عندي أنا شي خدمة لازمني نخرج برى لبلاد بديت تنقاد وراقيا وتنجمع حوايجي وتنوصي فيهم كنت لغد ليه غنمشي نعسنا فايق فصباح معول غنمشي مع ديك 12 جمعت حوايجي بارك مع يوسف فصالون تنوصي فيه حتى تتجي مريم تتجري من سطح قلت ليها بشويا مالك قالت ليا عتق وايلي شنو غنعتق قالت ليا ولدك عبد لحق منعرف شنو واقع قاليا قولي لبابا يجي لفين انا بزربا ونتا عارفو مقاليك بابا و أجي حتى كينا شي موصيبة متردهاش ليا فوجهي هزيت سوارتي ديال طوموبيل غادي خارج وهوما يبانو ليا يوسف و مريم خارجين معايا قلت ليهم فين ريحو هنا ولا معيمشي حتى واحد فينا قالت ليا صافي سير غير زرب لله يحفظك خرجت طلعت فطوموبيل طيارة غادي شنو غيكون واقع فاشمن صداع دخل راسو هاد زبل حتى قلت تهنينا منو وصلت لتما تيباليا درب مقلوب من دخلتو حطيت طوموبيل غادي لدارو تيبانو ليا شي وحدين دراري قدو واقفين وكل واحد وشنو هاز فيدو وهو ساد لباب رجعت لطوموبيل هزيت واحد لكريك وغادي لديلمهم وقفت قدام لباب مالكم ؟؟ بدا داوي واحد منهم هاز شاقور لعميم حيد من تم متدخلش فهادشي ماشي سوقك قلت ليه كيفاش ماشي سوقي راه لي داخل ولدي مع سمع ديك ولدي تما جاي تيجري بغى يزرب عليا وانا مزال معارفش هاد لمسخوط شنو داير ليهم ضربتو ليدو حيدتليه شاقور وانا نحط ليه لكريك فجبهتو طلقتو بقيت شاد شاقور بقاو مصدومين قلت ليهم نتوما كاملين تقادا ديال ولادي سيرو ديرو بحالا مواقع والو و إلا كانت لقدية فيها فلوس نعطيهالكم واحد منهم بغى يدير فيها قافز بغى يضربني وانا نعييو من وجهو بشاقور سنانو بانو بدا تيتركل جروه صحابو وتمو غادين قلت يهم يلاه يباليا شي *واد منكم تاني هنا غيرجع لدارهم فكفن بنادم مزال واقف تيتفرج قلت ليهم مال بنادم معندو خدمة يلاه تحركو لي غندو شي خدمة يمشي ليها وهوما يتشتو مبغيتش ندق تميت غادي راجع لطوموبيل تنسمع لباب تحل تنضور تيباليا عبد لحق تبدل بزااف فهاد 3 ولا 4 شهر تقريا ولات عندو لحية كبر من ديالي طا لعندي وقف قدامي قاليا بغيت ندوي معاك قلت ليه دوي هانا تنسمع قاليا ندخلو لدار وندويو شي حاجة مهمة عرفتو داير شي خصية دخلنا لديك دار متتبانش ليا شيماء سد لباب سورتو قلت ليه دوي دبا شنو درتي لهادو باينا فيهم حاقدين عليك قاليا ماشي هوما راه لي صيفطهم هو لي باغيني نموت و نتا لوحيد لي يقدر يعاوني قلت ليه قبل من هادشي كامل وقبل من واش نعاونك ولا لا فين هيا شيماء فين لبنت قاليا وسكت خليني نعاود ليك ضراتني رجلي ريحت فوق واحد لكرسي سرحتها حيث عطاتني صداع (رجلي😉) هيا هاديك .
-قلت ليه يلاه بدا تدوي
-قاليا واخا واخا سمعني مزياان أولا سمح ليا على هاد ضربة وداكشي لي درتو كنت معصب بزاف ومعقلتش على راسي دبا عرفتك شنو كنتي حابس عليا ديال لمشاكيل من نهار خرجنا من دار و انا فلمشاكيل و فلوسنا سالاو ولينا عايشين غير بالكريدي وشيماء بدات تتبيع حوايجها أنا معجبنيش لحال بديت تنقل على خدمة ولخدمة لي تنلقاها تيعطيوني شي ثمن مكافينيش هادشي علاش بديت تنقلب على شي حاجة تدخل ليا كتر وخا تكون خارج طريق
-قلت ليه كمل وزرب فالأحداث راه عندي طيارة ليوم مسافر
-لواليد غير نسى طيارة موحال واش تمشي
-علاش ؟
-كيفما قلت ليك أنا وليت تنقلب منين نجيب لفلوس وشي دراري عرفوني بواحد سيد لي عطاني لفلوس لي تنبغيها وبقيت خدام معاه ومنعرف كيفاش حتى شيماء دخلات فهادشي ولينا بزوج خدامين معاه ولكين لبارح تسرقاتو شي سلعة و ولد خوه مات وانا وشيماء كنا تما ومعرفناش شكون لي دار هادشي هادشي علاش تابعني و شيماء عندهم معرفتش شنو دارو ليها أنا مزال ممتيقش هادشي لي وقع ليا فهاد شهور لي خرجتهم من دار .
بدا تيبكي بحال شي دري صغير أصلا هو مزال دري صغير
-عنقتو وقلت ليه صافي ألخرى ها أنا معاك هادشي كامل خاصو يكون ليك درس من هنا اقدام راه مكينش شي واحد تيبغيك كتر مني انا و مريم ديرها فبالك ودبا زيد قدامي وريني فين هاد سيد نشوفو إلا قدرنا نحو هادشي بلا صداع
-قاليا واخا صبر
دخل لبيت ومخرج سلاح قلت ليه وضفاك إمتى تعلمتي ليه وهو يحيد ديك لعيبة ديال لقرطاص ورجعها قاليا غنصدمك بشي حوايج تعلمتهم وانا نحيدو ليه من يدو شحاال مشديت شي سلاح من يامات روسيا فرتكتو داك سلاح وجمعتو قدامو وحنا واقفين قاليا صافي شد نتا سلاح تعرف ليه كتر مني خرجنا طلعنا فطوموبيل غادين وتينعتلي دار وصلنا غادين بزوج داخلين وقفو علينا واحد زوج قاليا فين غادي شافو عبد لحق عرفوه يلاه غيجبد واحد فيهم سلاح جمعتو بواحد شمال ومع ضاراني رجلي وليت طايح انا وهو مجيت نوقف حتى لقيت عبد لحق شنضل ليا لأخر ضربتو برجلي لراسو زيد قدامي نتا منعرف شنو جايبني معاك شو عوقتيني من رجلي قاليا سمح ليا الواليد فكني غير من هاد لمشكل انا وشيماء شيماء الواليد عنداك تنساها ولله ما نبقى نهز عينيا فيك ولا فشي واحد هادي وتوبا قلت ليه غير زيد دبا عا لله غي ميوقع لبنت والو غيكويني باها انا ونتا مع حال لباب قاليا هاوا خونا تنضور وجهي نشوف فيه ويييع مغتيقوش شكون ناري مع دخلا تنشوف فخونا عرفتو فلبلاصة موحال واش تعقلو عليه نتوما داك خونا لي قلت ليكم كان كاري عند لحاجة وضاربنا ملي مبغاش يخرج ليها من لبيت مع شفتو عرفتو خونا متبدلش بزاف أنا مبدل بزااف معرفنيش لقيناه بارك فواحد لكرسي بحال لي تيخطب فيه لملك ودارو كيف دايرا دار لباس دبصح هدا كان كاري غير بيت عند لحاجة شوف دبا أجي بعدا لي تيكري عند لحاجة لله يرحمها تيدير لباس 😂 انا لمعطي خونا هههه حتال لخر ديال لقصة ونعطيكم لعنوان كريو تما 😂 لمهم نرجعو لقصتنا قلت لخونا سلام قاليا وعليكم سلام شكون نتا قلت ليه انا بات هاد لولد جينا ندويو معاك غير بالعقل مجابش معاك لعقل نتيجة غادي نستخدم لعنف و وريتو سلاح وهو يقوليا عجبني هاد لخيار تاني وهو يقول ديك لعيبة ديال دراري معرفناهم مـنيـن خرجـو هــازين سـلاحات بحـال شــي فـيـلـم وليت حشمان من سلاح لي شادو فيدي قلت ليه تيحسابليك غتخلعنا ب هاد زبل أنا راه جيت ندي غير مرات ولدي ونمشي دفعت عبد لحق لور بشويا تميت غادي عند خونا قال للي معاه مضربوهش وقفت حداه قلت ليه فيلم هيندي أولد ل**** فين عايش راك غير فلمغرب فين هيا لبنت قاليا تتبان واتق من راسك ولدك راه بسبابو ماتلي ولد خويا ومشاتلي سلعة قلت ليه ولد خوك ماشي هو لي قتلو و سلعتك نعوضها ليك قوليا شحال جبدت دفتر دشيكات نتصور عليه وهو يقوليا ضرب كناشك فجيبك أنا متنتعاملش بهادشي بغيتو لبنت خاصكم تديرو ليا شي حاجة فلمقابل قلت ليه بحالاش قاليا صبر نفكر شويا جبد تيليفونو وراني واحد دار فواحد درب مشهور غرفتها غير بشارع وراني تصاور ديال واحد خونا قاليا بلي عندو شي سنسلا قديمة سرقها من شي قبيلا ومخبيها فدارو ومباعهاش وبلي ديك سنسلا ساااوية ديال بصح وراني كيف دايرا قاليا نعول عليك عندك 12 ساعة مجبتوش سنسلا غنبيع لبنت فبلاصتها وأنا نشنق عليه هزيتو من لأرض شوف وخا يبانو ليك رحالك ولحزاق لكحل راه حياتي دوزتها غير مع بحالك وبحالهم وشي وحدين تتبان نتا غير خنتى قدامهم وخا نبالك هكدا متحكرنيش غندير هادشي لي بغيتي وغنجيب ليك سنسلا ولكين توقع شي حاجة لبنت أقسم بالله لي خلقني وخلق بحالك حتى نتبعك لأخر شبر فهاد لخرى كامل نزلتو تنشوف فلي معاه وتفرجو أولاد طييييط قلت ليه تفكر شنو قلت ليك نلقا شعر ناقصة نلاقيك بعزرائيل شديت لبعد لحق من يدو جريتو مشينا لطوموبيل رجعنا لدار تيقوليا راه ماشي من هنا ديك دار قلت ليه سكتنا نتا حسابك من بعد وصلنا لدار قلت ليه نزل نزلنا دخلتو لدار بقا معانق مع مريم بقى هو ويوسف تيشوفو فبعضياتهم لا سلام لا كلام قلت ليهم دراري نساو كلشي بحالا موقع والو نتوما خوت دفعتهم تعانقو غادي خارج قاليا عبد لحق نمشي معاك الواليد قلت ليه لا نتا بقى هنا إلا بغيتي تعاوني هزيت واحد لبانضة درتها فرجلي قاليا سمح ليا وعنقني بدا تيبكي تاني قلت ليه وصافي سير لبيتك كلشي سالا دبا نمشي نجيب لبنت خارج تنفكر شنو اندير تنتفكر لمعطي مشيت لدارو تندق تندق حلاتلي مراتو لباب قاليا ليا لبشير مرحبا كينا شي خبار على شيماء وعبد لحق قلت ليها من بعد واش كين راجلك قالت ليا اه دخل راه فصالون مشيت لعندو شافني تصدم شحال مدوينا قاليا نتا شنو تتدير هنا ؟ قلت ليه بحال هكدا تتدوي مع صاحبك نسيتي شنو دوزنا أجي عقلتي على أيام سريق ولخطيف دوزنا لحرب قاليا وايييه ولكين قودتيها مني جبتي داك لبرهوش واش مكيناش شي خبار عليهم قلت ليه كينا سمعني صراحة ولادنا راه خشاو كرهم فشي صداع كبيييير و بالأخص بنتك دبا عند شي ناس وهو يوقف قاليا كيفاش ؟ شيماء ؟ شكون هادو ؟ و ولدك ؟ قلت ليه وسمعني دبا ماشي وقت شرح عبد لحق رجعتو لدار و دبا غنمشيو نجيبو لدوك ناس واحد سنسلة من عند واحد خونا وغنديوها ليهم وصافي غنرجعو بنتك لدار وصافي بحالا موقع والو مبغيتش نمشي بوحدي راه بناك هاديك و توحشتك و نتا خبرة فهادشي تقدر تعاوني قاليا وخا وخا واش عندك سلاح قلت ليه عارفك نتا غيكونو عندك قاليا يلاه لخدمة عندي شي حاجة مخبيها تم تنفعنا قلت ليه وها خرجنا غادين فرونج ديالو قلت ليه صاحبي بخال يامات زمان نفس طوموبيل نفس الغرض ولكين دبا ماشي باش نديرو لباس دبا على ود دراري قاليا تعقل مني خطفنا مراتك مريم ويييع بحالا غير لبارح بدا تيفكر فيا ونهار طلع البدر علينا من ســــفــــيــــحـــاات الوداع ههههه بحالا غير لبارح قلت ليه شوف أصاحبي خلينا من دراري ومشاكيلهم راحنا عشران قبل ميتزادو وصلنا لمحال ديالو دخلنا نزلنا لغراج مشينا لواحد طوموبيل حل لكوفر هز طابية وهيا ناري وهيا سيمو 6 واش الهلاوي كنتي معول على شي حرب سيد عندو نواع وشكال بحالا داخل لشي باتيسري ديال لحلوى قاليا متعرف نحتاجهم شي نهار و هاوا جا نهار حتاجيتهم قلت ليه صرعتيها جات وقيتهم بديت تنفرتك ونقاد فيهم قدامو قاليا تيجيب ليا لله بحالا معاشر طوم كروز أنا أصاحبي قلت ليه مزال راه كبرنا كون جيتيني يامات يلاه راجع من روســــيا نوريك نهربهم ليك كاملين يلاه ماشي وقت لهضرة أصاحبي يلاه خارجين معولين على شي شي موصيبة غادين تنشوف فلمعطي راسو شايب و انا كتر منو وصلنا لداك درب تنطلق فعينيا وهيا تبالي ديك دار وريتها ليه وقفنا قدامها خبينا سـلاحات فحوايجنا وقفنا قدام لباب تندق خرجات لخدامة نعام أسيـــدي قلـــت ليهـا كيــن مول دار قالــت ليا اه كـين تنشـوف فلمـعطي راه كـين أصــاحبي وانا ندفعها دخلنا سد هو لباب جريتها لداخـل قلـت للمعـطي قلت ليه شدهـا انا غنقـلب عـلى خونـا قالـيا واخا سيد شدهـا هو تنقـلب أنـا على خونـا فلبيوت حتى لقيتو مجـبد فواحـد نامـوسية و أنـا نـضربها ليه بواحد مولاتي تصرفيقة فايق تيفدفد مسكين مدار ليا والو ولكين خاصني نبان شرير قدامو تيقوليا شكون نتا كيفاش دخلتي شنو درت ليك ربطتو بزربا فوق ديك ناموسية تنعيط على لمعطي جاب ختنى حتى هيا بركناها فواحد لقنيتا فلبيت خونا مزال مصدوم قالينا شنو باغين ؟ قلت ليه لمهم بلاما نطولو جينا على ود سنسلة وهو يقولينا أه فهمتكم صافي غير رجعو منين جيتو ولا قتلوني ...(يتبع)
#دعشوش

قصة لبشير و مها 24

#لبشير_و_مها
الجزء 24
بقيت انا و هو فدار بلاما قاد هو أمور لقهوى وحتى انا نقاد خدمتي ونلحقو عليهم هادشي لي درنا مشى هو لقهوى و انا لشركة ومعولين عشيا مني غنرجعو غنمشيو نلحقو على لواليد و لواليدة و مريم ويوسف ... لمهم عادي مشيت لشركة تنوصي بنادم و كدا مشيت ديت طومزبيل لواحد لغراج شافوها كيف دايرا وكدا حيت غنشد بيها طريق فليل هيا هاديك بركت فقهوى شويا حتى عيطولي طلعت فطوموبيل راجع لدار وقفت حدا لمقبرة دخلت حدا لقبر ديال أحلام تنشوف فيه وتندوي بحال فالأفلام أصلا تيكونو مزال فلقبر يعني يمكن تسمعني تنتفكر كاع داكشي لي داز عليا وخا مزوج و ولدت مع وحدا أخرى ولكين نعطي أي حاجة ونرجع أحلام غير دقيقة أصلا كون مكانتش هيا كون راه أنا لي تحت تراب بارك و تنتفكر سيناريو ديال حياتي مبدل بزاااف فين هسا ديك صحة و جهد كامل بحالا معمرهم كانو لوقت دازت طيارة غدا ولا بعدو يتزوجو دراري وديك ساعة نبدا نتسنى ساعة فاش نموت ولكين هانية أصلا عايش حياتي بالعرض وطول حياتي كانت مقودة راجع لدار معطل مع ديك 8 ديال ليل داخل بزربا باش يلاه نشدو طريق تيبانو ليا شراجم مسدودين هدا غيكون عبد لحق سادهم حيت غنمشيو دخلت دار كلها ضلام دخلت سديت لباب بقيت نجبد تيليفون باش نشوف شنو قدام نمشي نشعل ضو يلاه شادو فيدي محسيتش بضربة منين جاتني لرجلي فلول قلت غير شي قط مع دم سخون شويا تنحس برجلي مضروبة بشي حاجة موس ولا زيزوار معرفتش غير هيا ماضيا محسيتش بيها تنسمع تخرشيش شكون هنا تنجري لضو نشعلو ضربة تانية فكتفي مزال مفاهم والو بزز باش وصلت لضو شعلتو تنضور وجهي لقيتو عبد لحق شاد موس وتيبكي وحتى ديك بنت لمعطي شيماء واقفة قلت ليه ولدي نتا علاش ؟ شنو تتديري نتي هنا ؟ وهيا تدوي قالت ليا  مزال عندك وجه تدوي قتلتي ليه مو وباه وكل نهار تتشوفلو فوجهو بحالا مدرتي والو قلت ليها سكتي نتي مفاهما والو قلت ليه عبد لحق نتا ولدي وعارف معزتك عندي وعند ماماك وخوك أنا درت داكشي حيت باك قتل ليا مراتي لولا و ماماك غير حادث وصافي ولكين أنا ربيتك بحال ولدي وكنت باغي غير يجي وقت زوين و نقولك هادشي كامل درت بزاف ديال لأخطاء فحياتي ولكين من نهار شديتك فيديا تبدل كلشي مبقيتش شديت شي سلاح فيديا أنا عندي هانية نموت ولكين مستقبلك غيضيع هانتا قتلني وحيد لموس و هرس شرجم بحالا دخلو سراقة قلت زعما مني غنقوليه هكدا غادي يعرفني شحال تنبغيه وغادي يعنقني ويقول ليا مسامحك بحال لأفلام ولكين لا دارها دبصح وتم جاي تيجري باغي يضربني دبصح انا عندي هانية نموت ولكين مريم و يوسف لواليد ولواليدة لمن غادي نخليهم مع جاي حطيتلو واحد تصرفيقة حيدتليه لموس بغى يضربني بيدو مع لعصاب و دم سخون معقلتش عليه هزيتو لحتو فوق طابلة ديال جاج بقى طايح وخا مشاو لعضلات ولكين لعضام مزال فيهم لبنة جات ديك عشيرتو تتجري شداتو وبدات تتبكي قاليها جيبي ليا صاكي من لبيت طلعات هيا قلت ليه فين غتمشي ؟ دير عقلك راه غادي تخور أكبر تخويرة فحياتك قاليا تبارك لله عليك طلعتي ممتل مقود حياتي كاملا و أنا تنشوف فيك أب و رجل صالح طلعتي أكبر ولد **** عرفتو بقيت ساكت مقدرتش ندوي جات نوضاتو خارجين بزوج قلت ليها ونتي فين غاديا باك فخبترو وهيا تشوف فيا قالت ليا مسوقكش براهش د لمرض واقف قدام لباب طلعات هيا فوق لموطور لي واخد ليه وهو يقوليها لا خلي ليه موطورو مشاو على رجليهم تنشوف فرجلي تتباليا مفتوحة وحتى كتفي لبرهوش طالع لباه ضربتو مقودة جبدت تيليفون عيطت على مريم
-قالت ليا واش جاين
-قلت ليها لا مجايش أنا دبا فدارنا خاصكم ترجعو دبا
-قالت ليا وايلي علاش
-قلت ليها سمعي مزيان عبد لحق عرف كلشي وشنو درت لباه و مو نوضناها فدار هو ضربني ودمي فكاع لبلايص ماشي شي بلاصة خطار ولكين دم تيخرج منقدرش نمشي لصبيطار غيبغيو يعرفو شكون دار هادشي باينين ضرب ديال لموس غنتسناكم حتى ترجعو
-قالت ليا لا سير نتا هو لول بدات تتبكي
-قلت ليها مريم سمعيني مني تكونو جاين دوزي عند فرمسيان قلت ليها شنو تجيب وقولي ليهم يزربو معرفتش شحال نقدر نصبر ومتجيبوش معاكم يوسف بغيتو يبقى بعيد على هاد صداع
-قالت ليا صبر غنجيو بزربا .
قطعات شديت واحد زيف ديالها درتو لرجلي تناكت دبصح ربي و وكل و قري وصرف وفلخر هادي هيا شكرا كون غير خليت ديلمو يتحرق داك نهار تم سيناريو حياتي داز قدامي كاع بنادم لي قتلتو ولا تعديت عليه داز من قدامي قلت صافي غنموت صباع يدي ولاو باردين حتى دخلو لواليدة و لواليد و مريم و يوسف مع شافوني بارك و دار كاملا مقلوبة ودم بداو تيغوتو لواليد لي زرب عليا حطني فوق لفوطاي جاب بلاستيكة فيها داكشي لي قلت ليها تجيبو قاليا هاوا داكشي لي وصيتي عليه ؟؟ قلت ليه لواليد متنقدرش نحرك يديا دم قلال أنا غادي نوريك شنو دير وخا منعرف شنو نقولك متعيطش على لبوليس حيت غيعرفوه هو لي دارها قاليا دار فيك هادشي كامل ومزال تتفكر ليه قلت ليه سمعني أنا تنخلص ثمن ديال داكشي لي درتو شحال هادي وريتو شنو يدير حبس دم هو لول قاليا ممتيقش شنو تيوقع ليك أولدي معرفتش أنا معمري دعيت عليك وحتى ماماك نتا عندك سخط وزهر لعوج فجيناتك ويها تجي مريم حدانا مزال ممتيقاش شنو تتشوف شديتلها فيديها قلت ليها سمعيني إلا وقعاتلي شي حاجة سمحيلي بزاف حيت كنت ديما معاك وبالي مع مراتي لولا يمكن مكنتش عاطيك حقك وليت غير تنخرج وندخل فلهضرى تنوصي وتنتسامح وهيا تجي لواليدة شادا برى و سبيب فيديها قالت ليا سكتنا ماشي وقت هادشي دبا بركاتني حيداتلي لحويج لي كنت لابس بدات تتخيط ليا كاع داك صداع و لألم لي دوزتو فروسيا شحال هادي تيباليا والو قدام هادشي لي وقعلي ليوم داك لولد ربيتو وكبرتو على يدي وبيديا كنت تنبدل ليه ليكوش و تنغسل ليه ليوم ولا باغي يقتلني كملاتلي لواليدة كتفي مشات رجلي مريم دارتلي دوى و لفاصمة وحتى رحلي جابولي فوقية لبستها شربت واحد لفانيد باش نعس شويا فديك لبلاصة تيدي فيا نعاس وتنقول ليهم إلا رجع متدويوش معاه متعاملوهش خيب داني نعاس وانا تنفكر فين غيكون مشى هو ولبنت علاش ديما تيتبعوني لمشاكل حتى قلت كلشي سالا و قبل من هادشي كامل كيفاش عرف غيكون شي واحد عاود ليه شكون هاد لي من مصلحتو هادشي ؟ ديك ليلة دوزتها غير غوات وصداع د كتفي ورجلي كيفاش غيكون عرف داكشي وفين غيكون مشى فايق صباح بكري خاصني نشوف شنو ندير خارج تنعرج من لبيت ملقيتش مريم مع دخلت لكوزينة لقيتها موجدا لفطور وباركة فوق كرسي و تتبكي شديتلها من يديها مريم مالك ؟؟ قالت ليا فين غيكون مشى قلت ليها يمشي فين بغى يمشي حنا كبرناه ولا راجل يدير لي بغى دبا راه مني كنت خارج انا من دار لواليد كنت قدو بقات تتبكي حتى تنسمع دقان مشيت حليت لباب لقيتو لمعطي شافني تنعرج قاليا مالك ؟؟ قلت ليه غير خليها على لله وصافس شي دعوة هادي عرفتو غيسول على بنتو قاليا لبشير شيماء بقات عندكم لبارح ياك حيت قالت ليا غنبقى مع خالتي مريم قلت ليه دخل دخل دبا نشرح ليك قاليا شنو غتشرح ليا كلم ليا لبنت أصاحبي راه خاصني نمشي لخدمتي قلت ليه نسى عليك لخدمة دبا مغاديش يعجبكش هادشي لي غادي تسمع تصدم دخل بركنا فصالون جابت لينا مريم أتاي قاليها مالك تتبكي شاف فيا ياكما مدابزين قلت ليه لا قاليا وشنو واقع أصحبي قلت ليه سمعني شنو غادي نقولك ديجا معاود ليك مين جا عبد لحق وبلي انا لي قاتل مو وباه هادشي عاودتولك مني يلاه جبتو قاليا اه عارف فيناهيا شيماء عندكم قلت ليه خويا شيماء مع عبد لحق بيناتهم شي حاجة قاليا وراه حت أنا شاك بلي بيناتهم شي حاجة ولكين ولدك عبد لحق ضريف و نتا خويا ومنلقاش ليها بحالكم قلت ليه مزيان ملي عارف هادشي صاحبي عبد لحق عرف كلشي على باه ومو و أنا وهو يتصدم قاليا شكون قاليه وشنو دار ؟؟ وريتو ضربة لي فرجلي وكتفي قلت ليه راه ولا بحال شي مصطي سد شراجم وطفى ضوء و كان باغي يقتلني قاليا وشيماء فيناهيا قلت ليه كانت معاه أصاحبي وكانت باغا تعاونو على هادشي لي تيدير قاليا تتضحك عليا ياك قلت ليه واش وقت ضحك هدا هو خرج من دار وحتى بنتك مشات معاه معرفناهمش فين مشاو وشكون لي قاليه هادشي شكون من مصلحتو نموت أنا ويدخل دري لحبس قاليا متكونش مها قلت ليه أشمن مها أصاحبي راه مقلت ليها والو من هادشي أنا عارف شنو تندير وكنت ضارب حساب لهادشي ولكين مكانش يتخايل ليا غيدير هادشي وهو يجبد تيليفون قلت يه شنو غدير قاليا غندير داكشي لي خاصو يدار غنعيط ليه على لبوليس راه بنتي هاديك لي داها معاه شديتلو تيليفون قلت ليه واش بغيتي تزيد تعقد لأمور غيشدوه ويمكن يقول ليهم كلشي ويشدوني حتى أنا ندوز داكشي لي باقي ليا فحياتي تما وغيتعقد كلشي تاني قاليا ولمعمول قلت ليه عيط على بنتك دور فيها ترجع لدار وهو يعيط ليا تيليفونها تيصوني جاوبات تنسمعو قاليه فينك علاش مجيتيش لدار قالت ليه مغنقدرش نرجع لدار قاليها علاش قالت ليه راني مع عبد لحق راه هو لولد لي باغا نكمل معاه حياتي و منقدرش نخليه بحدو وقطعات ، وها كان ناوي يقتلني و داكشي كامل تيبقى ولدي وعجبني نسمع بنت تتقول عليه هكدا قاليا لمعطي شنو غنديرو دبا ؟ قلت ليه سمعتي بنتك ياك وعبد لحق مزال شاعل خليهم حتى يديرو عقلهم بوحدهم شحال جهدهم ميصبرو لوقت راه مقودة غير وصي مراتك متعطيوهمش درهم دبا يرجعو بوحدهم قاليا هانا تابع كلامك جبدت تيليفوني عيطت على دري لي مقابل لقهوى قلت ليه إلا جا عبد لحق لتما متخليه ياخد والو وصيتهم نشوفو شنو غيدير لبست حوايجي خديت واحد لعكاز يعاوني مشيت عند واحد طبيب عاد راجع لدار لقيت يوسف يلاه غيدخل من لصال عنقني قلت ليه مالك واش تلاقيتي ب خوك قاليا متبقاش تقول عليه خويا غادي يعاود يقرب منك أنا لي غنقتلو قلت ليه يلاه ندخلو وندويو خاصني نعاود ليك دخلنا صيفطتو لكراج لديك سدة جاب صورة ديال لواليدة ولواليد ديال عبد لحق مسحها جابها بركنا فصالون شديتها فيديا بحالا غير لبارح قلت ليه ليوم غنعاود ليك كلشي باك منين دار هاد لفلوس ومنين جا عبد لحق قاليا وخا بديت تنعاود ليه من لول قاليا لواليد عارفك دوزتي حياتك كلها عداب ومشاكيل كلشي تيخطأ ونتا كون مدرتيش داكشي داك نهار كون باه لي قتلك ومكين لا انا لا والو و تخايل جدي وجدة كيفاش غتكون حالتهم و كلشي هادشي لي طرى مكتاب حتى واحد معندو لحق يعاقبك على شي حاجة كيفما قلت ليك يعاود يقرب ليك غيلقاني انا ماشي نتا قلت ليه هادشي علاش تنعاود ليك من صباح أنا بغيتك بعيد على هاد صداع كامل عيش حياتك طبيعية قرى ودير حياة عادية قاليا ولكين ... قلت ليه مكين لا ولكين لا والو وخا تشوفني غنموت قدامك متدخلش ناض مشى لبيتو بقيت بارك شويا وهو يجي لواليد و لواليدة كانو فدارهم بركو حدايا بقينا داوين شويا طلعت لبيت نعس شويا لقيت مريم تتدوي فتيليفون شافتني وهيا تقطع قلت ليها معامن كنتي تتدوي قالت ليا حتى واحد خديتلها تيليفون نشوف شكون هاد تا واحد لقيتها نمرة عبد لحق قلت ليها علاش تتكدبي قالت ليا لبشير راه تيبقى ولدنا وخا هادشي كامل نسيتي شحال ربينا وكبرنا راه غير صدمة لي خلاتو يدير هكداك قلت ليها بركي بركي بركنا قلت ليها عارف هادشي كامل ولدك ولا ولدنا راه عيشناه بطريقة مزيانة كتر من لقياس دبا تيحساب ليه دنيا زوينة وكلشي ساهل وغادي يعتقو شي واحد خليه دبا يجرب دبا يرجع غير بوحدو تيقي فيا ومتبقايش تدوي معاه قالت ليا واخا لي باليك قلت ليها فين هو دبا ؟ قالت ليا بلي كاري فشي دار هو وشيماء عندها شي فلوس وتيقلب على شي خدمة قلت ليها دبا يساليولها فلوسها وترجع ويرجع يطلب سماحة ونفكر فهادشي كامل دبا تشوفي قالت ليا نتا لي تعرف قلت ليها يلاه خليني نعس شويا داني نعاس مفايق حتال لعشيا جاو شي عشراني من شركة يشوفوني كيف بقيت لغد ليه مشيت لخدمة مزال تنعرج ضربة أتراتلي على رجلي بزاف غير معاون بلعكاز هيا هاديك كملنا حياتنا بعد هادشي يوسف تيقرى انا تنمشي لخدمتي مريم تتقوليا بلي متتدويش مع عبد لحق وخا انا عارفها تتدوي معاه مبغيتش نحكر عليها لمعطي مبقاتش علاقتنا كيف كانت فلول بسباب داكشي لي دارو عبد لحق لواليد و لواليدة مشاو للحج وخا مبغاوش يمشيو ولكين بقيت معاهم حتى مشاو بديت تندير ترويض لرجلي مبغيتش نبقى نعرج بيها وخا هادشي كامل بسباب عبد لحق ولكين توحشتو كان معمر عليا دار مزال تنتسنى نهار لي يرجع لدار كانت دازت شي شهرين باش خرج مصبرتش كان خاصني نعرفو كيف داير عيطت على مريم بركنا فصالون قلت ليها فين شاكن عبد لحق قالت ليا ولله ما عارفا راه من داك نهار لي وصيتيني مبقيناش دوينا قلت ليها مريم بلاما تبداي تمتلي عليا راه تنسمعك تتدوي معاه وعارفك تتمشي لعندو وتتدي ليه فلوس واش تيحسابليك أنا مكلخ نتي لي كنتي تتعاونيه هاد لمدة كاملا وصافي أصلا تيبقى ولدك وفاهم دبا قولي ليا فين ساكن قالت ليا واخا يلاه نمشيو بزوج ولكين منبانوش ليه حيت حلفني منقول لحتى واحد فين هوما قلت ليها يلاه غير زيدي قدامي لبسنا وخرجنا غادين فطاكسي حيت هو عارف طوموبيل لي عندي ...(يتبع)
#دعشوش

قصة لبشير و مها 23

#لبشير_و_مها
الجزء 23
مشيت معاها جمعات حوايجها من ديك دار ديناها معانا وريتها بيت تبقى فيه دخلات معاها عبد لحق مشيت انا لبيتي بارك تنقلب فلماريو حتى لقيت صورة ديال باه و مو لحقيقين نزلت لكراج درتها فسدة فواحد صندوق غيجي واحد نهار وغادي يبغي يشوفهم لابدة لمهم رجعت لقيتها واقفة فلكوزينة ودايراه فظهرها أول مرة تركبو شي وحدا قلت ليها أري نشدو ليك شديتو بقينا داوين تنعاود ليها على شنو ناوي ندير من بعد قلت ليها ونتي ؟ قالت ليا بغيت نجمع شويا د لفلوس نخرج من المغرب قلت ليها علاش قالت ليا صراحة طلعلي فراسي حالفا منبقى فيه لبنت موحال واش تبغي تزوج ويييع على زهر قلت ليها واقيلا نقدر نعاونك قالت ليا معمري ننسى ليك خيرك قلت ليها صبري جبدت تيليفون عيطت على داك شيباني روسي تندوي معاه بروسية ختنى بقات غير تتبحلق فعينيها قلت ليه بلي باغيك تخرج واحد لبنت من لمغرب ولازمها وراق وكدا قاليا مرحبا قلت ليها أشمن بلاد و شنو سميتك بعدا 😂 قالت ليا أمريكا وسميتي ديجا قلتها ليك شحاااا هادي معقلتيش يمكن سميتي مريم قلت ليه أمريكا لمهم نعول عليك دبا نصيفط ليك دوك لمعلومات ديالها ف لإمايل قاليا صافي درت تيلي فجيبي قالت ليا واش غيعاوني قلت ليها أه حسبي وراقيك فجيبك ليوم ولا غدا تاخديهم هاد سيد راه واصل قالت ليا شكرا بزاااف معرفتش كيفاش نقدر نرجع ليك خيرك قلت ليها وايلي مبيناتناش قالت ليا و شكون غيبقى مقابل معاك لولد قلت ليها بوحدي و حتى لواليدة تتجي مرة مرة تتطل علينا بقينا داوين شويا تنسمع دقان خرجت نحل لباب مع حليتو تتباليا مها قلت ليها شنو تتديري هنا ياك دوينا قالت ليا بشير ولله حتى هداك غير صديق عادي قلت ليها مها شوفي حنا أصدقاء وصافي معمرنا غتكون بيناتنا شي حاجة أصلا ممكتابينش لبعضياتنا حتاجيتي شي حاجة مرحبا فلوس أي حاجة ولكين باش تكون شي حاجة أخرى غير حيديها من بالك يلاه حيدي سديت عليها لباب دخلت لعند ختنى قالت ليا شكون هاديك بديت تنعاود ليها بلانها تاني من لول صافي عطيت داكشي ديالها لشيباني انا صافي حيدتها من بالي زعما فكرة تكون معاها شي حاجة مستقبلا وراقيها تيقادهم خونا بقات معايا فدار مقابلا عبد لحق ختنى خبرة مع لولاد هيا ي مكبرى خوتها صغار  تنخرجو فلعشيا تنسركلو وكدا جات لواليدة شافتها عرفتهم على بعضياتهم عجباتها وكدا أصلا بنت ضريفة ولأخلاق غير معندها زهر فهاد لبلاد من لأحسن تخرج تشوف فشي بلاصة أخرى صافي تقادو وراقيها بقيت مخبيهم عليها حتى دوزات سيمانة معانا نهار تنين تنفطرو وانا نجبدهم ليها وراق طيارة وكلشي قلت ليها طيارتك غتقلع عشيا يلاه تجمعي حويجك و درتليك كونط حطيتلك واحد الفين دولار حسبيها خلاصك على هاد سيمانة تستاهليها وغتحتاجيها و نمرتي راه عندك إلا حتاجيتيني عيطيلي ف أي وقت و أي بلاصة ختنى بقات مصدومة وهيا تشد دوك لوراق مشات لعند لفران شعلاتو وحاطتهم فوقو وضفاك تنجري حيدتهم
-انا :علاش ؟
-قالت ليا مبقيتش باغا نمشي
-قلت ليها ياك كان لحلم ديالك تخرجي من هنا
-قالت ليا هانتا قلتيها "كان" دبا أنا مبقيتش باغا نمشي ومكرهتش نبقى معاكم هنا إلا وافقتي
-قلت ليها واش حمقة بقاي شحال ما بغيتي راه ولفناك
-قالت ليا شكون نتوما
-عبد لحق و انا وحتى لواليدة دخلتيلها لخاطرها نهار ومطال وهيا تتوصي عليك
-لبشير شوف نتا عارف علاش جبتيني وحتى انا مكين علاش تبقى تمتل فاهماك بلي خاصك مرى لي تعاونك فتربية ولدك ومتقولش ليا مربية حيت شحال جهدها ولا جهدي منصبر دبا بغينا ندويو بلا حشمة نتفاهمو على طبيعة لعلاقة لي غتكون بيناتنا مستقبلا ...
-ختنى لخصاتلي كاع داكشي لي كنت حشمان نقولولها قلت ليها مريم كيفما قلتي نتي عارفاني علاش جايبك على ود لولد لي محتاج أم و أب انا منقدرش نلعبهم بزوج كنت غادي نتزوج بديك خيتي ولكين فداك نهار نزلتي عليا من حيت لا أدري لله حطك قدامي وبين ليا حقيقتها فنفس نهار هادشي ميمكنش يكون غير صدفة ملخر فيا لي يجيب خدامة ولا مربية أنا بغيتك أم لولدي وكدا
وهيا تحشم قالت ليا وقولها من لول علاش هاد لخرى كامل جيني نيشان قلت ليها وهانا جيتك نيشان دبا إلا وافقتي عليا راك تشوفي وعارفة كلشي عليا وعاد انا مزال منسيتش أحلام قالت ليا مزيان ملي منسيتيهاش راه هادشي تيوريني بلي نتا هو علاش تنقلب قلت ليها ونزيدك منقدرش ندير عرس راه مجاتش ماشي مدة كبيرة باش ماتت إلا عجبك هادشي نقولها لواليدة و نحاول نتكاتبو ف أقرب وقت قات ليا موافقة صافي بزربا جاوباتني ختنى ضريفة دبصح باغا لي يسترها جبدت تيليفون قلتها لواليدة وقلت ليها ها حنا غنجيو لعندك لدار هادشي لي درنا دوزنا ديك لعشيا عند لواليد و لواليدة ورجعنا فليل لدار ممسيتهاش دوزنا واحد ليوماين تكاتبنا درنا واحد لحفلة صغيرة انا و هيا ولواليدة و لواليد جدي جدة لمعطي مراتو وديك صاحبتها لي كانت كاريا معاها صافي مشاو هاد لمرة خوكم عندو خبرة ف ليلة دخلة وداكشي هاد لمرة مهرستش ناموسية تاني ههههه لمهم بلاما نطول عليكم لمهم دوزنا واحد سيمانة تسركيل هاد لمرة مطلقتش ليها من يديها لي قرصو لحنش يولي خاف من لحبل رجعنا لدار لمهم مريم دارت بلاصتها بزربا هادشي كامل مفخبار باها والو منو لمهم نهار تابع نهار كلشي تقاد تاني عبد لحق تيكبر نهار على نهار بدا تحبو شويا تيوقف شويا تيمشي ولا تيجري نهار كامل تابعينو متيبركش شعير زعر لوين بيضة ومنقية دخل لروض دري صافي تنبغيه بحالا ولدي دبصح شي حاجة فشكل دري تيدخل لخاطر لواليدة تتديه لعندهم كل سبت متنرجعو لدار حتال تنين لوقت دايز طايرة حيت زوين حياتي قاديتها ولكين عارف لابدة يجي شي نهار يرجعو لمشاكيل عارف زهري مكوز حتال واحد نهار تتقوليا مريم بلي حاملا غيتزاد ولد ولا بنت نزيدوه على عبد لحق مريم بدات كرشها تتبان عبد لحق بدا تيفهم وتيكبر مريم لقينا عندها ولد انا كنت باغي بنت فصراحة مي هانية دوك شهور دازو طايرين معقلتش عليهم مع تنبقاو نهار كامل باركين تنحسبو وتنشريو لحوايج وتنقادولو فبيت وصل شهرها وليت غير بارك فدار ومقابلها ومقابل حتى عبد لحق لواليدة جات لعندنا هيا وجدة لابدة منهم حتال واحد ليلة ناعسين وعبد لحق بيناتنا وهيا تفيقني قلت ليها مالك ؟ قالت ليا لوجع يمكن غنولد بقيت نوقفها قالت ليا منقدرش مشيت عند جدة و لواليدة فيقتهم قالت ليا لواليدة خاصنا نديوها لصبيطار هزيتها لطوموبيل أصلا هو غير قريب مشينا دخلوها بزربا بقيت بارك مع عبد لحق و لواليدة و لواليد جا حتى هو و جدة حتى تنسمعو صوت بكى د دري صغير وهو يشوف فيا لواليد قاليا مبروك أولدي قلت ليه وايلي واش صافي ولدات خرج طبيب هازو قاليا مبروك عزري تبارك لله منور لواليدة باركة عليا شوف شوف لودنين غير نتا سبحان لله من نيتك الواليدة راه مزال مغيبانش شبه دبا قاليا لواليد أذن ليه فودنو هادشي لي درتو قاليا شنو غتسميه قلت ليه يوسف دوزنا ديك ليلة تما مريم مرجعناها معانا حتال لغد ليه مع ديك 12 دصباح داز كلشي مزيان عبد لحق ولا حاقد على لوضعية مغيبقاش عزيز وغالي كيف لول دبا جا لي يتقاسم معاه هادشي رجعنا لدار راكم عارفين ديك سيمانة كيفاش تتدوز غير واقف على رجليا من جماعة ل كوري جبنا حولي دبحنا ليه سميناه يوسف دازت واحد زوج سيمانات مشى كلشي بقيت أنا و مريم و عبد لحق و يوسف زوج ولاد دبا كبرات لمسؤولية ولات دار ديما مرونا عبد لحق خاصو غير معامن غير شاعل وتيبكي باليه لجو تبدل لوقت مبقاتش فيها لبركة دايزا طيارة دراري تيكبرو وليت تنمشي بزااف لديك شركة لي داخل فيها حطيت شي صريفة أخرى دراري بداو تيطبرو تيقراو عبد لحق بدا تيشوف راسو مبدل على دراري لأخرين تيقوليا علاش أنا ماشي بحالهم دري تيشوف راسو زعر بحال وبيض من لبنات مبغيتش نقول ليه بلي غير مربينو دبا و طبعا مغاديش نقوليه بلي أنا لي قتلتليه ماماه وباه لحقيقين حيت وخا منعرف شحال يكون تيبغيني مني غيسمع شي حاجة بحال هاديك غيحقد عليا غي لله يستر وصافي دراري تيكبرو بزربا لمعطي خدا فيلا حدانا فداك لمشروع تحول ليها ، مات جدي جبنا جدة لعندنا لدار لوالبدة تتجي ديما لعندنا كل نهار اه نسيت مقلتش ليكم لمعطي تزادت عندو بنت قبل ميتزاد عندي يوسف سماها شيماء تتمشي مع دراري لنفس روض غيكبرو قد قد غير عبد لحق كبر منهم بشي علم تقريبا لمهم لوقت دايزا طيارة جدة لي جبناها عندنا باش نونسوها بعد ما مات جدي لحقات عليه بعد عام محد لوقت غادي وبنادم تيطيح من بعدها لحاجة لي كنت بقيت عندها داك صيف وليت غير تنتسنى شكون غيموت لدرجة وليت خايف على لوليدة ولواليد جبتهم لعندي لدار يسكنو معانا مبغاوش فلول ولكين بززت عليهم كبرو وخاص لي يقابلهم هنا ولات حياتنا روتينية تاني لخدمة دار نعاس ضحك و داكشي ودراري لي تيكبرو متنتفرقش مع لمعطي نهار ومطال يا إما فدارو ولا فداري وحتى لولاد وبنتهم وليت شاك فيهم تيديرو threesome مع بعضياتهم ههههه تحياتي لأي واحد فهمها طيارة ولي مفهمهاش بلاما تقلب عليها مقادش على دنوب انا ، مريم لله يعمرها دار مسكينة باغا غير تعيش وتضحك مهامها لا بفلوس لا بخدمة لا واو تنتفكر بلي بعد شي عامين ملي تولد يوسف حملات تاني وحتى بقاتليها شي شهرين باش تولد عندها بنت هاد لمرة جا باها وشي وحدين قالك باغي يديها وكدا شحال من عام داز وحنا مزوجين و عندنا ولد عاد جا باغي يديها نوضناها وكلتهم لعصى منعرف كيفاش دخلات بيناتنا دفعها شي واحد تتباليا طايحة جعروني معمري ضربت شي واحد بحال هكداك مشاو كاملين مستعجلات وخا قطعت لونطريما هادي شحال ولكين باقي لموطوح حار بسباب داكشي لي درتو دخلوني لحبس مريم خسر ليها داكشي لي فكرشها دخلو باها ودوك لي معاه حتى هوما ضربوني أنا بعام وباها شي 3 سنين عندو شي وسخ دخلت لحبس مخليت مدرت عطيت فلوس ووليت ضريف خرجوني قبل منكمل عام غير شي 7 شهر ولكين خارج واحد أخر تاني  لمهم دراري ولادي لقيتهم كبرو تاني تبدو بعد ديك 7 شهر بزااف صافي مريم صعيب تولو تاني قلت ليها لله يجعل لبركة زوج دراري صافي يلاه نقدو نربيوهم هبد لحق و يوسف من صغرهم مربيهم رجال مكين غير لقص ولصال ولعصى طبعا عبد لحق عملاق من صغرو لجينيات ديال روسين خارج لباه تيشبه ليه فوجهو فتصرفاتو فوطوكوبي حتى يوسف تبارك لله دراري طالعين فسرين مشات وقيتا دراري كبرو عبد لحق 17 يوسف 16 تيقراو فنفس القسم حيت عبدو سقط مكلخ ديلمو يوسف لا قراي هو لي تيصوفيه مزال مقلتش لعبد لحق بلي حنا غير مربينو حيت باينا عليه ماشي مغربي فينما تيسولني تنقلب لموضوع ولا تندير براسي مريض موصي كلشي ميقولو ليه والو بديت تنقول ليه تدريجيا بشويا بشويا حيت بدا تيفهم وتيشوف وراقيه تيلقا راسو روسي قلنا ليه بلي غير مربينو بقى مصدوم مكلاش واحد ليوماين غير بزز وتبدل فكلشي هدا إلا عرف بلي انا لي قاتل مو وباه شنو غيدير ، خرج من لمدرسة مبغاش يكمل عييت معاه درت ليه واحد لقهوى فواحد لبلاصة قريبة يخدم فيها جقرني على موطور خديتو ليه لقيتو مصاحب مع شيماء بنت لمعطي هههه مبغيتش نقولها لباها غيتقلق أنا عارفو حتى هوما ممبينين لحتى واحد هادشي أنا شفتهم غير بصدفة بانو ليا غادين بداك لموطور وقفو فواحد جردة و شادين فيدين بعضياتهم وتيدوي معاها ويييع مكبر عنيبة فداري ،يوسف لا ليسي دار لصال دراري بزوج تبارك لله تيفكروني براسي يوسف جاب لباك بشي 14 دري غيكون عندو مستقبل مقود داكشي لي مدرتوش انا غيديرو هو داك زبل ديال عبدو خارج من جنب مقابل بنت لمعطي غيعرف هادشي غينكحو من ودنو لازمني نقولها ليه أنا قبل ميعرفها بوحدو ، طبعا معمري نسيت أحلام مرة مرة تنمشي لقبرها تندعي معاها برحمة فينما تنشوف فشي حيط تتباليا واقفة قدامي وشادا شيتة وتتصبغ بحالا غير لبارح لوقت دايزا تتجري كون بقات هيا فحياتي بديك لعقلية منعرف كيفاش كنت غنكون دبا وصل صيف مشات مريم ويوسف و لواليد ولواليدة لفيرما ف دكالة بقيت انا و عبد لحق بلاما شاف هو لي يقابل ليه لقهوى وحتى انا نقاد شغلي ونمشيو حتى حنا لحقو عليهم هادي فكرتي اننا نبقاو ونلحقو عليهم مكنتش عارف بلي غادي ندم على هاد لفكرة لبقية حياتي ...(يتبع)
#دعشوش

قصة لبشير و مها 22

#لبشير_و_مها
الجزء 22
قررت نتزوج ب مها حيت هيا لي تتباليا و حتى لولد تيبغيها دري تيكبر و لواليد و لواليدة غيتحولو لدار لواليد بغاو يعيشو بزوجهم زواج وداكشي أنا فاهمهم علاش بغاو يمشيو وهوما باركين طالقينها عليا قالت ولدي غنمشيو باش منضيقوش عليك لمهم تحنسيرة دبصح دري خاصو لي يبدل ليه ليكوش خاصو لي يعومو انا معنديش مع هادشي و يديا ماشي ديال هادشي يديا ديال لقتيل لبني شي حاجة حرشة لمهم تنتسنى غير وقيت نزعم ونقول ليها واش تبغي تزوجي بيا وخا معمري نسالها داطشي لي دارتو فلول مي ل لضرورة أحكام لمهم مبغيتش نزرب لديك درجة بديت تنمشي لديك شركة لإيرانية عندهم فرع فكازا تنمشي نشوف شنو تيديرو حاط رزقي تما تندي معايا عبد لحق لبرهوش حل عينيه ولا تيغوت بزربا ولكين طياح من صغرو لي تندوزو من حداها تتبقى تشوف فينا راه قلت ليكم لأب لعازب تيطيحو فيه تيتيز واحد نهار تندوي مع مها وهيا تجبد لموضوع ديال واض مناويش تزوج وكدا تجيب لي تعاونك فتربية عبد لحق قلت ليها اه تنفكر راه كنت باغي ندوي معاك تنساين غير لفرصة قالت ليا و دوي مرحبا قلت ليها شوفي أبنت ناس راك عارفة كلشي ياك انا معمري نسالك داكشي لي درتي و معمري ننسى أحلام قلت نصارحك بهادشي قالت ليا عادي دبا تنساها مع لوقت أجي بعدا واش تتقوليا نرجعو مع بعضياتنا بطريقة أخرى ؟ قلت ليها بحال داكشي أنا متنقولش ليك نتصاحبو حنا كبرنا على داكشي انا بغيت لي تربي معايا هاد لولد و تزيدو شي خو ولا أخت ويييع ختنى بدات تتبكي قالت ليا ممتيقاش و أخيرا صافي خاصنا نتلاقاو ندويو نيشان فين ؟ فين ؟ نعتاتلي واحد لقهوى فلمعاريف واحد لبلاصة فكازا لمهم شديت دري لبستو لبسة حوايجي درتو فكروصتو طلعتو لطوموبيلا مشينا لتما بكرييي قبل من لوقت بشي ساعة خوكم باغي يضرب لحديد محدو سخون 😂 نزلتو تمينا غادين تنضورو شويا انا وهو وتنفكر واش مزيان نتزوج بهاد زربا و أنا مزال ممتيقش بعدا واش أحلام دبصح ماتت وغندخل وحدا أخرى لداري فشكل معرفتش غادي حتى تنحس بشي واحد عنقني شادني من ظهري غندور غنبدا نضرب تيبانو ليا يدين ديال بنت تنشوف فيها ويييع ديك لبنت لي خطفناها داك نهار عنقتها ختنى فرحانا حيت شافتني قلت ليها شنو تتديري فكازا ؟ قالت ليا قصة طويييلة شحال مشفتك تبدلتي بزاااف قلت ليها حتى نتي زيانيتي ألعفريتة مشات معايا لواحد لقهوى أخرى بركنا فواحد طابلة فجنب قالت ليا تبدا نتا ولا نبدا أنا قلت ليها خليني نبدا أنا محتاج نعاود لشي حد قالت ليا بدا بديت تنعاود ليها على مشكلتي مع روسي و بلي قتل أحلام وكدا وانا تبعتو و قتلتو وحتى مراتو وهدا ولدو مخبيتش عليها شي حاجة حيت ديجا خاطفها مني كنت خدام مع لمعطي قالت ليا تيحستبلي غير زهري لي مكوز ساعة حتى نتا بحالي قلت ليها عاوديلي نتي دبا نسمع قالت ليا سمعني نبدا ليك من نهار لي طلقتوني فيه لمهم عرفت علاش بابا خلص عليا داك نهار 400 مليون قلت ليها علاش ؟؟ قالت ليا جدة كاتبا ليا واحد لأرض ف شي بلاصة ديك لأرض كبيرة وحدا لبحر و ضارو بيها لمشاريع وباغين يعمروها بشي حاجة هادشي علاش كان محتاجني نكتبها ليه قلت ليها كتبتيهالو ؟؟ قالت ليا اه مقاداش على صداع وفداك من داك نهار خرجت من دار وجيت لهنا قلبت عليكم والو ونمرة تيلي ديالك بدلتيها يمكن قلت ليها اه شحال من مرة وشنو تتديري دبا مع سولتها تنشوف وراها تتباليا مها داخلا لقهوى لي باركين فيها وحتى هيا باركة مع واحد خونا فواحد لكوان ورا لبنت مشافتنيش وضفاك بقيت غير تنشوف فخونا متنعرفوش ؟ مبغيتش نفرش لقدية مع هاد لبنت قلت ليها اه كملي ليا شنو تتديري دبا قالت ليا والو جيت لهنا ملقيتش شي خدمة دبصح من غير واحد لوزين ديال لخيط قريب هنا وتنسكن مع واحد صاحبتي كارين بزوج غي هنا وراه كنت خارجة دبا نجيب ما ناكلو حتى شفتك ، تتباليا مها وقفات وحتى خونا خرجو تفارقات معاه عند لباب مع مشى هو وهيا تمشي تتجري لقهوى فين كنا دايرين ههههه بنت لعبد باغا تضرب هنا وهنا تديرني ولا خونا إحتياطي تاني قلت لديك لبنت تقدري تبقاي باركة شويا غنخرج ونرجع خلي عبد لحق معاك انا راجع خرجت مشيت لديك لقهوى دخلت بركنا وهو يدخل سرباي فلبلاصة قاليا شتشربو قلت ليه انا والو غادي نخرج دبا وهيا تقوليهوسير اخويا حتال شويا شافت فيا مالك ؟ قلت ليها سمعيني وحلي ودنيك مزيااان أنا شفتك قبيلا غتعاودي تضوري بديلمي غادي نخطف ^املبوك صوت وصورة قالت ليا كيفاش لا راه غي بحال خويا قلت ليها وحتى انا ديريني بحال خوك يلاه حيدي تبعيني نوريك بشير أخر خرجت لديك لقهوى لقيت ختنى شادا عبد لحق تتلعب معاه تيضحك أصلا ختنى زوينة تتدخل لخاطر بزربا هادي هيا لي تصلاح ليا بقيت واقف بعيد شويا جبدت تيليفون صورتهم عاد مشيت عندهم بركنا قلت ليها قلتي ليا خدامة فشي معمل د لخيط وكاريا مع صاحبتك قالت ليا أه ! قلت ليها مزيان مزيان أنا كين وتمشي تكري وتسخسخي على زوج دريال دبا غنمشيو تمجعي حويجك عدي فيلا يجريو فيها لحمير قالت ليا لله يحفظك ولكين باشمن صفة نمشي معاك صراحة انا فنيتي تكون شي حاجة بيناتنا حيت لله لي حطها قدامي بعد هاد شهور و لمشاكيل كاملين هادي إشارة ليا ولكين مجاتش نزرب عليها قلت ليها لي بغيتي عرفتي شنو يلاه غير قابليلي عبد لحق قالت ليا اوا صافي مرحبا كنت تنقلب على خدمة أخرى هاهيا جات حتال عندي ... يتبع
#دعشوش

قصة لبشير و مها 21

#لبشير_و_مها
الجزء 21
قاليا صافي كون هاني انا غنتكلف ومرحبا ف أي وقت قلت ليه سمعني راه مغاديش نرجع لخدمة ميمشيش بالك بعيد انا غنقتل أخر مرة فحياتي قاليا وخا وخا قطعت طلعت فطوموبيل رجعنا لدار دخلت لبيتي تنجمع فوراقيا و صاكي من لبيت مقادرش نبقى فيه بزربا خارج قات ليا لواليدة ولدي فين غادي ؟ قلت ليها لواليدة غادي نقاد شي خدمة قالت ليا غادي تقلب عليه ياك وانا نعنقها قلت ليها لواليدة مغاديش نكمل حياتي عادي و انا عارفو مزال عايش بلاما تحبسيني وهيا تقوليا لا سير أولدي معمري سمعت بشي مرى تتصيفط ولدها لفين يقدر يموت ولكين انا والدة راجل وعارفاك غترجع أحلام راه كانت بنتي و مرات ولدي معمرك تلقا بحالها ولكين قبل خاصك تبقى لكنازة شنو غيقولو عائلتها علينا قلت ليها قولي ليهم لي كين ولدي مشا يجيبلها حقها بستلها راسها انا خارج ولواليد داخل قلت ليه لواليد محتاجك حدا لوليدة و عائلة أحلام وسمح ليا إلا عاملتك شي نهار خيب ولكين انا ليوم نسيت كاع داكشي لي وقع عنقتو قاليا فين غادي ؟ قلت ليه دبا تقولك لواليدة خرجت بزربا هزيت لموطور مشيت لعند لمعطي لدارو مبغيتش ندخل عيطتو نزل عندي قاليا لبركة فراسك وصلو لخبار قلت ليه ممشى معاك باس جيت نوصيك على دارنا إلا وقعاتلي شي حاجة و وريتو كاع فلوسي فين محطوطين خليت ليه لموطور فدارو وصلني لمطار من تما قطعت وبقيت بارك واحد ساعتين و انا تنفكر شنو ندير حتى جات طيارة طلعنا حطيت راسي على لكرسي بدا تيديني نعاس ياربي نكون غير تنحلم هادشي كامل حتى تتفيقني واحد لبنت قالت ليا وصلتي بروسية وقفت نزلت مشيت خديت صاكي عيطت على روسي شيباني جا داني لدارو مدويتش طريق كاملا مبقاش عندي لخاطر ندوي مع شي واحد دخلنا لقصر ديالو قاليا طلع لبيتك قلت ليه لا مجايش نسكن انا جاي نلقا خونا ونقتلو قاليا فخبارك إلا قتلتيه غتدير معايا واحد لخير كبير قلت ليه حسبو مات حيت مغنرتاح حتى نقتو قاليا واخا منين بغيتينا نبداو نقلبو قلت ليه كيفما عندك وراق فيهم معلوماتي ولي خداهم وبسبابك تقريبا لقانا لمهم بغيت لملف دياو لابدة يكون عندو قاليا اه ولكين لملفات بزااف وخونا قديم هنا قلت ليه معندي ميدار انا فين هوما تمينا غادين وصلنا لواحد لبيت وهو يحل لباب تيبانو ليا مستفين شادين نص ديال لبيت قاليا خود راحتك و تنتأسف عى داكشي لي وقع لمراتك مرة أخرى قلت ليه هانية مشى هو دخت وسديت لباب عليا بديت تنشوف واحد بواحد ضرني راسي وانا نسمع دقان حليت لقيتها ديك لبنت روسية لي كانت معانا فلول عنقاتني قات ليا توحشتك قلت ليها مزيان تقدري تعاونيني تنقلب على لملف ديال داك خونا قالت ليا واخا مرحبا بدات تتقلب وبقات تتدوي انا مشغول غير تنقلب حتى قالت ليا هاوا هو هدا لقيتو تنجري هيا صورتو هادي ملي كان مزال صغير بركت فالأرض حطيت دوك لوراق قدامي تنشوف فيهم دايرين فين كان تيقرى وخرج و مني خدم مع لعسكر ديال روسيا و مني بدا تيتريني شي رياضة كلشي كين درت دوك لوراق فجيبي دخت لبيت لي فيه سلاحات هزيت واحد لموس ضربتو فسروال وسلاح قلت لشيباني انا غنمشي نقلب عليه قاليا علمني باش ما كان مكينش لي يدوي معاك غير قضي لغرض وعطاني سوارتو ديال شي طوموبيل نزلت لغراج طوموبيل كبيرة خارج بيها مشيت بعدا لعنوان ديال لمدرسة لي كان تيقرى فيها ملقيت والو ومن تما مشيت لفين كان تيتريني بنادم معارف عليه واو مخليتش شي واحد مسولتوش حتى خارج من تما واقف قدام لباب وهو يجي عندي واحد خونا قاليا تتقلب عليه محتاجو قلت ليه اه قاليا نقدر نعاونك ولكين راك عارف نقدر ننسى درت يدي فبزطامي وعطيتو كاع داكشي لي فيه دوي ؟ قاليا تنعرف هاد سيد متيقول لحتى واحد فين تيمشي بحال شي شبح ولكين انا كنت مصاحب مع ختو وعارفها فين تتسكن قلت ليه يلاه وريني فين وهو يقوليا أااه مشكلة نسيتها شفتي قلت ليك داكرتي ضعيفة قلت ليه وراه عطيتك كاع لي عندي وهو يقوليا إوا حيد من هنا دفعني وانا نحط ليه واحد مولاتي مسمنة فحنكو ومع لحمو بيض و لبرد بقات مرسومة ليه فوجهو يدي طايح جبدت سلاح قلت ليه طلع طوموبيل قاليا صافي صافي غير تنضحك معاك مالك قلبتيها دبصح قلت ليه طلع متنضحكش معاك وهو يطلع وسد لباب طلعت انا قلت ليه وريني فين بدا تينعتها ليا دار لخوادرية ديال داك خونا وباغي يهرب وتيطلب وصلنا قاليا هيا هادي بغى ينزل غيولي مشوهني مع ضور وجهو حطيتليه سلاح فراسو غيب سديت طوموبيل سورتها عليه وغادي لدار ختنى خوها هو غيكون معاها وقفت قدام دار تندق وهيا تخرج واحد خيتي قالت ليا سلام سلام شكون نتا قلت ليها كنت خدام مع خوك وصاحبي و بغيت نسول عليه قالت ليا مرحبا دخل دخلت لمراح مبغيتش نخدم معاها لعنف من لول قلت ليها بغيت نمرتو نعيط ليه قالت ليا شكون نتا قلت ليها قلت ليك كنت خدام مع خوك قالت ليا إوا كيفاش معرفتيش بلي خويا ماشي من نوع لي تيدير تيليفون فجييو وديما تيبدل بلاصة فين ساكن قلت ليها ولكين راه تيتسالني شي فلوس وبغيت نرجعهم ليه وبديت طالقها عليها وراه دربني ومعمري ننسى خيرو ختنى تحلات قالت ليا شنو نقولك راه ولله ما تيقوليا فين حتى تيجي عندي ولكين راه مراتو كانت قالت ليا بلي عندهم شي دار ف واحد لغابة وعطاتني سميتها وهديك من أكبر الغابات لي موجودين فوق لأرض قلت ليها وخا شكرا على لمساعدة قالت ليا برك حتى تشرب شي حاجة قلت ليها بلاش مشيت لطوموبيل لقيت خونا مزال مغيب خديت فلوسي من جيبو مشيت لواحد سوبر مارشي قريب دخلت خديت قنب و موس كبير و بيل و واحد لقبية أخرى وشي لعيبات ناكلهم راه غابة كبيرة هاديك وانا معارفش شنو غيوقع غادي لغابة وهو يفيق خونا قاليا فين غادي بيا قلت ليه سكتنا مغندير ليك والو وصلنا لديك لغابة وقفت طوموبيل فواحد لباركينغ هزيت صاك لي داير فيه كلشي عاد حليت لخونا نزل غادين حتى دخلنا لغابة وغادين تندخلو كتى وكتر وكاع شجر مشابه قاليا فين مزال غادي بيا واش غتقتلني قلت ليه لا سمعني ضنو غنقولك انا غادي نربطك بقى مدابز معاها حتى تحلها وخرج من هنا ومتقول لحتى واحد شنو وقع حيت نقدر نتبعك نقتلك فينما كنتي قاليا وعلاش غربطني غير خليني نمشي مغنقول واو قلت ليه شفتك وليتي تتشرط يلاه وقف حدا شجرة وانا نديرليه واحد مولاتي ربطة ديال بصح خليتو تما هزيت صاك وغادي تنقلب على هاد دار معارفهاش فين ومعارفش واش فيها لمهم نلقا شي راس خيط نبدا منو بقيت تنقلب تنقلب تيباليا غير شجر والو ولحال بدا تيظلام منقدرش نتحرك فليل صافي طاح ليل دبصح يديا متيبانوش ليا شعلت لبيل د ضو طلعت فوق واحد شجرة ورابط راسي بشويا ديال لقنب لي مزال شيطين عندي ولبرد لبرد ممتيقش هادشي لي واقعلي بحال شي وتائقى و تنتفكر بلي غير لبارح فبحال هاد لوقت كنت فبيتي وبارك مع مراتي سخون وكلشي بيخير هادشي كامل تبدل فرمشة عين دبا غنعس فوق شجرة ومربوط إلا طحت غياكل ديلمي شي حيوان فهاد ليل ولا يطلعلي حتال هنا شكون عرف بقيت ساد عين وحال عين ليل كامل حتى بدات تتطلع شمس تنضور علينيا فوق شجر تيباليا دخان لداخل يمكن تكون هيا دار ويمكن يكون شي حد يقدر يعاوني نزلت شعلت عافية خاصني نسخن شويا كليت بديت تنجري منها نسخن منها نزرب نوصل لتما حتى لقيتها دار ديال لعود تنشوف وطالق ودنيا من بعيد كين صوت فيها شي واحد غتكون هيا دار خونا لي تنقلب عليها حطيت صاك حطيت كلشي خليت غير سلام وموس فيديا معول نروبلها و أخيرا لقيتو يا نتاقم لمراتي يا نلحق عليها مشيت لديك دار تندق تنسمعهم فدار ولكين مبغاوش يحلو رجعت واحد لخطوة وانا ندخل فلباب برجلي دخلت تتباليا واحد خيتي روسية فسرى وزعرة لابسة ديك لبسة ديال روسيات فلحمر ناري وهيا هزات صايتها وجبدات واحد زوج ماس بقيت غير تنشوف فيه كنتي ديراهم أبنت لعبد ؟ ختنى تمات جايا تتجري لعندي تتبغي تضربني تنبعد مزال مفاهم والو عرفتها غتكون هيا عشيرة خونا حطيت ليها واحد تصرفيقة ومع دالك وقفات ختنى مقودة تتنوض فلبلاصة ضرباتني لرجلي وانا نحيد ليها موس حطيتو ليها فصدرها طاحت دودة واقف خونا مكينش يمكن هاد صداع كامل ومجاش غتكون مراتو هادي درت ليه كيفما دار ليا تنفكر نخرج ونخليه يقلب عليا هو يحس بيا حتى تيحل لباب كان فشي بلاصة عاد جاي بقى مصدوم تشوف فيها طايحة ميتة وانا واقف حداها وهاز لموس وهو يغوت واحد لغوتة ناري ودنيا تقبهم لاح داكشي لي فيديه جاي تيجري لعندي حطيت ليه لموس فكتفو والو بحال شي دب خطفي من لأرض ولاحني برك فوقي بدا تيضرب دبا غيكون حاس بهادشي لي تنحس بيه انا وأنا ندفعو خونا معصب باغي غير يضربني بقينا مدابزين فديك دار شي 4 دقايق جرتلناها وهو يجبد واحد لموس بغى يضربني ضربني لكتفي ليسر حيدتو بزربا مع جاي مع حطيتو ليه فراسو طاح دودة بقيت تندخل ليه برجليا ونوض تاني دبا أولد ل^حبة طبعا هادي قلتها بالدارجة ديالنا قلبتو صافي مات هاد لمرة وحتى مراتو وانا نبرك تما حداه دبا تنحس براسي شويا غادي خارج ومخلي لفران شاعل وداير فيه واحد لعيبة ديال لغاز باش تشعل حتى تنسمع شي صوت وايلي ياكما خونا مماتش لا متقولهاش رجعت لداك لبيت لي وقع فيه هادشي طالق ودني تنسمع صوت من لبلاكار حليتو تيباليا دري صغيير غتكون عندو ديك 3 شهر ولا 4 فسلة و محطوط تما تنشوف فختنى عاد عرفتها علاش كانت بحال لمجنونة كانت باغا تبعدني على ولدها بحال داكشي د عالم لحيوان حليت لفران بزربا حيدت ديك لبوطة وطفيتو ورجعت تنشوف فدري مزال صغييير ناري كنت غنخليه يتحرق هنا ولكين دبا شنو ندير غيبقى هنا غيموت باباه و مو قتلتهم بيدي خاصني نديه لبوليس ولا شي حاجة يديا مزال عامرين دم غسلتهم نقيت حالتي عاد هزيتو شعلت لفران تاني و درت فيه واحد توب وخليتو خارج دار كاملا عود غيشد فيها كاملة خرجت ومعايا دري وهزيت معايا صورة ديال مو وباه لقيتها ناس لي غيمشي عندهم غيحتاجوها من حقو يشوف مو وباه غادي بيه معرفتش واش نفرح حيت درت داكشي علاش جيت ولا يبقى فيا لحال على هاد دري لي قتلتليه مو وباه وهو مزال غي ملائكة مشيت لعند صاك لي حطيتو درت لكتفي واحد لعيبة حبساتي دم لبست حوايج أخرين لحت داكشي لي كان مزال عندي ديال سلاح مسحتو درت دري فداك صاك خليتو محلول ضربتو قدامي وغادي راجع تنضور وجهي تتباليا لعافية شادا فديك دار كاملا بقيت واقف تما وتنشوف فدري ناعس ناري قودتها مع لله ومع لعبد بدا تيبكي حيدتو من صاك شديتو فيديا بدا تيضحك غادي بيه هاد لمرة عارف طريق وصلت لفين كنت رابط خونا لقيتو ميت شي حاجة قرصاتو فرجلو يمكن شي حنس ولا منعرف تناكت عزرائيل ومدارهاش هادي خرجنا بزربا انا ودري حطيتو حدايا غادي لعند شيباني روسي وصلت لتما حطيت طوموبيل داخل ومعايا دري تنجري لكوزينة دري تيبكي جوع شحال من ساعة د طريق تتباليا ديك روسية قلت ليها عندنا لحليب فهاد لقصر ؟؟ قالت ليا شنو ؟ راك عارف كين غير لفودكا وداكشي قلت ليها اوا رضعيه نتي خودي معاه أجر قالت ليا كيفاش واش تيحسابليك بكرة عطاتني درس فعلوم لحياة ولأرض قلت ليها ودبا من لفهامات عتقي دري شكون هاد دري بعدا قلت ليها وشوفي لينا حليب نشربوه وديك ساعة نعاود ليك قالت ليا تبعني لكوزينة بقات تتقلب وهيا تجبد لحليب غبرة ياه بحال صيليلاك طيباتو عاد تنتفكر مكيناش رضاعة وهيا تديرو فكاس برداتو جابت واحد لبلاستيكة دارتها ليه قالت ليا عطيه ليا شداتو فيديها بدات تترضع فيه وهو يبدا تيضحك واقف تنشوف فيه حتى دخل شيباني قاليا شنو واقع قلت ليه راه قتلتو ولقيت حتى مراتو مقدرتش نخليها حتى هيا كانت غتقتلني ومني بغيت نخرج لقيت هاد لولد ولدهم مزال صغير جبتو معايا قاليا علاش جبتيه ؟ قلت ليه وشنو غندير انا حسابي مع باه ماشي معاه وهو مزال مفاهم والو وهو يقوليا وعلاش جيبو لهنا خرج حطو قدام شي دار ولا دفنو فتلج حسن ليه غيكبر غيخرج ولد طيييط بحال باه قلت ليه لا منقدرش نلوحو تيباليا غنربيه بداو تيضحكو عليا من نيتك قلت ليه اه غادي نربيه لمرى لي كنت معول نولد معاها ماتت ومعمري نشوف فشي وحدا من غيرها ولله جابلي ولد من حيت لا أدري وبغيتك نتا تقاد ليه وراق قاليا واش نتا مريض راه نتا قتلتيلو باه ومو ولابدة شي نهار غادي يعرف قلت ليه ديك ساعة غنكون انا باه ومو لمهم غتعاوني نقاد ليه لوراق هنا بغيتو روسي وفنفس لوقت مغربي قاليا اه عطيني وراقيك وشنو باغي تسميه دبا نقادهم عطيتو وراقيا قلت يه سميه عبد الحق قاليا عبد لحق ؟ كتبها ليا جاب ورقة كتبتها ليه ب العربية و روسية و لإنجليزية قاليا كون هاني ليوم نقاد ليك لوراق غدا تمشي قلت ليه هانا صابر خرج هو بقيت مع ديك روسي ولولد شاداه تتلعب معاه قالت ليا دبا واش متأكد غادي تربيه قلت ليها آه أصلا عزيز عليا دراري صغار و خايف لولد يكمل حياتو فعداب بسبابي للهم أنا نتهلا فيه قالت ليا اه بصح ومنها يونسك شديتو من عندها لولد بيض بيض فحال لحليب ناري غنديه لمغرب غيطيح ليا تيتيز أصلا تيتيز عزيز عليهم لأب لعازب خرجت انا و هو وديك خيتي لواحد سوبر مارشي خدينا ليكوش و رضاعة و لحليب وحوايج نبدل ليه بيهم رجعنا لقصر بدات تتوري فيا كيفاش نبدل ليه حوايجو وليكوش ولد لعبد خراااي من صغرو هههه بقينا باركين حداه شويا حتى دخل شيباني قاليا لوراق تقادو ولا ولدك دبا صافي ولكين متقدرش تخرجو حتال غدا يوصلو شي وراق ديالو لإدارة لكبيرة قلت ليه وخا صافي غنباتو هنا واش بيتي مزال خاوي قاليا اه طلع ليه غتلقاه كيف كان وانا نعنقو قلت ليه شكرا على كلشي وهو يقوليا لا شكرا نتا داك نهار عتقتيلي حياتي وليوم قتلتي لعدو ديالي تبارك لله عليك وخلاص نهار تغير رأي ظيالك وتبغي ترجع لخدمة ولا تحتاج شي حاجة فلوس ولا اي حاجة فأي بلاد عيط ليا قلت ليه مبيناتناش أنا دبا غنبعد على لمشاكيل وصداع وكلشي غنرجع لبلادي وغنكبر هاد لولد نعوض ليه خليتو وطلعت لبيتي لقيتو نقي كلشي مقاد حطيت دري فوق سرير مشيت جبت ليه حليب وصاكو حطيتهم فالأرض حدانا حيدت تريكو لي لابس ضربة لي فكتفي تجمعات داويتها شويا تكيت حداه وحاط يدي عليه حتى داني نعاس تيفيقني ولد لعبد مع 2 تيبكي مشيت سخنتلو لحليب فلييل بارك فوق سرير وشادو فيديا عاطيه رضاعة شاد واد سيد لي قتلي مراتي بقيت شادو حتى داه نعاس بقيت انا بارك وتنشوف فيه تنفكر ف هادشي لي غادي ندير غيبدل حياتي بزااف و مسؤولية كبيرة حتال صباح تنسمع دقان فلباب حليت لقيتها ختنى قالت ليا واش منعستيش قلت ليها لا مجانيش قالت ليا أجي نزل تفطر راه غتوصلك طيارة حتال لمغرب شي شويا قلت ليها دبا تيبالي دري مزال ناعس نزلت فطرنا قاليا شيباني طلع جمع حوايجك و وراقيك و ديال دري تأكد منهم قلت ليه دبا طلعت جمعت لحوايج فصاك لوراق كينين هوما هدوك دري عندو كنيتي وكلشي قانوني درتو فصاكو ودرتو قدامي وهاز صاكي فيدي وخارج ودعتهم داك شيباني وديك لبنت وخرجت وصلاتني طوموبيل حتال لمطار طيارة ديال شيباني بحال ديما طلعنا غادين شادين طريق لمغرب بقيت تنلعب معاه نعس داني نعاس حتى انا حتى تنحس بطيترة نزلات هاد لمرة فطازا نيشان نزلنا من طيارة وهيا تحرك بعدات علينا خرجت من تما شديت طاكسي نعتلو لمشروع تم غادي و انا معنديش درهم مغربي فجيبي حتى دخل للمشروع لي ساكنين فيه وقف قدام لفيلا قلت ليه صبر شويا نجيب ليك لفلوس قاليا خود راحتك انا تنتسنى هنا هاز دري فيديا وداخل لدار تندق تندق وهيا تخرج لواليدة مع خلات لباب شافتني وهيا تعنقني معمرها عنقاتني هكدا مزال شاد دري فيديا قالت ليا شكون هدا قلت ليها قبل من هادشي عطيني واحد 100 درهم نخلص مول طاكسي وهيا تمدها ليا عطيتهالو مشى رجعت لدار لقيت لباب محلول دخلت و سديت لباب داخل لقيت لواليدة و لواليد باركين فصالون وشادين لولد ناض لواليد عنقني بركت عيااان من سفر قالت ليا لواليدة شكون هاد لولد ؟ درتي داكشي علاش مشيتي ؟ قلت ليها لواليدة غتلقاي لحليب غبرة ف صاكي طيبيه ليه راه جيعان قالت ليا واخا تيناوني حتى نجي مشات تتجري طيباتو جات تتبرد فيه حدانا دارتو فرضاعة عطاتها ليه بدات تترضع فيه حدانا قالت ليا وعاود لينا بدا قلت ليهم أجي شفتكم غير بزوج لا متقولوش ليا تتزنيو من ورايا قاليا لواليد جمع راسك أولد لعبد راه تزوجنا فصراحة غير تكاتبنا حيت نتا محتاج أم و أب حداك دبا و صافي حنى كبرنا على داك تبرهيش ولمخاصمة قلت ايهم وديروها شحال هادي كون كعما وقع ليا هادشي كامل وهيا تنقز لواليدة وعاود ليا أولدي شكون هاد لولد و شنو وقع قلت ليهم وخا دبا نبدا من لول الواليدة أنا مشيت لروسيا بقيت تنقلب عليه باش ندير داكشي لي قلت ليك وهادشي لي وقع لقيتو مشيت لدارو فواحد لغابة تما لقيت مراتو بغات تقتلني قتلتها جا هو بقينا مدابزين لحقتو عليها بغيت نخرج لقيت هاد لولد راه ولدهم الواليدة انا قتلت ليه مو وباه دبا ومقدرتش نلوحو ولا نخليه عز عليا جبتو معايا نربيه نعوضو على داكشي لي درتو قالت ليا لواليدة أحسن ما درتي شوف شحال زوين لمهم داتو معاها لبيت دخلت انا للبيت ناري بلاصة أحلام بقات خاوية خرجت مشيت لعند لمعطي بقيت تنعاود ليه حتى هو لغد ليه مشيت لمقبرة و ديت معايا لولد عبد لحق نعتلي لعساس لقبر وقفت حداه وهاز دري فيديا بقيت تنشوف فلقبر وخا لفلوس و لحزاق لكحل منقدر نرجعها حتى دقيقة بحال داكشي ديال لأفلام بديت داوي معاها حسيت براحة فصراحة خرجنا من تما رجعنا لدار وبقاو يامي غادين هكدا لواليدة رباتلي لكبدة على دري متتفرقوش دار وخا ناقصاها أحلام ولكين بيخير حيت رجع لواليد و لواليدة مع بعضياتهم أخيرا إوا بقينا هكدا عيشين بيخير دري تيكبر لواليدة بدات تتزن ليا على راسي بزواج تاني أنا مزال منسيتش أحلام تنقوليها من بعد وكل نهار تتزيد تبقى داويا كتر لمهم واحد جمعة كنت موضي و لابس غادي لجامع وهازو معايا حيت لواليد و لواليدة مشاو لعندي جدي وجدة لمهم خارج من دار وهيا توقف عليا مها ناري شحال مشفتها قالت ليا سلام سلام لبراكة فراسك من جهة مراتك قلت ليها ممشى معاك باس قالت ليا شكون هاد لولد قلت ليها ربيتو بقينا داوين شويا رجعات لسيناريو سمحلي وكدا قلت ليها راني مسامحك ديري بحالا موقع والو وهيا تقوليا إوا عطيني نمرتك ندويو واتساب ولا نعيطليك لمهم منبقاوش بحالا معمر شي حاجة كانت بيناتنا قلت ليها وخا هاكي عطيتها نمرة قلت ليها نخليك غيفوتني لحال على جامع قالت ليا لله يتقبل مشيت صليت رجعت دوينا فلعشيا بقينا كل نهار تندويو تندويو درت شويا من فلوسي فواحد شركة إيرانية بقات تتزيد شي حاجة كل شهر أصلا مزال لكونط عندي مليح يعيشني ويعيش ولدي و ولاد ولدي بديت تنتلاقا ب مها ف إطار صداقة وصافي مواعدتها بوالو تنقول ليها غير ختي ختي وخا كنت تنفكر نرجع معاها خاصني مرى تعاوني فتربية هاد لولد لي مقادرش نصبر باش نعرف ملي غيكبر ويعرفني انا لي قتلتلو باه ومو كيفاش غيتقبل هادشي زعما بلاما نقولها ليه واقيلا صافي لواليدة عاد تتزيد فيه بديت تنفكر نتزوج دبصح تتبالي غي مها قدامي صافي هيا لي غتعاوني فتربية ديال لولد أصلا ولات فسيسرة حياة لعزوبية ممناسبانيش توحشنا رومانسية وخا معمري ننسى أحلام ...(يتبع)
#دعشوش

قصة لبشير و مها 20

#لبشير_و_مها الجزء 20
جات لواليدة تتجري شداتها و انا نطلق لخونا لموس ضربو لكتفو هاد لمرة هيا لأخرة ليك غادي لعندو بزربا شاد من كتفو و غيطلع فطوموبيل تيباليا لمراكشي نزل من طوموبيل قلت ليه تبع خونا أز^ي طلع تابعو شديت داك خونا لي باقي فرعتلو رجلو برك هنا أولد تنجري عند لواليدة شادا أحلام تتقولينا راني بيخير ولغريب فالأمر مزال مجاو لا بوليس لا والو وخا هاد لفيلم كامل هزيتها غادي بيها لطوموبيل طلعتها لور طلعات لواليدة حداها حالتي كاملا دم وغادي بيها حتى قلت كلشي تقاد تنسول بنادم على صبيطار نعتوهلي طيارة وقفنا قدامو هزيتها دخلنا حطيتها فوق سرير جريت واحد خونا ضارب طابلية قلت ليه طبيب ؟ قاليا اه وهو يجرها خرجو شي فرمليات دخلوها لواحد لغرفة لواليدة عيطات لمها قالت ليها تجي بقينا وقفين واحد نص ساعة تم وخرج طبيب قالبنا راه حالتها غاع ممستقرة منقدر نقوليكم والو دابا بقيما عاصرين تم حتا لعشية حتا كيدخلو باها ومها قالو لينا شنو واقع عودات ليهم الواليدة و هي تجي مها بدات كتصرفق فيا انا مدويتش حيت عارف هادشي بسبابي لواليدة دخلات بيناتنا وهيا تعايرها وقالت ليها انا كنت تم راه دار لي فجهدو وهو يدخل  لمراكشي مشيت تنجري لعندو فينو خونا قاليا صاحبي تبعتو لمطار خاص دخل بزربا طلع فطيارة وقلعات سمح ليا مقدرتش ندخل وفهاد لحظة تيخرج طبيب قاليهم متبقاوش تسناو سيدة راه حالتها قلت ليكم ماشي مستقرة وغتدوز ليلة هنا دعيو معاها غدا نشوفو كيفاش غادي تصبح بقينا تما باركين حتال ليل ودكتور خارج داخل نعتولنا لفرمليات واحد لوطيل ملاصق معاهم مشينا ليه دخلنا بدلت حوايجي بقيت غر تنشوف فحوايجي لأخرين عامرين بدمها حتى قلنا كلشي تقاد كيفاش غيديني نعاس تنتسنى لغد ليه ولكين مقديتش خرجت مع ديك 3 و مشيت لتما عطيت سيكيريتي 200 درهم خلاني ندخل دخلت لبيت لي فيه هيا طاملا خيوط حطيت كرسي بركت حداها ناري يا ربي ميوقعلها والو إلا وقعاتلها شي حاجة عمري نشوف فوحدا من غيرها حتى قلت لقيت لبنت علاش تنقلب يوقعلها هكدا لماضي ديالي ديما تابعني واش حياتي مدوزها قتيل و دم وباغي دبا نعيش عادي ولكين هادي ماشي وقتو دبا أهم حاجة توقف أحلام على رجليها وديك ساعة غيكون كلام أخر بقيت بارك حداها حتال صباح دخلات ماماها قالت ليا لبشير شنو تتدير هنا دبا ؟ شفت فيها نتي بنتك أنا راه مراتي هادي قالت ليا سمحلي أولدي على لبارح راه معقلتش على راسي قلت ليها لا هانية اخالتي غير تفيق أحلام هادشي هو لمهم عندي كون غير موافقتوش على هاد زواج راني منحوس شوفي مزال مكملناش حتى سيمانة شنو وقع قالت ليا صافي دبا توقف على رجليها و متخليو حتى بلاصة بزوج ويبقى هادشي غير تعاويد قلت ليها إن شاء لله حتى تيتحل لباب لبوليس هادو قاليا لبشير ؟ قلت ليه هو هدا و دوي بشويا راك ف غرفة مريضة قاليا خاصك تمشي معانا قلت ليه علاش ؟ قاليا باش بغيتينا نبداو ضرب لحرح لقتل ... مبغيتش صداع خرجت معاهم كلشي تيشوف فيا تلاقينا مع لواليدة فلباب بدات تتغوت وتتبكي قلت ليها خودي تيليفون من بيتي و عيطي على واحد نمرة غتلقايني كاتب فيها خورخي قولي ليه بلي انا مشدود فلمغرب وعاودي ليه راه تيدوي بلونغلي هو لي يقدر يعاوني قالت ليا واخا و حضي راسك أولدي شي عين هادي ضرباتنا خليناها تتبكي غادين بيا بلاصتي ماشي فلحبس بلاصتي حدا مراتي ولكين مبغيتش نزيد نقودها على راسي مشيت بهدوء دخلوني لواحد لبيت بارك فواحد لكرسي تنتسنى شي خبار دازت واحد ساعة حتى تيجي لكوميسير قاليا راه شي واحد وكل ليك محامي كبير و غتخرج بكفالة قلت ليه دبا ؟ قاليا لا ماشي دبا حتال غدا بحال هاد لوقت 24 ساعة هيا أقل حاجة بديت تنطلب فيه شاف راه مراتي ف حالة حرجة بين لموت و لحياة انا لي ضربتهم راه دفاع عن نفس لله وفيا لي يخرج بطريقة صعيبة يخليك شوف شنو تقدر دير قاليا ولدي عارف هادشي كامل ولكين إلا هربتي مغتبقى لا كفالة لا والو وغتبقى هنا رجعت بارك فالكرسي مجا عندي حتى واحد داك نهار هاد خوتنا معطاونيش حتى تيلي باش نعيط على لواليدة بثست صابر حتال لغد ليه مع حل عليا غادي تنجري حيت لكوميسيرية قريبة فين وقع داكشي دخلت لصبيطار مشيت لبيت ملقيتهم وحتى احلام ماشي فبلاصتها ياكما فاقت و وقفات على رجليها تنسول فبنادم تيقوليا معرفتش حتى تتباليا لواليدة ديالي و ديالها وباها وحتى لواليد واقفين حدا واحد سرير تيتحرك فوقو شي حاجة مغطينها مشيت عندهم شنو تتديرو هنا فين أحلام وهيا تعنقني لواليدة قلت ليها لواليدة وخا كنت عارفها هيا لي مغطينها و عارف علاش مغطينها بحالا مباغيش نتيق حيدتليها ليزار على راسها هيا دبصح بحال شي عود مبيناش فيها ميتة عنقتها تيجرو فيا قالك وتيقولولي صافي راه ممزيانش تدير هكا وانا معنقها مزال حتى مسخناش بلاصتنا بزوج قصتنا سالات فسطور لولين ولكين معمرهم يتنساولي أقود 4 يام عشتها فحياتي مبغيتش نبكي دبا حتى نقطع لي كان سبابها لواليدة ديالها مشافتش فيا دخلوها لتلاجة قالينا باها غير سيرو نتوما لكازا حنا غنكملو لوراق ونجيبوها تيقولها بواحد طريقة بحالا أنا لي قتلتها محملتش راسي فديك ساعة تتحس بضعف نتا مراتك ومقديتيش تحميها خرجنا طوموبيل لي خدينا بزوج واقفة طلعت لور حدا لواليدة و لوالد تيسوق حابس لبكية غير بزز معمري بكيت على شي واحد مات لواليدة وهيا تحط يديها على راسي قالت ليا ولدي متحبسش راسك بكي إلا بغيتي مكملاتهاش وانا نعنقها وبقيت تنتغبن وتنتنخصص طريق كاملة حوايجها كاع بهدلتها وحتى هيا تتبكي و لواليد قربنا لكازا قلت ليها لواليدة عطيني تيليفوني قالت ليا هاكاه قلت لواليد وقف ندير واحد تيليفون لروسيا وهو يوقف نزلت سديت لباب عيطت على شيباني سلام سلام قاليا سمعت بشنو وقع لمراتك بقات فيا وخا معرفتهاش سمح ليا مكانش عليا ندخلك لضومين قلت ليه سمعني ليوم ولا غدا أنا جاي غادي نقلب على خونا لي قتلها و خا تكون أخر حاجة نديرها فحياتي يتبع
#دعشوش

قصة لبشير و مها 19

#لبشير_و_مها
الجزء 19
مشيت لعند خونا عشير لمعطي عندو محال تيدوز فيه لبنادم قاليا كين منقضيو قت ليه بلي باغي بيرمي ف أقرب وقت قاليا تاخدو حتى ليوم تكون غير لفلوس و تكون تتعرف تسوق قلت ليه واه تنعرف و لفلوس متضربش حساب قاليا أجي نزلنا عند واحد خونا قيدني فواحد لورقة بدا خدام ليا فداكشي طلعت مع خونا تاني بقى طالقها عليا شويا نزلنا عطاوني طوموبيل دوزت لمتحان عادي بحال بنادم لقديم ومدوزوش ليا ديال لأسئلة صافي بقيت واقف مع داك خونا حتى عطاني روسي وقاليا غدا رجع تاخد لبيرمي ديالك مشيت لبنكة قريبة لتما جبدت ليه واحد 6 الاف درهم عطيتها ليه لفلوس غادا وتتنقص ولكين عملتنا منكوحة مزال لخير خرجت رجعت لدار قلت للواليدة يوجدو راهم باش نسافرو غدا قات ليا ولبيرمي قلت ليها شديتو الواليدة قالت ليا فلوس ياك قلت ليها بلادنا زينة يكونو غي لفلوس بقات تتخاصم عليا ولكين نسيتها مشات تجمع حوايجها مشيت لبيت لقيت أحلام قلت ليها جمعي حوايجنا غدا غنمشيو قالت ليا وايلي قلت ليها واش حلاوتها دبا يلاه نوضي بقاو غير تيجمعو فدار وكدا مشيت انا لصقت لطوموبيل بلاكة د 90 لمهم داز نهار طيارة عيطت عى لواليد قلت ليه بلي مغنكونوش وكدا قاليا لله يجيبكم على خير قلتها لمعطي أحلام قالتها لدارهم وصينا جدي وجدة على دار وكدا لمهم لغد ليه فايقين باش فيقين معولين منفطروش فدار هزينا صيكان داكشي لي غنحتاجو دخو طوموبيلاتهم و موطوري لغراج طلعنا فجديدة لكبيرة أعمي مشينا بعدا خديت لبيرمي بداك روسي عاد شدينا طريق بدينا من رباط ونازلين لواليدة شادا لخريطة فيديها وحنا مزال مخرجناش من كازا هههه خايفة لا نتلفو أول مرة نسافرو لمزيكا وكدا لمهم بدينا ب جديدة دوزنا تما واحد نهار مقاود تاني بتنا فواحد لوطيل ومن بعدو واحد أسفي هنا توضرنا فيها نفعنا غير بنادم تنسولوه لمهم دوزنا ليوماين لولين غير ضحك فقنا فصباح د نهار 3 بركنا تنفطرو فلوطيل قلت ليهم دبا أشمن مدينة بغيتو نمشيو ليها قالت ليا لواليدة وليدي مراكش مراكش لله يرضي عليك قلت ليها وخا الالة لي بغيتي حتى انا عندي عشيري تما بغيت نشوفو جبدت تيليفون عيطتو قاليا شكون معايا وايلي اصاحبي لبشير هدا روسيا و خورخي و لأفلام قاليا صافي أصاحبي تراه كل نهار تنتفكرك غير صوتك تبدل قلت ليه وراه غنجي لمراكش مع لواليدة و لمدام قاليا مرحبا راه درت واحد ريصطورا ف جامع لفنى راه كبيرة لي سولتيه على ريصطورا د روسي ينعتهالك قلت ليه صافي ليوم راحنا جاين قاليا مرحبا خلصنا وخرجنا من تما شدينا طريق مراكش تاني غادين وتنوقفو تصاور وكدا لمهم موصلنا حتال ديك ل 5 نعتولنا منين ندخو لديك لبلاصة حطينا طوموبيل بعيدة شويا حيت زحام فديك ساحة داخلين على رجلينا تنضورو فجامع لفنى أيييه لمهم تنسول على خونا تيقولولي معرفوهش حتال واحد شيباني هو لي نعتهالي غادين قالت ليا لواليدة صبر ناخد شي قرعة د لما مشات لواحد لحانوت واقف مع أحلام تنتسيلفاو تيبانو ليا شي وجوه روسين معروفين بداك لون وشعر تيدوزو من حدانا وتيرجعو فلول قلت راه غير سياح وكدا ولكين شكلهم ماشي د سياح و حتى لفورمة كينا شي حاجة باغين يعرفوني واش انا هو لي تيقلبو عليه يمكن قلت ليها أحلام صافي سمعي غديري تيليفون فجيبك وغتشديها جرية وحدا لعند لواليدة بقاو تما وخا منعرف شنو يوقع متجيوش قالت ليا شنو كيفاش علاش ؟ قلت ليها سمعتيني شنو قلت ياك مترجعيش لهنا ومتخليش لواليدة تجي تيبانو ليا دوك خوتنا راجعين وهاد لمرة كاملين قلت ليها دبا جري مشات تتجري حتى هيا حطيت صاك من كتفي تناكت مكنتش معول عليهم دبا ولكين داك خونا لي كان تيدربنا لغول مكينش معاهم ؟تيبانو ليا خوتنا ماجين لعندي حطيت صاك شديت تيليفون نمرة لمراكشي هي لولا صونيتلو جاوب قلت ليه لعشير منعرف شكون شي وحدين لمهم أنا حدا واحد لبلاكة ديال تصالات و حانوت زرق قاليا كيفاش ؟ درت تيليفون فجيبي تنضرب على واحد خونا حلايقي حاط قدامو شي ماس هزيت زوج مخليتهمش حتى يجيو لعندي أنا غادي عندهم بزربا دنيا تقلبات وكلشي تيجري خوتنا معرفو باش تبلاو خونا مقالش ليهم بلي أنا واحد من أقود فرقة لي تيقرب ليا فيهم تنخصرو ميبانوش ليا عارف راسي حتى تنسمع صوت لواليدة تنضور تتباليا جايا تتجري غتقودها قلت ليها رجعي والو مبقيت عارف نشوف فخوتنا لي غيقتلو ديلمي ولا ندوي معاها حتى جات حدايا وعطاتها لغوات و أنا نحط داك لموس لواحد خونا فراسو طاح دودة لأخرين تزعزعو بقاو غير تيشوفو قلت ليهم واش جاين ليا ومجيبين لا سلاح لا تا خرية مزال فيدي موس و انا نطلقو لواحد فيهم لرجلو بدا تيتركل تنضور عند لواليدة تاني فين هيا أحلام ؟؟ قالت ليا بقات لهيه دفعتها قلت ليها سيري حتى نتي لتما وهيا تبعد عليا شويا وشادا تيليفون تتعيط على لبوليس يمكن حتى تنسمع صوتو داك خونا لي دربنا ناري تنضور بالي هو خونا دبا وقف كتر ولا عملاق بدا داوي بالروسية تلاقينا مرة أخرى قلت ليه هاد لمرة غادي نوقف علك حتى تدفن دوك رجالو واقفين زوج كانو 5 تيباليا جبد سلاح واحد من دوك زوج غادي لواليدة حيدت لموس من داك لي ضربتو وانا نضرب داك خونا لي غادي بواحد شمال طاح حتى تنسمع صوت رصاص بقيت واقف نشوف واش مضروب وعاطي خونا بظهر تنحس بيد فظهري تنضور لقيتها أحلام ورايا قلت ليها شنو تتديري هنا وهيا تطيح فيدي موقفها غير بزز تتباليا مضروبة فظهرها أحلام ؟ يتبع
#دعشوش

قصة لبشير و مها 18

#لبشير_و_مها
الجزء 18
تنشوف فختنى صافي مشاو لحلو لحلوى لا صافي بلاش بلاما نعاود ليكم (بس حتى لخوادرية تتقرى ههه هانتي ديديكاس أبنت لعبد غي تهلاي فيا 😇بس2 تقولي للواليد قلت ليه لعبد بلوك بطعم داعشي) فين كنا اه بلاما نعاود ليكم معانا جمهور قاصر وهاد لبرد دراري خاصهم غير علاش لمهم دازت ديك ليلة هرسنا سرير جديدة ولكين داكشي فشكل أولاد ناس بحالا لقيتي شي بزطام عامر فلوس هههه لمهم نفوتو هاد لمقطع ⏪ لغد ليه فايق مبجقل أول مرة راك عارف فيقتها غير بزز ختنى عيانة ههه راك عارف لونطريما وروسيا لا دين لهم 😂 لمهم ختنى جمعات راسها كاليت سرير بواحد لفاز طويل هههه راه شوهة يشوفو سرير مهرس من ليلة لولا لمهم حليت لباب لدار دخلات لواليدة و لواليدة ديال أحلام وجدة وشي عيالات مع دخلو تيباليا جدي بارك فصالون خرجت عندو بركت حداها حط يدو على رجلي قاليا كيف داز داكشي قلت ليه غي خليها على لله هرسنا سرير شوهة بدينا تنضحكو قاليا ولله يكمل بالخير قاليا قلت ليه أميين قاليا ونوض قود تعوم راك مجونب طيرني بقيت غير تنضحك قلت ليه وخا دبا دخلت لبيت مزال باركين تما هزيت صاك درت فيه لحوايج قالت ليا لواليدة فين غادي قلت ليها لحمام قالت ليا واش حمق لا برك حتى تفطر مع مراتك قلت ليها وخا حطيت صاك خرجو بقيت مع ختنى قلبناها ضحك هههه باركين فوق ناموسية وهيا تنزل بينا بزوج ههههه ناري عرفت راسي وازن دبصح هاد نهار طيحين فلأرض وتنموت بضحك حتى تتدخل لواليدة تتجري شنو هادشي لي طاح تتشوف فناموسية مطرطقة وحنا فوقها قالت ليا شواقع قلت ليها والو غير تقاليت الواليدة و عود هشيش لازمني وحدا ديال لحديد هههه قالت ليا نوضو نوضو لشي بيت أخر وبركو قلت ليها لا خلينا غير هنا جيبو لينا لفطور قالت ليا واخا خرجات شويا وهيا تجيب لينا لفطور جاعني واحد جوع بحالا معمري كليت سالينا قلت ليها أحلام غنمشي لحمام دوشي حتى نتي نجي نديرو شي تسركيلا و مني غيمشيو ناس نديرو شي دورة فلمغرب كامل أنا وياك قالت ليا نديو معانا خالتي (لواليدة) قلت ليها من نيتك قالت ليا ومالها هيا راه علااام و منقدروش نخليوها هنا مع جدك وجداك لملال للهم تمشي معانا قلت ليها وخا دبا غنمشي ل حمام نرجع ونشوفو فين غنمشيو هزيت صاك وهيا تعنقني قالت ليا حضي راسك ناري أثبوبا لحنان دبصح قلت ليها متخافيش عليا غنمشي بزربا ونرجع مكينش لي يقدر يبعدني على عائلتي من غير لموت قالت ليا وراه عارفة وداكشي علاش خايفة قلت ليها دبا نوصي لواليد يشوف شي واحد يبدلو سرير قالت ليا بلاما نديرو شي واحد أخر غير نحطو ناموسية بوحدها على لأرض قلت ليها واخا يلاه نمشي دبا خرجت قلت للواليدة هنا غادي نزلت للغراج مشيت بالموطور حطيتو عند لغرديان دخلت درت لوضو بهدا عاد دخلت لحمام دوشت بزربا بالي بقى مشغول مع دار خرجت رجعت لدار داخل لقيتهم باركين كاملين قالو ليا بصحة لله يعطيكم صحة فين هيا أحلام راه يلاه خرجات من لحمام دخلات لبيت قلت للواليدة راه غنخرجو نضورو شويا قالت ليا وسيرو فطوموبيلتها راه غيضربكم لبرد قلت ليها وخا دخلت قلت ليها نمشيو قالت ليا وخا دبا صبر هزات صاكها وقفات قدام لمراية واحد نص ساعة هادشي غير قالت ليا ''دبا'' و واقف عليها حتى وليت تنطلب فيها عاد قالت ليا دبا نمشيو إوا لعنديمك زيدي قدامي خرجنا طلعنا فطوموبيل تحركنا قلت ليها فخبارك خاصك تبدليها تنحس براسي مخشي فبواطة د سرديل بقات تتضحك قالت ليا واخا وانا نتفكر لمعطي قلت ليها عرفتي شنو حركي لعندو لمحال نقدرو نشوفو طومزبيلا من عندو قالت ليا وخا مشينا لتما دخلنا نزل تيجري شافنا من لفوق عنقني قاليا كنت باغي نعيط ليك مغتيقش مراتي حاملة غادي نولي أب الهلاوي بدينا فرحانين قاليا نهاركم لول علاش جين لعندي فيه سيرو لشي بلاد ولا لشي مدينة قلت ليه وراه عندها طوموبيل صغيرة وقلت نبدلوها ونزيدو شي حاجة وهيا تقوليا نبدلها لاااا لا راه طوموبيلتي لعزيزة هاديك عندي من يامات لافاك مزال نخليها وناخد وحدا أخرى ختنى تتموت على طوموبيلتها قلت ليها وخا الالة ورينا أصاحبي شنو عندك تنضورو تما و هيا تباليا واحدVolkswagen Amarok كبيرة هيا لي خاصانا قلت لي هاديك أصاحبي هيا لي بغينا قاليا مرحبا وهيا تشوف فيا ختنى قالت ليا من نيتك قلت ليها علاش قالت ليا صبر وقفات حداها هههه تتبان قد دبانة قلت ليها غير مؤقتا بلاما دوزت بيرمي قاليا لمعطي صاحبي غدا جي لعندي نديك عند واحد عشيري تطلعو فسيمانة تكون غير لفلوس قلت ليه وخا غدا دبا شدرتي معانا ف طوموبيل قاليا كلشي ديالك أصاحبي بلاما تسولني قلت ليه هاد لمرة غادي نخلصك عيقنا عليك جبدت شيك كتبتو ليه قاليا صبر شويا طلع منعرف علامن عيط بقينا مدابزين سني هنا سني هنا واحد ساعة عاد طلقنا قاليا غيصيفط طوموبيلت أحلام مع شي واحد غيحطها قدام دار هيا هاديك غين فطوموبيل جديدة ختنى لي تتسوق الله ودبا شويا واخد راحتي بحال ديك لببوشة لي كانت عندك بقات تتضحك قالت ليا دبا تنبانو بحال شي فلاحين لمهم بقينا تنسركلو داك نهار وكالقين واحد ديسك ديال بلال (La Loi ètè ...) ناري كمال ومنار تيسركلو صافي جو زوين برب لمهم محسيناش بلوقت حتال ديك 6 عاد رجعين لدار وقفنا بعدا قدام مرحان دخلت بزربا خديت خريطة ديال لمغرب ديلمو كامل غنسركلوه لدار لقينا لواليدة مخلوعة حيت جات طوموبيلا ديال أحلام هيا لولا قلت ليها بلي خدينا هادي قالت ليا مبروك تدخل عليكم برزق دخلنا دار خوات شويا من ناس بقات غير جدة وجدي وكانو غيمشيو ديك ليلة غير دخلنا لبيت حيدنا سرير لمهرس خرجنا لقيناهم مشاو بقينا غير مع لواليدة باركين فصالون تنتغرجو فواحد لفيلم حاط راسي على رجل لواليدة و رجليا فوق لفوطاي حدانا تنضور نشوف فأحلام دارت بحالي ويييع من نيتك أبنت ناس وليت تنحس براسي فشي فيلم هندي بقينا باركي تنتفرجو قواحد لفيلم جديد مقود (don't breath) لفيلم كامل وهوما تيغوتو خايفين هههه انا تيباليا داك زبل كامل عادي وديجا شفت كتر منو غير تنضحك سالا بركنا نتعشاو قلت للواليدة وجدي راسك إنشاء لله غير ناخد بيرمي غنديرو شي تسركيلا ب 3 فلمغرب كامل قالت ليا سيرو أولدي راه شهركم لول هدا خاصكم تكونو غير بزوج أنا نبقى مقابلا غي دار مزال مشبعناش منها قلت ليها غي سكتي الواليدة ولله حتى غتمشي معانا هانا حلفت عليك و أصلا مغنقدروش نضحكو وندوزو وقت زوين ومخلينك بحدك غتمشي معانا صافي قالت ليا لي باليك اولدي لله يرضي عليكم فين غنمشيو بعدا ؟ وانا نجبد لخريطة قلت ليها لي بغيتي عزلي شي مدينة قالت ليا عزلو نتوما قلت ليهم غنبداو نازلين لتحت جهة صحرا مدينة بمدينة ولي زكلناها نعقلو عليها نرجعو ليها من بعد شي عام أخر إن شاء لله مشات لبيتها دخلنا حتى حنا لبيتنا بارك تنبدل فحوايجي وهيا تعنقني قالت ليا فخبارك مزال ممتيقاش حياتنا ولات زوينة بحالا تنتفرج فشي فيلم زوين قلت ليها إن شاء الله غتبقى زوينة غير نتي متديريش فبالك و ولدي لينا شي برهوش ولا برهوشة يعمر دار قالت ليا مكرهتش ولكين منزربوش نخليو حتى نشبعو من بعضياتنا راه ملي تيجيو لولاد تتزاد مسؤولية كبيرة قلت ليها واخا واخا كلامك معقول ليلة تانية بحلاوتها حتى هيا أصلا كل ليلة بحلاوتها لغد ليه فايق بكري دوشت فدار مع خرجت دخلات هيا دخلت لكوزينة شحال مطيبتش وجدت لفطور سالات أحلام دخلات لكوزينة قلت ليها نهار جينا نخطبوكم كلينا لمسمن نتي لي طيبتيه ؟ قالت ليا اه قلت ليها إوا طيبيه لينا راه جا زوين متنساليش قالت ليا دبا ؟ قلت ليها أه دبا يلاه انا غنمشي نجيب لواليدة كلشي واجد طيبي غير لمسمن بزربا دخلت لبيت لواليدة لقيتها مزال ناعسة مع تتفيق تصلي لفجر تتعطل فصباح شويا تنفيقها لواليدة وهيا تحل عينيها قالت ليا شنو واقع قلت ليها والو غير فقنا بكري وبغيتك تفيقي حتى نتي تفطري معانا راه وجدناه قالت ليا صافي وقفات دخلات لحمام جمعتلها فراشها ناري حياتي بخال شي فيلم كاع داكشي لي داز عليا تكافئني عليه لله دبا ولكين تحت من لفرحة كينا واحد لخوف لا يجي داك خونا يقدر يدخل ف أي وقت و يقلبلي حياتي تاني خرجات لواليدة مشينا لكوزينة بركنا حدا أحلام مزال يلاه تتعجن قالت لينا مالكم معدبين ريوسكم أنعاونك أبنتي قالت ليها لا غي بركي أخالتي باركين تندويو فين غنمشيو تاني حتى وجدات لمسمن فطرت بزربا قلت للواليدة غنمشي عند داك خونا لي تيدوز لبيرمي عشير لمعطي خاصني ناخدو قبل منمشيو نسافرو قالت ليا لله يوفقك ويرضي عليك خارج وهيا تعنقني تاني أحلام ههههه نهار ومطال وا زبلة مغيوقعلي والو متخافيش بقاي مع لواليدة هانا جاي دخلات لدار طلعت فوق لموطور درت لكاصك وليت تنخاف على راسي ههه وغادي لعند خونا ...يتبع
#دعشوش

قصة لبشير و مها 17

#لبشير_و_مها
الجزء 17
هاد زبل مزال تيشرب قلت لأحلام شوفي بقاو هنا وخا تسمعو صداع متخرجوش عندنا قالت ليا شنو غدير قلت ليها واو غير غادي ندوي معاه شويا قالت ليا وخا هزيت قرعة وخارج لعندو مزال تيشوف فتلفازا و أنا نطلقها ليه لراس تهرسات تيضور مالك الهلاوي قلت ليه ياك قلتي ليا غتقطع شراب أش هادشي لي شفتو أصاحبي فتلاجة وعاد زايدها تتضرب مراتك واش نتا حمق شوف سيدة كيف خايفة قاليا وراه غير لبلية قلت ليه أشمن بلية راك وليتي حمق تلاجتك عامرة غير بلقراعي ولكين أنا عارف شنو خاصني ندير غادي لتلاجة وهو تابعني تيقوليا شنو غدير قلت ليه دبا تشوف جريت تلاجة لواحد شرجم تبعني وحتى أحلام ومراتو تيشوفو قاليا شنو غتدير أزبل حليت لاجة تنلوح فلقراعي من لفوق تنشوف فتلاجة كاملا شراب شحال قدي منلوح و أنا نتكيها على شرحم ودفعتها طاحت لبنات بقاو مصدومين خونا تيضحك قاليا تلاجة خديتها بمليون أولد لعبد وداكشي لي وسطها تاني قلت ليه تلاجتك راحت ف كلام فاحش أعشيري وهو يطيح ديك ضربة لي عطيتو بالقرعة مليحة وهيا تطير مراتو تتحيد ليه جاج وهيا تشوف فيا واش حمق لا ؟ علاش ضربتيه هكدا ؟ و أنا نقوليه نوض سلخ والديها ولله منفكها بقيت غير تنضحك واش من نيتك أبنت ناس سيرو سيرو حطو لغدا أنا مزال غندوي معاه وهيا تقوليا بلاما تضربو مسكين راه ماشي لخاطرو وينو قلت ليها سيري سيري الهبيلة عاونتو برك فوق سداري تنحيد ليه جاج قاليا ولد لعبد ضاربني بقرعة بغيتي تقتلني واش من نيتك قلت ليه و سمح ليا درتي علاش أصاحبي واش سمعتيها شنو تتقول و كيفاش تتخاف علك وشوف يديها وشنو تدير ليها قاليا ماشي لخاطري متنعقلش و خوك راه مبلي د بصح متنقدرش تنحاول نبعد على شراب ولكين مقديتش ولله بدا تيبكي قلت ليه صافي صافي ألهلاوي أنا رجعت دبا نشوفك شاد شي قرعة ديال شراب مرة أخرى نخشيهالك فل مؤخرة نتاعك قاليا ديرها زعما قلت ليه وجرب وتشوف سير سير دبا دوش ريحتك عاطية بشراب قاليا واخا دخل هو لحمام جابو لبنات لغدا تنتسناوه و أنا نعطي لمراتو نمرتي قلت ليها يعاود يشد شي قرعة عيطي ليا ، خرج دخل لبيتو لبس بركنا تنتغداو بقينا داوين بلي هادشي لي تيدير راه ممزيانش وحتى مراتو من أطيب خلق الله لمهم سالينا غادين موصلينا لباب قلت ليه متنساش لموطور غدا غندوز لخدمة بغيتو فصباح و سمح ليا إلا ضربتك قبيلا راك عزيز عليا وهادشي علاش ضربتك قاليا عزيز عليك هيا تضربني ؟؟  قلت ليه مصلحتك أصاحبي ديرني بحال باك ضربك يلاه متنساش ليا لموطور غدا خرجنا طلعت مع ختنى غادين قالت ليا عجبتيني فيه ولله دبا ميقدرش يعاودها قلت ليها راه حتى هو غير عندو مشاكيل راه ضريف أنا لي معاشرو وعاملني فوقيتة فحياتي كانت مقودة عليا قالت ليا مناويش تعاود ليا شنو كنتي خدام ف روسيا ؟ قلت ليها أحلام منقدرش نقولك دبا مي مستقبلا نشوفو وصلاتني لدارنا قالت ليا غدا نشوفك ف لفيلا ديالكم نكملو صباغة قلت ليها صافي و بلاما تجيبي طوموبيلتك أنا غنجيب موطور فصباح صافي غتكوني نتي أول وحدة تركب معايا قالت ليا واخا فخبارك عمري مركبت على موطور قلت ليها وهانتي غتركبي غدا تفارقنا مشات لدارهم دخلت أنا لدار بارك مع جدة شويا تتلعب ليا فشعري بحال شي دري صغر و حاط راسي على رجلها و شاد تيلي فيديا تندوي مع ختنى بقيت ديك لعشيا غير فدار بارك مع جدي وجدة حتى ضلام لحال شويا خوكم موالف ديما محرك فروسيا دبا قليل فاش لبست حوايجي ديال سبور خارج تنجري شويا رجعت دوشت تعشينا طلعت لبيتي بقيت تندوي مع أحلام شويا تاني حتى داني نعاس و أنا شاد تيلي فيديا لغد ليه صيفطتلها صباح لخير نشوفك شي شويا فدار و عنداك تجيبي طوموبيلتك جي فطاكسي ولا مع ماماك حيدت تيلي درتو فجيبي نزلت فطرنا قالت ليا لواليدة بلي ليوم غنكون غير أنا و احلام قلت ليها واخا  غنكملو داكشي ليوم إن شاء الله قالت ليا ودير عقلك عنداك شيطانك يغرك صبر وديها فلحلال وضفاك قالت ليا هادشي قدام جدي وجدة ناري حشماتني ديال بصح مقديت نقول والو خرجت شديت طاكسي لمحال ديال لمعطي طلعت عندو لقيتو داير دوى لراسو بوقلتو دبصح لبارح نزلنا لكراج وراني لموطور مقادلي كلشي عطاني لوراق لكارط ديالي عنقتو راك رجولة وخا فيك لخصايل د ليهود خرجت بالموطور ناري كيف داير وعلى صوت فيه بنادم تيبقى حاضيني وصلت لدار حطيت لموطور لقيت لباب محلول غتكون أحلام هادي وصلات قبل مني دخلت تنعيط عليها أحلام ناري أخر وحدا قلت نشوفها تاني هنا تتباليا مها ديك لي كنت مصاحب معاها حيت هيا لكاتبة لمسؤلة على لمشروع قلت ليها شنو تتديري هنا ؟ قالت ليا بغيت غير ندوي معاك شويا قلت ليها معندنا فاش ندويو تنسمع صوت طوموبيل تنطل من شرجم تتباليا أحلام نزلات من طاكسي وجايا لدار ناري تناكت حتى وحدا فيهم متتعرف لأخرى ناري تناكت دبصح أحلام جات تنشوف فختنى مها قلت ليها سمعي ديلمك غتدخل واحد لبنت نتي متتعرفينيش بلاما نسر معاك نبقاو مزيانين مع بعضياتنا قالت ليا شكون هادي ؟ وهيا تدخل أحلام ناري بقيت واقف وتنشوف قالت ليا أحلام شكون هادي ؟ قلت ليها غير لكاتبة ديالهم جات تسولني على شي وراق قالت ليا أه وخا شافت فيها مرحبا مرحبا انا مها انا أحلام وهوما يشوفو فيا بزوج وهيا تقوليا أحلام داويا بصح شكون هادي قلت ليها نبركو ونعاود ليك هيا دبا جايا على ود خدمتها راه هيا لكاتبة هنا قلت ليها مها ختي ساليتي ياك تقدري تمشي تخليني مع خطيبتي ختنى بحالا صرفقتها مني قلت ليها خطيبتي بزوج تصدمو خرجات مها بقيت مع أحلام قالت ليا بدا تدوي يلاه قلت ليها وخا قلتي ليا عاود ليا كلشي لبارح وخا أنا غنعاود ليك كلشي ب حسناتو بسيئاتو حيت خاصك تعرفي شكون هدا لي غادي ترتابطي بيه لمهم نبداو من صيف لي كان لبداية ديال تحول حياتي بديت تنعاود ليها على عيشتي مع لواليد ومني تزوج وبقات مراتو تتنg عليا وكيفاش جرى عليا و خدمتي فهاد لمشروع ك عامل عادي و كيفاش تعرفنا انا و مها وخدمتي مع لمعطي و كلشي عاودتو ليها ختنى غير تتشوف مصدومة لمهم عاودتليها على ختنى مها شنو دارتلي و شنو وقعلي ف روسيا و كلشي وفلخر قلت ليها أنا معاود ليك سيناريو ديال حياتي مخبيتش عليك حتى حاجة ولله عجبك لحال نعيط دبا على لواليدة و نديرو نهار نجيو نخطبوك من داركم بغيت نستقر و عجباتني عقليتك قبل ميعجبني شكلك طلقتها عليها وهيا تعنقني قالت ليا تحت من هاد لعضلات ولحم كين إنسان زوين و رومانسي هههه قلت ليها رومانسي هيا عنيبة جمعي كرك شويا معايا أنا ماشي عنيبة بقينا تنضحكو شويا قالت ليا لبشير ولله حتى عجبني لحال مني مخبيتي عليا والو بغيت حتى أنا نعاود ليك مي راك عارف كلشي أنا هيا ديك لبنت لي دار لمدرسة وراه ماماك لي مربياني مع لواليدة وسولها عليا متنخبي عليها والو قلت ليها هيا صافي نتوكلو على لله وهيا تشوف فالأرض و قالت ليا لي باليك نتا هو راجل وينو حشمانة يلاه دبا صباغة صباغة راه غنسكنو هنا إن شاء لله بقات تتضحك بدينا تنصبغو بزربا حيت تعطلنا علماتني نصبغ هههه بنت تتعلم ولد يصبغ ولطين هانية لخبرة تتلعب دور لمهم كملنا قبل من 12 تخنقنا بريحة صباغة خرجنا تنضورو ف لمشروع تنشوفو فلفيلات لي غيكونو حدانا ومجرتلين صباغة بنادم تيبقى غير يشوف فينا رجعنا بدلنا حوايجنا طلعات ورايا فلموطور ديتها لعند لحاجة هيا لي قالت ليا بغيت نشوفها بركنا مع لحاجة شويا قلت ليها راه ناوي نخط هاد لبنت قالت ليا وخا أولدي لله يسر ليكم خرجنا من عندها مشينا لواحد لمريصة تغدينا تما عاد وصلتها لدارهم قالت ليا دخل نعرفك بالواليد قلت ليها وخا حطيت لموطور حلات لباب دخلنا وهيا تعيط ليه قاليها انا هنا مشينا لعندو لكوزينة باها تيطيب فطاجين 😍 نسيب عندي حادg تبارك لله بغى يسلم علسا يديه عامرين ما قاليا سمح ليا أولدي مسحهم سلم عليا قالت ليه بنتو راه هدا هو لولد لي عاودنا ليك عليه أنا و لواليدة وهو يشوفيا قاليا بكترة م عاودو ليا عليك أنا عرفتك نتا من شوفة لولا قلت ليه شرف ليا أعمي تبارك لله عائلتك لله يعمرها دار و بنتك مكرهتش تكون شي حاجة بيناتنا فلحلال وقلت نسولك نتا مول دار قبل من أي حاجة قاليا ألله أولدي مرحبا مرحبا جيب لواليدة و لواليد ومرحبا بيكم فأي وقت قلت ليه صافي أعمي سيمانة لماجية إنشاء لله نكونو كملنا لخدمة ف فيلتنا جدبدة ونجيو قاليا مرحبا فأي وقت قلت ليه نخليكم دبا نشوفك من بعد خارج مع أحلام وهيا تشوف فيا قالت ليا غتجيب باباك ياك ؟ قلت ليها لا راه معاود ليك كلشي وشنو واقع وهيا تقوليا لبشير راه تيبقى باباك وزيد على هادشي صافي غلط سمحلو نتا نقولها ليك إلا مجبتيهش بلاما تجي ولله وخا أنا عزيتي عليا بزاف قلت ليها دبا نشوف مزال لحال دبا على هادشي درت فيها مقلق خليتها طلعت فوق لموطور وغادي لدار دخلت دوشت طلعت لبيتي شويا دخلات لواليدة بركاتلي عند راسي قالت ليا واش بصح هادشي لي قالتولي أحلام و غنمشيو نخطبوها قلت ليها أه ولكين قالت ليا إلا مجاش لواليد بلاما نمشي لواليدة بدات تتضحك و قالت ليا وا لحمار خاصك تفرح راه باك هداك وعرف لبنت تتفكر ليك و عاد إلا ممشاش باك حتى انا مغنمشيش راه باباك هداك غدا قولها ليه يوجد راسو حتى هو قلت ليها وخا بغيت نزربو على لفيلا فلفراش راه كملنا صباغتها باش نشوفو هاد لخطبة قالت ليا واخا أولدي أنا دبا غندوي مع صاحبتي لابدة يزربو متخافش و أخيرا غنشوف ولدي مزوج ونفرح بيه قلت ليها سيري سيري الواليدة جبتيلي هبيلة دبا لازمني غدا ندوي مع لواليد نشوفو واش غيبغي يمشي معايا
لغد ليه فقت فطرنا مجموعين مشينا لفيلا ليوم خاصها تكمل فلفراش هادشي لي درنا بقينا نهار كامل خدامين فيها أنا لواليدة ديك عشيرتها مامات أحلام و جدي وجدة و دوك لحريم و جبنا بلومبي و تريسيان يقادو حتى هوما خدمتهم مسالينا حتال ديك 6 دلعشيا صافي كلشي تقاد أحلام ومها مشاو لدارهم حيت غدا فلعشيا غنمشيو عندهم وصلات لوايدة دوك لبنات لديورهم بقيت أنا مع جدي وجدة حتى رجعات لواليدة مشينا خداو لحلوى وداكشي لي غيحتاجو تتقوليه لواليدة كيلو تنقوليه دير 3 كيلو مالنا على هاد جوع رجعنا لدار تيقادو ف داكشي فطباصل قالت ليا لواليدة سير نتا علم باباك قلت ليها وخا طلعت لبيتي عيطت عليه تيليفونو طافي و ديك ساعة 8 ديال ليل قلت ليها راه تيليفونو طافي غنمشي عندو بموطور قالت ليا رد بالك بالموطور قت ليها صافي خرجت غادي لداك درب شحاااال هادي ممشيتش ليه وصلت قدام دار حطيت لموطور تندق قاليا صبر وهو يحل لباب باينا فيه مريض و مربي واحد لحية كبيرة قلت ليه مالك ؟ ومبقيتيش تتمشي لمشروع قاليا والو غير مريض شويا قلت ليه لله يشافيك قاليا دخل دخل متبقاش عند لباب دخلت معاه تتباليا دار حالتها بحالا معمرو ساسها قلت ليه بغيت نطلبك واحد طلب قاليا وي شنو ؟ قلت ليه غادي نخطب واحد لبنت ومكرهتش تمشي معايا قاليا مرحبا إلا ممشيتش معاك شكون غيمشي معاك إمتى هادشي ؟ قت ليه غدا قايا ويلي وعلمني قبل شوف حالتي كيف دايرا و مريض ومخديتش لمرات ولدي حتى كادو عاوني عاوني نمشي لحمام نعوم نوضتو دخلتو لحمام سخنتو قاليا أنا غنعوم بحدي ولكين تيباليا عيان قلت ليه غير ستراح أنا غادي نعومك خرجت نجيب زيزوار عيطت على لواليدة قلت يها ليلة غنبات مع لواليد غدا فصباح نجي أنا وهو قالت ليا صافي دخلت موطوري لدار مشيت لعنو لحمام حيدت حوايجي حسنتلو وجهو حكيتلو مزيااان ولا بيض كيف لحليب مدواش غير ساكت جبتلو حوايج يلبسهم لبس دخل لبتو باش ينعس مشيت أنا جمعت لحمام بديت تنخمل دار شحااال بيني وبين تخمال ناري لمهم نقصت شويا من تراب لي فدار داني نعاس فصالون لغد ليه ضرباتني لفيقة لقيتو مغطيني وبارك حدايا تيشوف فيا ناري صدمة تفيق وتلقا شي واحد بارك ليك عند وجهك وتيبحلق فيك قلت ليه صباح الخير قاليا صباح نور اولدي قلت لسه كصبحتي قاليا لحمد لله كانت خاصاني غير ديك تحمحيمة لله يرضي عليك وجمعتي حتى دار مخليتي ليا منقول قلت ليه هانية تتبقى لواليد قاليا عارف حتى نتى تتبقى ولدي وبغيتي قلبي نعطيه لك أوي دبا تزوج وتولد وتفهم هادشي لي تنقولو ليك قلت ليه شحال فساعة قاليا 9 ونص ناري تعطلنا بزااف تنشوف فتيليفون لواليدة معيطالي شي 7 ولا 70 مرة خرجنا طلع هو ف طوموبيلتو انا فلموطور غادين تنتفكر زبل ديال لمعطي درت ليكيت عيطت ليه ألو معاك لبشير اه مرحبا غبرتي قلت ليه وراه غادي نخطب ختنى ليوم و بغيتك حتى نتا تمشي معايا راك خويا قاليا وايلي غنمشي لابدة مفيهاش لمزاح عطيتو عنوان لفيلا ديالنا جديدة نتجمعو تما ونمشيو قاليا واخا عطيني شي ساعتين وانا معاك قلت ليه غير متعطلش غادي نتسناوك وصلنا لفيلا مع حطيت لموطور خرجاتلي لواليدة مالك على هاد تعطيلا باليها لواليد معايا قالت ليه سلام سلام جراتني بزربا دخلاتني لحمام قالت ليا حسن ديك لحية قلت ليها من نيتك راه عام و أنا تنقاد فيها باش ولات كيف تتشوفي فيها أصلا لحية كيوت تجمعو عليا تما جدي جدة لواليد لواليدة والو حلفت منحيدها بزز باش نقصتها شويا دوشت خرجت حطو ليا كوستيم لبسو وايلي معمري لبستو الواليدة نمشي فجبادور حسن قالت ليا وصافي لبس هدا راه هو لي تيمشيو فيه ناس قلت ليها واخا الالة بديت تنلبس فيه وهوما واقفين عليا وضفاك متحشموش زعما راه غنتعرى قاليا لواليد انا شفتك عريان فاش كنتي صغير يعني عادي متحشمش مني لواليدة قالت ليا ريحة ليكوش ديالك مزال فيديا وتجي تحشم مني ديا جدي وجدة نفس لبلان هههه سكتوني لبستو أححح عليا جيت زوين حتى تنسمعو دقان لمعطي جا حلات لواليدة لباب هو داخل هو ومراتو لابسين مزيان زبل ضارب حطة مقودة على ديالي قلت ليه وا ثبي راه أنا هو لعريس بقاو تيوصيو فيا لمرض بحالا غنمشيو نتحاربو وصلات ديك زوج قالت لينا لواليدة هو هدا لوقت يلاه نمشيو ناري غادي معايا بدرب خارجين بزغاريت طلعت مع لمعطي فطوموبيلتو خارجين من لمشروع تتباليا مها واقفة عند لمكتب ديالها وتتشوف هههه 😈 موتي أبنت لعبد سا سكونابيل نكاح نكاح بقيت تنطل عليها خرجنا من لمشروع مشينا لعند مول لورد قاد لينا طوموبيلات و أخيرا غيزوجوني دموع سالو وصلنا لدارهم خرجو لعندنا تيرحبو بينا دخلونا بركنا فصالون زربو علينا ب أتاي ولحلوى بارك فواحد سداري أنا و لواليد و لواليد ديال أحلام و جدي و لمعطي تندويو على كورة شويا قلبو لموضوع لسياسة شويا تيدويو على لملك و أنا نوض من حداهم هوما كاملين دايقين لحلوى وخا يدخو لحبس أنا مزال عزري 😇 مشيت حدا لواليدة و لوايدة ديال أحلام بركوني وسطهم تيوصيوني عليها قلت ليها خالتي ممحتاجينش توصوني راه بنت خالتي تقريبا وكدا يعني بحالا واخد بنت عائلتي قالت ليا لله يرضي عليك أولدي وهيا تدخل ختنى ناري لفسورية لطاي و لهمة بركات حدايا مقديتش ندوي معاها وهيا تقوليا لواليدة سير نتا وياها لصالون لي حدانا وبركو دويو على خاطركم وقررو إمتى تديرو لعرس قلت ليها وخا شديت لختنى فيديها مشينا لبيت لي حدانا بركنا تنشوف فيها قلت ليها جيتي زوينة الخرية واهيا ناري فين كنتي مخبية هادشي قالت ليا هنينا دبا يسمعوك دار قلت ليها كيفاش دار أصلا وليتي خطيبتي و قريب تولي مراتي قالت ليا وخا قلت ليها صبري تنطل تيبانو ليا مشغولين مع لحلوى و أتاي و لكلام رجعت حدا ختنى شديت ليها يديها بستها ختنى لون وجهها تبدل يلاه غنعاود نبوسها وهيا تدخل لواليدة أ لبشير بفففف من نيتك الواليدة أول مرة نزعم على ختنى هكدا قالت ليا واش نتا حمق دبا يشوفك باها ناري مبقيتش قادر نشوف فلواليدة قلت ليها صافي سيري دبا ندوي انا وياها شويا ونجيو قالت ليا وخا دبا رجعات هيا منين جات تنشوف فختنى قلت ليها متديش على لواليدة مبقى والو ونتزوجو وديك ساعة تدخل علينا بحال هكدا منحيروش فيها قالت ليا وراه صيفطونا هنا باش نديرو وقيتة للعرس قلت ليها واه راه عارف لمهم أنا مكرهتش غدا نديرو لعرس هههه ولكين راك عارفة خاصهم وقت يقادو داكشي و بغيتو عرس مفرغع قالت ليا مكينش لي غيعطلنا نتا مخدامش دبا و أنا تنخدم وقت ترشقلي من لأفضل نقربو لموعد ديال لعرس قلت ليها صافي نديروه بعد شي 2 ولا 3 سيمانات قالت ليا يلاه نقولوها ليهم ونشوفو بركنا معاهم قلت لباها عمي راه دويت معاها قلنا نزربو شويا منتعطلوش حيت معندنا علاش نأجلوه انا مزال مقررتش فاش غنخدم وهيا خدمتها تقدر تخليها قاليا واخا نتوما لي غتزوجو ماشي حنا ونتوما لي قررو قلت ليه شي 2 سيمانات من دبا وهيا تنقز لواليدة من نيتك أولدي راه 2 سيمانات يلاه نقادو لحلوى قلت ليها و غير غتزربو ولي مقديتوش عليها شريوها قالت ليا واخا واخا وانا نشوف فلواليد ودوي أصاحبي علاش جايبك أنا بدا تيضحك قاليه خويا راك سمعتي لولد و لبنت راه بنتنا و ولدي حسبو ولدك راه بخيرو تبارك لله وبلا فلوس راه بدراعو عجبك هادشي نقراو لفاتحة نلبسوهم لخواتم قاليه باها على بركة الله جبدات لواليدة لخواتم قالك لبسها لخاتم شديتو بغيت نخشيه ليها فصبعها والو مبغاش شداتني ضحكة قلت ليها مسخوطة صباعك غلض من صباعي قلت للواليدة قلت ليك نديوها معانا فاش نبغيو ناخدو لخواتم ونتي باركة عليا راه عارفة قياسها وهيا تقوليا أحلام وا زبل راك باغي تخشي لخاتم فصبع لوسطاني مال ديمك مكلخ راه تيكون فداك لي فجنبو قلت ليها وايلي مفخباريش أصلا أولة مرة نلبس شي درية خاتم لمهم ركبتولها فصبعها دارتلي ديالي هيا بداو تيزغرتو وكدا سيلفيات أعمي وتصاور بالخواتم تاني شدونا حتى كلينا بقينا باركين معاهم شويا بعد هادشي حتى تيصوني تيليفوني تنشوف فنمرة لقيتها روسية وايلي شكون غيعيط ليا من روسيا وكيفاش غيكون عرف نمرتي جديدة قالت ليا لواليدة طفي تيليفون راك تتخطب زعما قلت ليها غير سمحو ليا خاصني نجاوب خارج تنجري لبرى جاوبتو قلت ليه شكون معايا بروسية ؟ يتبع
#دعشوش

قصة لبشير و مها 16

#لبشير_و_مها
الجزء 16
خلاتني وخرجات من لبيت ندماتنب حتى دويت معاها شاد داك لقاعيط تنحك ف لحيط وهيا تدخل هازا معاها سطل ديال سباغة حطاتو وهيا تشوف فيا قالت ليا شنو تتسنى سير جيب شيتات ورولوات من لكوزينة نبداو صباغة قلت ليها واخا ختنى تتخدم حسن مني تناكت جبتهم حلينا سطل خلطناه بدينا خدامين ختنى خدمتها نقية متتطيحش نقطة فالأرض بقيت غير حاضيها وهيا تشوف فيا قالت ليا فين عينيك معرفناك واش تتصبغ لحيط ولا لأرض تنشوف فالأرض كاملة صباغة تنطيح بزاف قالت ليا حط حط داكشي من يديك وغير برك ندويو أنا غنكمل لبيت قلت ليها وخا سديت سطل وبركت فوقو قالت ليا بصح خيتي من روسيا قلت ليها وايييه يلاه جيت قالت ليا وشفتك مطلقتي حتى كلمة بروسية ليوم متعلمتيهاش و أنا نبدا نسب فيها بالروسية غير صمطة ولتحت ختنى تتخدم وتتشوف فيا قالت ليا والو روسية زوينة خاصني نتعلملها قلت ليها أصلا ساهلة خاصك غير تلقاي معامن تدوي قالت ليا مزيان إوا كمل عاود ليا على راسك شنو ناوي تدير دبا قلت ليها فصراحة مزال ممقررش ولكين حاط فراسي نستقر مع لواليدة فهاد دار بعدا قالت ليا مزيان بديت حتى أنا تنسول فيها بقينا غير تنسولو فبعضياتنا حتى كملات داك لبيت لقينا لواليدة و لوالة ديالها كملو حتى هوما شي بلايص غدا غنكملو دار فصباغة بغاو يصيفطوني نجيب شي حاجة ناكلوها قلت ليها لواليدة مزال معنديش بيرمي ومخلي لموطور فدار لواليدة ديال ختنى وهيا تزرب عليا قالت ليا مكين لاش ها هيا أحلام توصلك ويييع هادو باغين يفسدو ليا أخلاقي وصافي قلت ليها واخا نبدلو قالت ليا لبنت بلاش نمشيو غير هكدا خرجنا عندها واحد ل Fiat 500 فلحمر ويييع مشينا لواحد سناك وصيناه على بيتزا و شي سندويشات باركين فلكراسة لي قدامو معرفتش شنو نقول ليها تنضور فعينيا فشارع وهيا تقوليا شوف متبقاش ملفت عليا بجيه راه حتى أنا ماشي لخاطري راه غير لواليدة و لواليدة ديالك منعرف لاش تيخططو و عياو ميعمرو ليا راسي ولكين إلا مكنتيش نتا باغي تكون شي حاجة قولها ليا ونقولوها ليهم بزوج ختنى عطاتني لقاصح حتى أنا زدت فيه فصراحة قلت ليها أحلام أنا يلاه راجع من بلاد أخرى ولله لي عالم بيا شنو مدوز تما وخا نعاود ليك مغاديش تيقيني دبا راجع بعقلية من غير لي مشيت بيها دبا بغيت نستقر مع لواليدة لي هيا أهم حاجة عندي دبا و ناوي ندير عائلة ونزيدك حتى أنا دوات معايا لواليدة و صراحة حتال دبا راك أنسب بنت نقدر نستقر معاها وحتى لواليدة تتبانيلي عاجباها نهار كامل تتدوي عليك وهيا تحشم قات ليا راه خالتي هاديك أزبل و تقدر تقول هيا لي مربياني بسيف ما تشكرني قلت ليها إوا صافي مكين حتى مشكل حتال دبا مني عائلاتنا متافقين صافي خاص غير نشوفو واش حنا مناسبين لبعضياتنا فهاد لأيام لماجية قالت ليا دبا دويتي صافي نخليو هاد لأيام جاية تلعب دورها قلت ليها زوين هاد تلعب دورها خرجو عليكم لأفلام وهو يجي خونا قالينا سلعتكم وجدات هزيناهم درناها فطوموبيلتها غادين تنشوف فلبنت تتباليا فرحانة رجعنا لدار دخلنا ليهم لقص موناضة بدينا تناكلو بارك مع لحريم تيدويو على صباغة ظفران و ماكياج أنا غر تنشوف فيهم تنحس براسي خنتى وسطهم قلت لواليدة يلاه أنا غنمشي ندور شويا و باغي ناخد موطور على قدي لي عندي مبقاش صالح ليا نخليكم دبا وأنا نشوف فختنى أحلام قلت ليها نمشي معاك ؟ قلت ليها أه مكرهتش حيدت لحوايج لمخين حتى ختنى بدلات تبعاتنا لواليدة حتال باب دار ممتيقاش ولا فرحانة حيت لبلان لي حطاتو ليا مع ختنى بدا تيصدق لمهم طلعت معاها قالت ليا فين نعتليها لمحال ديال لمعطي وقلت ليها عرفتي هدا واحد صاحبي روح مزيان نعرفك عليه قالت ليا مرحبا بغيت نشوف صحابك ونعرف عليك كلشي ياك هادشي لي خاصنا نديرو وحتى نتا سولني على أي حاجة بغيتيها مغادي نخبي عليك والو ديك ساعة بغيتي نكملو نكملو مبغيتيش لله يجيبلك ما حسن ختنى دخلاتلي شك بهاد لجملة لأخيرة وصلنا للمحال داخلين طلعنا لعند خونا لمعطي هههه فينما تنتفكر سميتو تتجيني ضحكة لمهم دخلنا سلام سلام قاليا شكون هادي ؟ قلت ليه نعرفك لمدام لمستقبلية إنشاء لله ختنى حشمات قاليها متشرفين ختي راه خويا هدا متلقايش حسن منو روجولة صح ولعمل تنشوف فخونا بحالا باغي يبيع ليها حولي هو أصلا سميتو ديال شي كساب د لغنم قلت ليها واي هنينا لمهم جيت ليوم بغيت موطور أصاحبي قاليا ياك عندك قلت ليه هداك ولا تيجيني صغير بغيت شي واحد كبر قاليا مرحبا نزلو شوفو لي بغيتيه خودو محال خوك هدا قلت ليه بحال لمرة لولا تاني غنبقا نقولك تخلص ونتا تقول لا ولله حتى نخلصك قاليا ولله ما تزيد كلمة ديك لمرة خلصتيني و عاد مكنتش تنعرفك دبا نتا عشيري و خويا كاع ولله ما نتخلص منك قلت ليه صافي صافي راسك قاصح ولكين أنا راه مغاديش نرحمك باغي موطور كبير أنا قاليا مرحبا أصاحبي دوينا نزلنا تنضورو وصلنا لعند T-Max أخويا وهو يوريني وحدا غير ديال 2016 قاليا ولله ما تلقا بحالها لخفة ورشاقة قلت ليه صافي هيا هادي أصاحبي بغيت هاد لموطور قاليا خلي ليا لكارط وغدا رجع تلقا لوراق مقادين قلت ليه صافي غدا ندوز فصباح قاد ليا لوراق مزيان مقاد على صداع قاليا صافي كون هاني أحححح على موطور كيف داير غادين خارجين قاليا صبر صبر تمشيو معايا لدار راك مزال متعرفتيش على مراتي وتغدا معانا قلت ليه خويا نخليوها حتال من بعد واقيلا وراه يلاه مغدين قاليا ولله حتى نمشيو دبا جبد تيليفون قاليها شوفي راه جاين ضيفان عندنا وجدي ليهم لغدا دار تيليفونو فجيبو غادين هو فرونج ديالو و و أنا مع أحلام غادين تابعينو وهيا تقوليا غدير موطور غتعطيها لبنات وأنا نشوف فيها غرتي غرتي ياك قوليها بدات تتضحك قالت ليا نصيحة ماشي غيرة نلقاك هاز شي وحدة نشوهك مع خالتي راك مزال معارفنيش قلت ليها متخافيش مزال متتعرفينيش راني ضريف و تيقة ولله قالت ليا دبا نشوفو وهيا تتضحك وصلنا لدار لمعطي نزلنا حل لباب دخلنا وهو يعيط على مراتو خرجات من لكوزينة تتجري قالت ليه نعام قاليها أجي تشوفي صحيبي لي تنعاود ليك عليه وهيا تشوف فيا ختنى دايرا زيف و لابسة بيجامة ديال دار هيا زوينة زين ديال دار دراري لحضايا غيفهموني لمهم سلمنا عليها بركنا فصالون مع بركات وهو يقوليا عمري أتاي أش هاد صواب لي عندك واااع متيحشمش هاد لهلاوي قلت ليه وا لمعطي خلي لمرى باركة راه يلاه خرجات من لكوزينة و حنا ماشي برانين بركي أختي قالت ليا لا ولله حتى نجيب أتاي راه حاطة داكشي فوق طابلة موجود قالت ليها أحلام بلاتس نمشي معاك مشاو تنشوف ف خونا لمعطي قلت ليه مالك حرش أصاحبي واحد 5 دقايق جابو لمسمن لحلوى أتاي سلعة شاد كاس فيدي تنشوف فختنى تتشرب أتاي وتتشوف فيه بنص عين واهيا ناري على حكام لازمني شي مرى بحال هادي شربنا أتاي بغينا نخرجو حلف علينا حتى نتغداو حشمنا بركت أنا معاه تنتفرجو ف تلفازا و لبنات دخلو لكوزينة شويا تيوصليني مساج من نمرة متنعرفهاش فيه ''كوكو س أحلام دخل لعندنا لكوزينة لابدة'' قلت ليه غنمشي نشرب قاليا وخا دخلت لكوزينة لقيت مراتو تتحط فلغدا و أحلام واقفة عند لباب جراتني لعند تلاجة قالت ليا دوي مع صاحبك قوليه يفرق عليه لبنت قلت ليها كيفاش مفهمتش ؟ قالت ليا وراه تيضربها ومشفتيهش كيفاش تيعاملها قدام بنادم مني تيكونو بوحدهم لله أعلم تاني قلت ليها وا أحلام راه مراتو أنا منقدرش ندوي وهيا تقوليا صبر جرات ختنى لعندنا وراتني يديها زرقين وااع ولد لعبد هتلر ومدارهاش هادي قلت ليها علاش تيدير هكدا وهيا تبدا تبكي حلات تلاجة وهوما يبانو ليا لقراعي دسال شراب بحال ديما مستفين ...(يتبع)
#دعشوش

قصة لبشير و مها 15

#لبشير_و_مها
الجزء 15
رجعت لدار حطيت لموطور فلكراج لتحت عندي لهلاوي لكحل ولكين متبدل عشيرك غير ب مكرف و مال ستانت ماشي راجل طلعت لدار لقيت لواليدة جات حتى هيا بقينا باركين تاني تندويو خوكم تيعاود ليهم لمغامرات ديالو فروسيا تاني و أنا نتفكر بلي شحااال مدخلت لحمام كنت غير تندوش ف روسيا غتلقا لوسخ شد بلاصتو فجلدة دخلت لحمام فدار طلقت سخون أعمي و حطيت صابون و لخراقي و كلشي عارف راسي موسخ تجرتيلا ديال لكلاب بديت تنحك وهيا ناري موسخ بقيت مقاتل شي ساعة وصرف حتى تتدق عليا لواليدة قالت ليا ولدي نحك ليك ظهرك قلت ليها ولا لا مكيتش جدي ولا شي واحد قالت ليا أويلي تحشم مني شكون لي كان تيكبر فيك حل حل حليت ليها لباب سكتاتني أخويا و تحياتي لأي واحد ولا وحدة مزال تتحك ليه مو ظهرو 😂 لله يسمح لينا منهم خدات لخرقة بدات تتحك و تتنgر ههه راك عارف مسكتاتش تتقوليا واش كنتي ميت أش هاد لوسخ حتى تتقوليا شنو هادشي عندك واحد ضربة فظهرك هايا وحدا أخرى هادو ضربات ديال موس قلت ليها هادوك والو الواليدة وريتها رجليا و صدري قالت ليا كمل عومان وخرج خاصك تقوليا فاش كنتي خدام لابدة هادشي لي درتو كملت قلت صافي غادي نعاود ليها خرجت لعندها لقيتها باركة بوحدها تتسنى فيا .
-قالت ليا شنو لي دار ليك هكدا كامل مضروب
-قلت ليها لواليدة أغلبية لوقت لي كنت غابر فيه كنت تنتدرب ماشي لخاطري لي كنت غادي نخدم معاهم بززو عليا هاد تدريب و ماشي عادي و هاد ضرب لي تتشوفي راه والو مزال راه براو ولكين هادشي كامل ممشاش فوالو درت صحاب وصحتي بيخير و جمعت فلوس لي تعيشنا حياتنا كاملة و فأحسن لبلايص و أحسن مستوى
-قالت ليا لبشير متبقاش تدور و تلف فلهظرة قولي أشمن خدمة
-قلت ليها لواليدة عرفتي داكشي ديال ل مرتزقة ؟
-قالت ليا أه عرفتهم مالهم ؟
-قات ليها وراه كنت خدام مع واحد لفرقة بحال داكشي بقات مصدومة
-قالت ليا تتضحك ياك شويا و قالت ليا حولك راجع مبدل وداك نهار فلقهوى واثق فراسك قوليا نتا لخبرة
-قلت ليها أه الواليدة دوك ناس لي كنت معاهم روسين أقود وحدين فهادشي وماشي غير لي جا تيدخل معاهم بقات غير تتشوف
-قالت ليا مزال ممتيقاش ، شحال من واحد ؟
-قالت ليها كيفاش ؟
-شحال من واحد قتلتي ؟
-معقلتش و بزااف منقدرش نحسب ولكين إلا مدرتش هكداك نموت فبلاصتهم
-قالت ليا سمع هادشي يبقى بيناتنا متعاود لحتى مخلوق كيف يكون راك عارف لمغرب و حكومتو يغبروك إلا عرفو شي حاجة نولي نقلب عليك و نزيدك تنقلب ليك دبا على بنت ناس لي تعاون نتا وهيا على زمان ومتقولش ليا من بعد ولا شي حاجة راه تعطلتي على زواج بعدا .
قلت ليها وخا وخا لي باليك ولكين متعطي كلمة لحتى واحد حتى نشوف هاد لبنت قالت ليا وهكدا نبغيك نشوف وليداتك محدي مزال صفيرة نربيهم معاك قلت ليها وخا الآلة لي باليك طلعت لواحد لبيت دخت ننعس شويا تيباليا مساج نمرة متنعرفهاش مساج فيه واش عندك واتساب قلت شكون معايا بعدا ؟ قاليا و دوز واتساب وندويو قلت ليه صبر تيليشارجيتو دخلت ديك نمرة صيفطت سلام لديك نمرة باينا بنت غير من فوطو د بروفيل فيها وردة جاوباتني وعليكم يلام شكون معايا دبا قالت ليا معرفتينيش انا صاحبة ماماك لي كنتو معاها صباح عطيتيني نمرتك قلت ليها أه خالتي مرحبا سمحيلي معرفتكش قالت لا هانية هانية ياك ماماك لاباس قلت ليها لاباس لحمد لله ونتي قالت ليا بيخير إوا بقينا داوين شويا تتسول فيا فاش خدام تنقول ليها مزال مقررتش ولكين كين راس لمال لحمد لله بقات تتدير ليا داكشي ديال لبوليس حتال ليل قلت يها بونوي حتال غدا نشوفك ف لفيلا إنشاء لله قالت ليا صافي حتى حنا عوالين غدا نبداو ونحتاجوك تعاونا راه دارك هاديك قلت ليها مرحبا غدا إنشاء لله  لغد ليه فقت فطرنا غادي أنا ولواليدة باش نشوفو فين وصلو فلخدمة و إلا كان فاش نعاونو وصلنا مكينش لواليد فداك لمشروع ليوم دخلنا تتباليا فليلا عامرة حريم غير لبنات مكينش شي راجل جات ديك عشيرة لواليدة سلام سلام قلت ليها شكون هادو ؟ وهيا تعيط عليهم لبنات ناري شوهاتني بدات تتوري فيا هادي عزيزة تخصص صباغة هادي أميرة تخصص لوان وداكشي بدات تتوري فيا واااع وغير لحريم تخلعت أنا تزعزعت وهيا تقوليا وهادي بنتي لعزيزة سميتها أحلام مهندسة ديكور ختنى حشمانة وهيا تقوليا مها وراه جاو فيها لخطاب من أمريكا ومبغيناش و خطبها بيلوط و طبيب وهيا تقوليها لبنت ماما يهديك لله تنشوف فلواليدة تتباليا تتدور فعينيها فصالون أنا فهمتها فلبلاصة وعرفت هاد سيدة علاش لبارح بقات تتجرلي فلساني تنشوف فلواليدة تنقرب لودنها قلت ليها وليتي قوادة الواليدة صافي معطلتينيش قالت ليا وا لبغل راه دجاجة بكامونها لقراية وزين وكلشي تنشوف فختنى محايبة لدنيا خبار قلت ليها ناري الواليدة تناكت دبصح مزال مشفنا والو قالت ليا وتا دير عقلك شوف لبنت كيف دايرا و نزيدك هادي راه بحالا أنا لي مربياها معمر شي واحد مسها قلت ليها وخا وخا ديا نشوفو ولكين راه نقولها ليك من هنا راه مغنديرو والو ديا حتى نقادو دار و نستقر و نشوف فاش غادي نخدم قالت ليا واخا واخا دبا يلاه نوقفو حداهم ودير بحالا مفراسك واو قلت ليها واخا لمهم بدينا خدامين خوكم شاد واحد لكاعيط حرش تنحك فواحد لحيط تنشوف فختنى حتى هيا تتحك فلحيط وضفاك تنقرب حداها قلت ليها أول مرة نسمع مهندسة ديكور تتخدم بيديها وتتحك لحيط أول مرة غندوي معاها وهيا تضحك واحد ضحيكة قالت ليا ومالها شنو فيها مزيان تحرك شويا وهيا تخليني واقف تما وخرجات من صالون مزادتش كلمة وضفاك مال هادي خلاتني بلاكة واقف بوحدي ... (يتبع) #دعشوش